Dagblaðið Vísir - DV - 16.03.2018, Blaðsíða 32

32 umræða
Sandkorn
16. mars 2018
Spurning vikunnar
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
Aðalnúmer: 512 7000
Auglýsingar: 512 7050
Ritstjórn: 512 7010
Heimilisfang
Kringlan 4-12, 4. hæð
103 Reykjavík
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson
Framkvæmdastjóri: Karl Garðarsson Aðalritstjóri og ábyrgðarmaður: Kristjón Kormákur Guðjónsson
Aðstoðarritstjóri: Einar Þór Sigurðsson Prentun: Landsprent Dreifing: Árvakur
fréttaskot
512 7070
abending@dv.is
Hrósið fær Sigríður Andersen
E
kkert skipti var samt jafn
slæmt og kvöldið sem hann
reyndi að kyrkja mig. Ég
man það eins og það hafi
gerst í gær. Hvernig ég barðist á
móti, sá brjálæðisglampann í aug-
unum á honum, hélt að þetta væri
mitt síðasta. Ég hugsaði til ykkar,
að þið yrðuð móðurlausar. Ætli
það hafi ekki gefið mér þann fít-
onskraft sem ég fékk til að losa
hann ofan af mér.“
Þetta skrifaði Hildur Þor-
steinsdóttir meðal annars í löngu,
átakan legu bréfi til barna sinna
eftir að hún hafði flúið Magnús
Jónsson, sambýlismann sinn til
sautján ára. Hildur kveðst hafa
mátt þola skelfilegt, andlegt, lík-
amlegt og kynferðislegt ofbeldi
af hálfu Magnúsar. Hildur opn-
aði sig um sambandið í viðtali við
DV og vakti saga hennar gríðar-
lega athygli. Var ánægjulegt að
sjá hvernig fjölskylda, vinir og svo
lesendur DV, ókunnugt fólk veitti
Hildi stuðning sem hefur bætt þó
aðeins að litlum hluta upp það of-
beldi sem Hildur hefur orðið fyr-
ir af hálfu kerfisins. Og saga Hildar
er ekkert einsdæmi.
Í sögu Hildar kom fram að þrátt
fyrir að hafa slitið sambandinu
fyrir þremur árum er ekki enn
búið að skipta eignum og tókst
að tefja málið með aðstoð lög-
fræðinga. Konur lenda í raun í
mannréttindabrotum í svifaseinu
kerfi.
Á fimmtudag hitti Þorsteinn
Vilhelmsson, faðir Hildar, Sigríði
Andersen dómsmálaráðherra.
Það er ljóst að Sigríður þarf að láta
til sín taka á þessu sviði. Hún fór
yfir mál Hildar með Þorsteini og
kveðst fjölskyldan treysta því að
breytingar verði á kerfinu öllum
konum og fjölskyldum til góða.
Um lífsspursmál er að ræða, því
ekki lifa allar konur ofbeldissam-
bönd af. Og lifi þær af er skaðinn
oft gríðarlegur og sálræn lækn-
ing tekur sinn tíma. Þá verða börn
oft vitni að því þegar pabbi lemur
mömmu.
Kerfið hefur brotið á Hildi. Það
liggur ljóst fyrir. Það verður aldrei
bætt að fullu en Sigríður And-
ersen fær nú tækifæri til að láta
gott af sér leiða og bæta kerfi sem
á að lyfta konum en ekki berja þær
niður.
Sigríður Andersen fær hrós
dagsins fyrir að hlusta á sögu fjöl-
skyldunnar. Það verður fróðlegt að
sjá hver hennar næstu skref verða.
Það er mikilvægt fyrir okkur öll að
tekin verði rétt ákvörðun og kerfið
skoðað, okkur öllum til heilla. n
Leiðari
Kristjón Kormákur Guðjónsson
kristjon@dv.is
Að skjóta sig í fótinn
Bjarkeyju Olsen Gunnarsdóttur,
þingflokksformanni Vinstri
grænna, tókst að skjóta sig
allrækilega í fótinn með því
að segja að sporslurnar sín-
ar dygðu ekki til að borga af
húsnæðisláninu sínu. Bjarkey
dró svo í land og sagði að
sporslurnar dygðu ekki til að
greiða af láninu af húsinu sem
hún keypti í Reykjavík og það
sem hún væri að kvarta und-
an væri aðstöðumunur. Ekki
tók hún þó fram að með því að
kaupa sér íbúð gæti hún selt
téða íbúð og hagnast. Smá ráð
til Bjarkeyjar, ef þú ert með 1,5
milljónir á mánuði, sporslur
sem þú sem þingmaður neyð-
ir sjálfa þig til að taka við, ekki
kvarta undan því á almanna-
færi að sporslurnar séu ekki
nógu háar. Það kallast að skjóta
sig í fótinn.
