Dagblaðið Vísir - DV - 16.03.2018, Blaðsíða 19

16. mars 2018 fréttir 19
Hér búa stjórnendur lífeyrissjóðanna
Miðvangur 5
Hér býr Gerður
Guðjónsdóttir,
framkvæmdastjóri
Brú lífeyrissjóðs.
Húsið keypti hún í
byrjun desember 1998
ásamt eiginmanni
sínum, Ólafi Rafnssyni
heitnum. Kaupverðið
var 18,5 milljónir króna
en fasteignin er 288,6
fermetrar að stærð.
Brú hét áður Lífeyris-
sjóður starfsmanna
sveitarfélaga og var
Gerður ráðin fram-
kvæmdastjóri sjóðsins
í apríl 2014.
Vættaborgir 79 Hér býr Sigurbjörn Sigurbjörnsson, framkvæmdastjóri
Söfnunarsjóðs lífeyrissréttinda, ásamt eiginkonu sinni, Auði Björg Árnadóttur.
Hjónin keyptu fasteignina í júní 1999 og var kaupverðið 12,85 milljónir króna. Húsið
er 190,1 fermetri að stærð. Sigurbjörn hefur verið framkvæmdastjóri Söfnunarsjóðs-
ins svo lengi sem elstu menn muna.
Bollagarðar 81 Hér býr Árni Guðmundsson, framvæmdastjóri Gildis lífeyrissjóðs, ásamt eiginkonu sinni, Margréti Halldórsdóttur.
Hjónin keyptu fasteignina í byrjun júní 2004 og var kaupverðið 32 milljónir króna. Húsið er 187,2 fermetrar að stærð. Árni hefur starfað í tæp
40 ár í lífeyriskerfinu, fyrst hjá Lífeyrissjóði sjómanna og síðan hjá Gildi.
Furugerði 2 Í kjallara þessa húss býr Haukur Hafsteinsson,
framkvæmdastjóri LSR, stærsta lífeyrissjóðs landsins, ásamt
eiginkonu sinni, Þóru G. Gísladóttur. Íbúðin er 117 fermetrar en gam-
an er að geta þess að á efri hæð hússins býr Guðjón Auðunsson,
forstjóri Reita, sem fjallað var um í umfjöllun um hvar forstjórar
landsins búa. Haukur hefur starfað sem framkvæmdastjóri LSR
í tæpa þrjá áratugi og virðist kjósa stöðugleika og nægjusemi.
Ofangreind íbúð hefur verið svo lengi í eigu fjölskyldunnar að engin
gögn finnast um hvenær hún var keypt.