Morgunblaðið - 21.09.2017, Blaðsíða 38

38 FRÉTTIRErlent
MORGUNBLAÐIÐ FIMMTUDAGUR 21. SEPTEMBER 2017
Stefán Gunnar Sveinsson
sgs@mbl.is
Leitarsveitir í Mexíkó héldu áfram að
leita að eftirlifendum jarðskjálftans
mikla, sem skók landið á þriðjudag-
inn, í gær. Her, lögreglulið og sjálf-
boðaliðar voru að störfum alla fyrri-
nótt í þeirri von að finna mætti fólk á
lífi í húsarústum þeim sem skjálftinn
skildi eftir sig. Að minnsta kosti 225
manns eru sagðir hafa látið lífið í
skjálftanum, og er talið að tala látinna
geti enn hækkað.
Skólabörn á meðal hinna látnu
Miguel Osorio Chong, innanríkis-
ráðherra Mexíkó, sagði að leitarmenn
myndu ekki unna sér hvíldar fyrr en
búið væri að útiloka að fleiri fyndust á
lífi.
Athyglin beindist einna mest að leit
í skólahúsi sem hrundi í Mexíkóborg,
höfuðborg landsins, en þar létust 21
skólabarn og fimm fullorðnir í skjálft-
anum. Enn var rúmlega 30 barna
saknað og leituðu mörg hundruð
manns að þeim í gær, en einum kenn-
ara og tveimur nemendum var bjarg-
að fljótlega eftir að jarðskjálftinn reið
yfir. Biðu foreldrar og aðstandendur í
ofvæni eftir því að heyra fregnir af
ástvinum sínum.
Grunsemdir hafa þegar vaknað um
að skólabyggingin hafi ekki uppfyllt
reglugerðir og lög um jarðskjálfta-
varnir. Verður líklega rannsakað
hvort koma hefði mátt í veg fyrir að
byggingin hryndi í skjálftanum.
Samúðarkveðjur víða að
Þjóðarleiðtogar sendu stjórnvöld-
um í Mexíkó samúðar- og stuðnings-
kveðjur sínar í gær. Donald Trump
Bandaríkjaforseti sendi samúðar-
kveðju sína á samfélagsmiðlinum
Twitter. Bað hann þar Guð um að
blessa íbúa Mexíkóborgar og ná-
grennis, og hét því að Bandaríkin
myndu styðja við fórnarlömb skjálft-
ans. Þá voru Frans páfi og Angela
Merkel Þýskalandskanslari á meðal
þeirra sem vottuðu fórnarlömbum
hamfaranna virðingu sína.
Eyðileggingin í Mexíkóborg vakti
vondar minningar frá árinu 1985, en
skjálftann nú bar upp á sama dag og
jarðskjálftinn varð það ár, en 10.000
manns létu lífið þann dag. Eru það
verstu náttúruhamfarir í sögu
Mexíkó.
Einungis eru um 12 dagar frá því
að tæplega hundrað manns létust í
öðrum jarðskjálfta sunnar í landinu.
Jarðfræðingar segja að skjálftarnir
tveir tengist þó ekki neitt, þar sem
skjálftamiðjur þeirra séu langt hvor
frá annarri.
Örvæntingarfull leit í
kjölfar jarðskjálftans
 Staðfest að meira en 220 manns létu lífið í hamförunum
AFP
Leitarstarf Þúsundir sjálfboðaliða hafa lagt nótt við nýtan dag til þess að
finna fólk á lífi í rústum eftir jarðskjálftann sem skók Mexíkó í fyrradag.
Þúsundir manna tóku þátt í mótmælum á götum
Barcelona í gær eftir að spænska lögreglan
handtók 13 opinbera starfsmenn Katalóníuhér-
aðs og gerðu milljónir kjörseðla upptækar.
Var aðgerðum lögreglunnar ætlað að koma í
veg fyrir umdeilda atkvæðagreiðslu, sem fara á
fram 1. október næstkomandi um sjálfstæði
Katalóníu. Spænsk stjórnvöld segja atkvæða-
greiðsluna ólöglega og hyggjast koma í veg fyrir
hana með öllum ráðum. Ákváðu stjórnvöld til
dæmis í gær að frysta allt fjármagn sem Kata-
lóníuhérað hefur til umráða.
AFP
Fjölmenn mótmæli í Barcelona vegna sjálfstæðismálsins
Kjörgögn gerð upptæk og fjármagn héraðsins fryst
Franski kokkurinn Sebastien Bras óskaði í gær eftir því
að veitingastað sínum yrði sleppt úr hinni víðfrægu
Michelin-handbók á næsta ári. Staðurinn, Le Suquet,
sem finna má í þorpinu Laguiole í suðurhluta Frakk-
lands, hlaut þrjár Michelin-stjörnur árið 1999, en slíkt
þykir mikill heiður. Er staðurinn einungis einn af 27
veitingastöðum í Frakklandi sem njóta þeirra forrétt-
inda.
