Morgunblaðið - 18.10.2017, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 18. OKTÓBER 2017
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Guðni Einarsson
gudni@mbl.is
Færri komust að en vildu á ráð-
stefnu Geðhjálpar, Börnin okkar!,
sem haldin var í gær á Grand hóteli.
Ráðstefnugestir voru um 400 talsins
og var hætt að taka við bókunum á
ráðstefnuna á föstudaginn var. Inn-
lendir og erlendir sérfræðingar, alls
21 og þar af fjórir erlendir, fluttu
fyrirlestra á ráðstefnunni. Allir ráð-
stefnugestir hlýddu sameiginlega á
fyrirlestra fyrir hádegið en eftir há-
degið voru haldnar fjórar málstofur
og fjallaði hver þeirra um málefni
barna á ákveðnu aldursbili.
„Ráðstefnan
snýst um geðheil-
brigðisþjónustu
við börn og ung-
menni allt frá
fæðingu og til 24
ára aldurs,“ sagði
Anna Gunnhildur
Ólafsdóttir, fram-
kvæmdastjóri
Geðhjálpar.
„Okkur finnst
mikil þörf á úrbótum í þessum mála-
flokki. Markmiðið með ráðstefnunni
er að fá heildarsýn á þá þjónustu
sem er í boði og komast að því hvað
gengur vel og hvað ekki eins vel. Í
framhaldinu ætlum við að setja tíu
verkefni á forgangslista og fara með
hann til heilbrigðisráðherra.“
Forvarnir skila sér til allra
Á meðal fyrirlesara í gærmorgun
var Karen Huges, sérfræðingur hjá
heilsugæslu Wales og Alþjóðaheil-
brigðismálastofnuninni (WHO). Hún
fjallaði um áhrif áfalla í æsku á geð-
heilsu fullorðinna og kostnað sam-
félagsins þess vegna. Samkvæmt
greiningu voru þeir sem urðu fyrir
áfalli eða áföllum í æsku, eða bjuggu
við erfið uppeldisskilyrði, líklegri til
að eiga við geðræna erfiðleika að etja
síðar á lífsleiðinni en aðrir. Anna
Gunnhildur sagði að í Wales hefði
komið í ljós að forvarnir t.d. gegn
vímuefnum og markviss vinna gegn
heimilisofbeldi skilaði sér ekki að-
eins til foreldranna heldur einnig til
barnanna.
Börn veikra foreldra í hættu
Ditte Ellesgaard, doktorsnemi í
læknisfræði og vísindamaður, sagði
frá stórri rannsókn á högum sjö ára
barna foreldra með geðrofasjúk-
dóma (geðhvörf og geðklofa) í Dan-
mörku. Hún talaði við 522 börn, for-
eldra, kennara og fleiri. Rannsóknin
leiddi m.a. í ljós að um 30% barna
þessara veiku foreldra stríddu við
einhvers konar geðræna erfiðleika
síðar á ævinni. Anna Gunnhildur
sagði að í framhaldi af rannsókninni
hefðu Danir ákveðið að byggja upp
þjónustu til að styðja sérstaklega við
þessi börn og fjölskyldur þeirra.
Í málstofunum var m.a. fjallað um
aðgengi að sálfræðiþjónustu, áskor-
anir í skólaþjónustu, sjálfskaðahegð-
un unglinga og fjölgun ungra karl-
manna á örorku.
Erindin tekin upp
Erindin á ráðstefnunni voru öll
tekin upp og verða þau birt á heima-
síðu Geðhjálpar (gedhjalp.is) á
næstu dögum.
Áföll í æsku hafa áhrif á geðheilsu
 Fjölsótt ráðstefna haldin á vegum Geðhjálpar um málefni barna  Fjölbreyttir fyrirlestrar og fjórar
málstofur  Tíu verkefni verða sett á forgangslista og hann síðan afhentur heilbrigðisráðherra
Anna G.
Ólafsdóttir
Framkvæmdir á Miklubraut við Klambratún í Reykja-
vík eru heldur á eftir upphaflegri áætlun að sögn Þórs
Gunnarssonar verkefnastjóra. Upphaflega var áætlað
að framkvæmdum yrði lokið 15. október en Þór segir
að vegna smávægilegra breytinga tefjist þær um mán-
uð. Næst á að malbika strætisvagnaakrein og þá verður
gatan klár en í gær var verið að ganga frá kantinum
upp að veggnum sunnanmegin.
Morgunblaðið/Kristinn Magnússon
Miklabraut mánuði á eftir áætlun
Gengið frá kantinum með bros á vör
Erna Ýr Öldudóttir
ernayr@mbl.is
„Við erum yfirleitt ekki að meðhöndla
börn yngri en fimm ára, þannig að
barnalæknar þurfa kannski að svara
því,“ segir Ólafur
Ó. Guðmundsson,
formaður Barna-
geðlæknafélags-
ins, í samtali við
Morgunblaðið
vegna fréttar sem
birtist í gær um að
lyf og geðlyf fyrir
fullorðna væru
gefin börnum í ein-
hverjum mæli, sbr.
upplýsingar frá
Landlæknisembættinu þar sem fram
kemur m.a. að fleiri börnum hérlendis
sé ávísað slíkum lyfjum en í Svíþjóð,
Noregi og Danmörku.
„Alla jafna eru svo Fluoxetín og
önnur serótónínlyf lítið notuð í aldurs-
hópnum fimm til níu ára, en þessi lyf
eru stundum notuð t.d. við áráttu-
þráhyggjuröskun,“ segir Ólafur.