Hlegið að Viðreisn
Dræm þátttaka á landsfundi
Viðreisnar vakti kátínu hjá
þeim 93% þjóðarinnar sem
ekki styðja flokkinn, þá sérstak-
lega Sjálfstæðismanna sem er
ekki hlýtt til þeirra sem voga
sér að skilja við flokkinn. Sjálf-
stæðismenn, sem sjálfir halda
landsfund um helgina, hafa
hlegið dátt að þeirri staðreynd
að nærri helmingi fleiri hafa
boðist til að taka þátt í mál-
efnanefndum flokksins en kusu
Þorgerði Katrínu Gunnarsdóttur,
formann Viðreisnar. Sjálfstæð-
ismennirnir hlægja kannski
ekki jafn hátt þegar þeir átta sig
á því að nærri helmingi færri
styðja flokkinn í dag en þegar
Þorgerður Katrín var varafor-
maður.
Þ
etta er umræða sem skýtur
upp kollinum öðru hverju.
Það er ókeypis í strætó á
Akureyri en eftir því sem ég
best veit er hann ekki mikið not-
aður. Ég las áhugaverðar fréttir í
þýskum blöðum um að ríkisstjórn
Þýskalands henti út þeirri hug-
mynd að hafa tilraunaverkefni í
nokkrum þýskum borgum að hafa
ókeypis almenningssamgöng-
ur til að minnka koltvíoxíðlosun í
landinu.
Það var svo þýskt blað sem gerði
könnun á því með-
al nokkur hund-
ruð manns sem
fara alltaf á bíl og
þeir spurðir „ef
það er ókeypis í strætó, muntu þá
hætta að keyra alltaf á milli á bíl
og taka strætó?“, þeir sögðu nánast
allir nei. Vegna þess að það er ekki
verðið sem veldur því að við kjós-
um að fara á bíl heldur að bíllinn
er fljótari og þægilegri.
Ef við gerum almenningssam-
göngurnar þannig að þær verði
bæði þægilegri og fljótlegri en
að fara á bíl þá munum við nota
strætó. Við væntum þess að verðið
verði hóflegt, en verðið skiptir
mjög litlu máli. Þannig að hug-
myndin, að allir muni fara í strætó
ef það er ókeypis, hún stenst ekki.
Þ
að sem við í Framsóknar-
flokknum í Reykjavík
bendum á er að þetta hef-
ur reynst vel á Akureyri.
Akureyringar þrefölduðu farþega-
fjölda í strætó á árunum 2007–
2010 eftir að frítt varð í strætó. Það
þurfa að fylgja auka 1,9 milljarð-
ar með í rekstur Strætó á höfuð-
borgarsvæðinu til þess að þetta
gangi upp, sem yrði þá fjár-
magnað af sveitarfé-
lögunum og jafnvel
með aðkomu ríkisins.
Það sem sparast á móti
eru dýr umferðar-
mannvirki ef tilraunin
gengur upp.
Ef tilraunin sparar ferðatíma fólks
um 10 mínútur á dag fyrir 60.000
manns þá sparar það 10.000
vinnustundir á dag. 10.000 vinnu-
stundir sinnum 2.000 krónur á
tímann (sem er hóflegt tímakaup)
gerir 20 milljónir króna í sparnað
á dag. Margfaldað með 240 vinnu-
dögum gerir það 4,8 milljarða
króna í tímasparnað á ári.
Þessi tilraun upp á 1,9
milljarða sem við leggj-
um til er mun ódýrari en Borg-
arlínan. Borgarlínan mun kosta
a.m.k. 70 milljarða sem verða
teknir að láni. Vaxtakostnaður-
inn af 70 milljörðum er 3,5 millj-
arðar á ári ef miðað er við 5%
vexti. Svo er þetta umhverfis-
mál einnig þar sem bílaumferð
og mengun munu væntanlega
minnka ef frítt er í strætó. Þetta er
tilraunarinnar virði segjum við.
Ingvar Mar Jónsson, oddviti Framsóknarflokksins í Reykjavík Hjálmar Sveinsson, formaður umhverfis- og skipulagsráðs Reykjavíkur
Með og á Móti Frítt í Strætó
með
á móti
Erum við ein í heiminum?
„Ég trúi því ekki. Okkar himneski faðir er lifandi og hann
elskar okkur.“
Öldungur Clegg
„Nei, við erum ekki ein. Ég trúi á aðrar sálir.“
Laufey Þórðardóttir
„Nei, ég held að við séum ekki ein. Ég held að það sé líf á
öðrum hnöttum.“
Stefán óskarsson
„Nei. Ég trúi því algerlega að það sé líf annars staðar.“
ingunn Magnea Jónsdóttir