Bras segir hins vegar að álagið sem fylgir því að vera
með þrjár stjörnur sé of mikið, þar sem þess sé krafist að
matseðillinn hans sé gallalaus á hverjum einasta degi.
Bras sé því tilbúinn til þess að hefja „nýjan kafla“ í lífi sínu, þar sem hann
væri laus við stjörnurnar og álagið. „Kannski verð ég minna frægur fyrir
vikið, en ég sætti mig við það,“ sagði Bras.
Afsalar sér Michelin-stjörnunum
Sebastien Bras
FRAKKLAND
Kínverjar tilkynntu í gær að þeir
væru vel á veg komnir með fyrir-
hugaðan leiðangur sinn til Mars, en
þeir stefna að því að ómannað
geimfar lendi á rauðu plánetunni
ekki síðar en árið 2020.
Mun geimfarið bera með sér ým-
iss konar rannsóknartæki, þar á
meðal sex sjálfvirka „marsjeppa“,
sem ætlað er að gera rannsóknir á
yfirborði og andrúmslofti Mars.
Zhang Rongqiao, yfirmaður leið-
angursins, sagði á sérstakri ráð-
stefnu um geimrannsóknir, sem
haldin var í Peking, höfuðborg
Kína, að áætlað væri að ferðalag
geimfarsins tæki um sjö mánuði og
að lent yrði á norðurhveli Mars.
Kínverjar hafa lagt mikið í geim-
ferðaáætlun sína á undanförnum
árum, en stjórnvöld þar líta á hana
sem merki um velmegun landsins.
Þeir skutu á loft í júlí fyrsta geim-
sjónauka sínum, en honum er m.a.
ætlað að taka myndir af svarthol-
um.
Mars-
ferðalag
„á áætlun“
 Áforma lend-
ingu á Mars 2020
51 ríki undirritaði í gær sáttmála á
vegum Sameinuðu þjóðanna, þar
sem kveðið er á um algjört bann
við kjarnorkuvopnum. Sáttmálinn
var samþykktur í júlí síðastliðnum,
en ekkert af kjarnorkuveldum
heims tók þátt í tilurð hans.
Antonio Guterres, framkvæmda-
stjóri Sameinuðu þjóðanna, fagn-
aði sáttmálanum sem fyrsta stóra
skrefinu sem stigið hefði verið í af-
vopnunarmálum í rúmlega tuttugu
ár. Hann játaði þó að mikið verk
væri enn óunnið áður en hægt yrði
að eyða þeim 15.000 kjarnaoddum
sem áætlað væri að til væru í
heiminum. „Í dag fögnum við tíma-
mótum. Nú þurfum við að halda
áfram á hinni erfiðu braut, sem
mun leiða okkur að eyðingu allra
kjarnorkuvopna,“ sagði hann.
Gæti grafið undan afvopnun
Ekki voru þó allir sáttir við und-
irritun sáttmálans. Atlantshafs-
bandalagið, NATO, sendi frá sér
sérstaka yfirlýsingu í gær, þar
sem það fordæmdi sáttmálann, og
sagði að hann gæti þvert á móti
stuðlað að enn frekari útbreiðslu
kjarnorkuvopna. „Á tímum þegar
heimsbyggðin þarf að sýna sam-
stöðu gegn vaxandi hættu, sér í
lagi þeirri miklu hættu sem stafar
af kjarnorkuvopnaáætlun Norður-
Kóreu, lítur sáttmálinn algjörlega
framhjá þessum áskorunum í ör-
yggismálum heimsins,“ sagði með-
al annars í tilkynningu bandalags-
ins.
Sagði þar jafnframt að það að
reyna að eyða kjarnorkuvopnum
heimsins án nokkurs samráðs við
þau ríki sem byggju yfir slíkum
vopnum væri hvorki fallið til þess
að auka öryggi nokkurrar þjóðar
né til þess að ýta undir frið og
stöðugleika á alþjóðavettvangi.
Sáttmálinn mun ganga formlega
í gildi þegar að minnsta kosti
fimmtíu ríki hafa staðfest hann, og
er talið að það ferli geti tekið mán-
uði eða ár. Á meðal þeirra ríkja
sem undirrituðu hann í gær voru
Brasilía, Suður-Afríka, Austurríki
og Írland.
sgs@mbl.is
Kjarnorkuvopn
gerð útlæg
 NATO fordæmir sáttmála SÞ
AFP
Kjarnorkuafvopnun Frá undirritun
sáttmálans í New York í gær.
Málverkasýning
á vinnustofunni
Lyngási 7 Garðabæ, laugardag og
sunnudag 23. - 24. september
kl. 13 - 17
Verið Velkomin
Haukur Dór - 690 5161