Dagblaðið Vísir - DV - 16.03.2018, Blaðsíða 62

62 16. mars 2018
S
ex kílómetra frá Þjóð-
vegi 1, nánar tiltekið við
Strandgötu 1 á Hvamms-
tanga stendur veitinga-
staðurinn Sjávarborg en hann er
rekinn af þeim hjónum Hrund
Jóhannsdóttur og Gunnari Páli
Helgasyni.
„Við opnuðum staðinn í mars
2015 en forsöguna má rekja til
foreldra minna sem hófu rekstur
ferðaþjónustunnar Gauksmýri
fyrir rúmlega tuttugu árum. Fyrir
þremur árum auglýsti svo sveitar-
félagið eftir rekstraraðilum til að
sjá um skólamötuneytið í grunn-
skóla Húnaþings vestra og reka
veitingastað samhliða því. Eini
veitingastaðurinn á svæðinu á
þeim tíma var söluskálinn sem
bauð bara upp á skyndibita, sem
er gott og gilt, þótt gaman sé að
bjóða upp á fleiri möguleika og
breiðara úrval. Foreldrar mín-
ir fengu verkið en við maðurinn
minn komum inn í reksturinn árið
2016 og tókum fljótlega alfarið við
daglegum rekstri.“
Hrund segir þau hjónin bæði
hafa mikinn metnað fyrir því að
elda ferskan mat og helst reyni
þau að sækja hráefnin á næstu
bæi, landbúnaðarafurðir og ann-
að.
„Við erum með frábært starfs-
fólk sem hefur veitt okkur inn-
blástur í þessum efnum, – og
þótt það hljómi svolítið sveita-
lega, þá viljum við alls ekki vera
neitt síðri en bestu veitingastað-
irnir í Reykjavík,“ segir Hrund og
bætir við að umhverfið og hönnun
staðarins hvetji þau til að gefa ekk-
ert eftir í metnaðinum enda hvort
tveggja nýstárlegt og fallegt.
„Sjávarborg er staðsett alveg
við fjöruna í Hvammstanga, á efri
hæð Selaseturs Íslands, og því
fannst okkur nærtækast að bjóða
aðallega upp á sjávarfang. Stund-
um koma líka hvalir syndandi inn
í fjörðinn, sérstaklega á haustin,
og þá er bara hægt að horfa á þá út
um gluggann á veitingastaðnum.
Stundum horfir fólk svo mikið út á
sjó að maður þarf að láta það vita
að maturinn sé kominn á borðið,“
segir Hrund og skellir upp úr.
Húsið þjónaði áður þeim til-
gangi að vera frystihús fyrir gamla
sláturhúsið í bænum en Kaupfé-
lag Vestur-Húnvetninga á sjálfa
bygginguna.
„Borðin eru smíðuð úr bobb-
ingum, ljósin í loftinu eru gamlar
kræklingabaujur, barinn er steypt-
ur úr fjörugrjóti, krókarnir sem
kjötið hékk á eru nýttir sem fata-
hengi og svo mætti lengi telja. Það
er mjög gaman að skoða hvernig
allir þessir hlutir hafa fengið nýtt
hlutverk í breyttu samhengi og við
erum mjög ánægð með útkomuna
og stolt af henni.“
Hver er vinsælasti rétturinn á
matseðlinum hjá ykkur?
„Við erum alltaf með fisk dags-
ins og útfærslan á honum er mis-
munandi eftir því hvað veiðist
þann daginn. Fiskur dagsins er
mjög vinsæll, sérstaklega hjá
ferðamönnum, en heimamenn
eru mjög hrifnir af hamborgar-
anum. Við bjóðum upp á 200
gramma hamborgara með heima-
gerðu majónesi og svo er alltaf
hamborgari vikunnar sem margir
bíða spenntir eftir.
Yfir vetrartímann bjóðum við
upp á rétt dagsins í hádeginu, en
það er sami matur og er eldaður
fyrir skólann en veitingahúsið er
svo aftur opið frá klukkan 17 til 22
(eldhúsinu er lokað kl. 21.00). Um
helgar og á sumrin er opið allan
daginn frá 11.00 til 21.00 en við
stefnum á að hafa eldhúsið opið
til klukkan 22.00 í júlí og ágúst til
að koma til móts við ferðamenn-
ina. Staðurinn getur tekið alveg
upp í 120 manns í sæti svo stund-
um koma heilu rúturnar til okkar.“
koma syndandi inn fjörðinn
Sjá hvalina
Margrét H. Gústavsdóttir
margret@dv.is
„Borðin eru
smíðuð úr
bobbingum, ljósin í
loftinu eru gamlar
kræklingabaujur og
barinn er steyptur úr
fjörugrjóti.
Nýstárlegt og fallegt Húsnæði veitingastaðarins þjónaði áður
þeim tilgangi að vera frystihús fyrir sláturfélag bæjarins og er
enn í eigu Kaupfélags Vestur-Húnvetninga. Mynd natalia Grociak
Metnaðarfull hjón Þau Gunnar Páll og Hrund leggja mikinn
metnað í að bjóða upp á ferskan mat og vilja að Sjávarborg
standi bestu veitingastöðum Reykjavíkur á sporði. Mynd natalia
Hvað er í soðið? Fiskur dagsins er vinsælasti rétturinn hjá Sjávarborg og útfærslan
er mismunandi eftir því hvað veiðist þann daginn. Mynd natalia Grociak
Girnilegt!
Heimagert
pasta er meðal
kræsinga á
matseðlinum.