Formaður Barnalæknafélagsins,
Valtýr S. Thors, segir: „Það sem slær
mig sérstaklega er þessi ópíóðanotkun,
en það eru kódeinlyfin Parkódín og
SEM-mixtúran. Í þessum flokki er
þetta sennilega notað sem hóstastill-
andi meðferð. E.t.v. þarf að endur-
mennta lækna þar sem þessi meðferð
er ekki notuð lengur. Hinn stærsti
flokkurinn virðist vera róandi og kvíða-
stillandi lyf eins og Atarax og Stesolid.
Það kemur mér á óvart, ég kannast
ekki við mikla notkun á þessum lyfjum
fyrir þessa aldurshópa og ég hef enga
skýringu á því. Circadin er hormón og
það er oft gefið við svefnröskunum, t.d.
vegna þess að mörg börn á Íslandi,
fleiri en í öðrum löndum, eru á lyfjum
við ADHD og það er ástæða til að
skoða hví það sé.
Það kemur mér svo verulega á óvart
að verið sé að gefa börnum þunglynd-
islyf og geðrofslyf. Almennir barna-
læknar held ég að geti ekki verið að
gefa þessi lyf börnum, þau eru ekki í
almennri notkun á meðal barnalækna.
Það eru fá börn sem þurfa á þannig
lyfjum að halda. En ég held að það sé
ástæða til að skoða nánar þennan mun
sem er á notkun þessara lyfja á milli
landa og greina nánar hverjir eru að
gefa þessi lyf út og hvers vegna.“
„Ástæða til að
skoða nánar“
 Ópíóðanotkun barna vekur athygli
Valtýr Stefánsson
Thors
Erna Ýr Öldudóttir
ernayr@mbl.is
Íbúafundur fór fram í Bæjarbíói í
Hafnarfirði í gærkvöldi vegna um-
ferðarþunga og slysahættu á
Reykjanesbraut sem liggur í gegn-
um bæjarfélagið.
Meðal fyrirlesara á fundinum var
Lilja Guðríður Karlsdóttir sam-
gönguverkfræðingur, en fyrirlestur
hennar bar yfirskriftina Ákjósan-
legar lausnir. „Ég vann verkefni
um ástandsgreiningu umferðar og
Hafnarfjörður kom þar upp sem
svæði með miklum töfum og röðum.
Ég er með nokkrar tillögur, t.d. er
kaflinn á milli Krýsuvíkurafleggj-
ara og Kaldárselsvegar umferðar-
þyngsti tveggja akreina vegarkafli
á landinu. Kaflinn frá hringtorginu
hjá N1 og framhjá Kaplakrika og
þar er flóknari. Hafnarfjarðarbær
stefnir á að þarna verði hraðbraut
með mislægum gatnamótum í fram-
tíðinni, en það er óskaplega dýrt og
gæti kostað óhagræði fyrir íbúana í
kring. Þannig að ég er að stinga
upp á öðrum lausnum. T.d. er ljósa-
stýring betri en hringtorg þegar
umferðin er svona þung og það
verður að horfa á lausnina í heild,
ekki er nóg að skoða aðeins ein
gatnamót í einu. Það eru sem sagt
nokkur skref inni á milli áður en
þarf að fara út í dýra og erfiða
framkvæmd eins og mislæg gatna-
mót sem mætti skoða,“ segir Lilja.
Mikil þörf á úrbótum
„Það var starfshópur á vegum
samgönguráðuneytisins sem tók
þetta svæði fyrir. Slysatíðni er há
þarna og umferð hefur þyngst gríð-
arlega með auknum ferðamanna-
straumi. Þetta er því forgangsverk-
efni í samgöngumálum. Krýsu-
víkurgatnamótin eru mikill áfangi
og verða opnuð bráðlega sem mis-
læg gatnamót. Ég hef verið að
skoða hvernig hægt er að hraða
umbótum á samgöngukerfinu, en
við höfum aðeins níu milljarða
króna í nýframkvæmdir á ári. Áætl-
unin liggur fyrir en það er spurning
hvenær fæst fé til að framkvæma
hana, hvort hægt sé að fjármagna
hana með öðrum hætti en eingöngu
úr ríkissjóði,“ segir Jón Gunnars-
son samgönguráðherra.
Ályktun íbúafundarins
Að fundi loknum bar Hrafnhildur
Halldórsdóttir íbúi upp ályktun fyr-
ir fundargesti sem samþykkt var
með dynjandi lófaklappi.
„Íbúafundur um samgöngumál í
Hafnarfirði skorar á stjórnvöld að
tryggja áframhaldandi úrbætur á
Reykjanesbraut í Hafnarfirði.
Tryggt verði að framkvæmdir við
gatnamótin og hringtorgin á kafla
frá Kaplakrika að Lækjargötu hefj-
ist á næsta ári og að jafnframt
verði lokið við tvöföldun Reykjanes-
brautar frá Kaldárselsvegi að mis-
lægum gatnamótum á Krýsuvíkur-
vegi.“
Umferðarslysahætta í Hafnarfirði
 Íbúafundur um úrbætur í samgöngumálum við Reykjanesbraut  Krafa um meira umferðaröryggi
Morgunblaðið/Kristinn Magnússon
Húsfyllir Góð mæting var á íbúafundinum sem var haldinn í Bæjarbíói.