Morgunblaðið - 18.10.2017, Blaðsíða 11

FRÉTTIR 11Innlent
MORGUNBLAÐIÐ MIÐVIKUDAGUR 18. OKTÓBER 2017
Verið velkomin
Álfheimum 74, 104 Rvk, sími 568 5170
20% afsláttur
af öllum Guerlain vörum
Ást við fyrsta KOSS
Við kynnum nýja varaliti, Guerlain Kiss Kiss Matte,
sem halda vörunum möttum og mjúkum allan daginn.
Guerlain sérfræðingur
verður á staðnum og veitir
persónulega ráðgjöf.
KYNNING í Glæsibæ
18.–20. október
Guðmundur Magnússon
gudmundur@mbl.is
Nokkur dæmi eru um það að fram-
bjóðendur í efstu sætum á listum
stjórnmálaflokkanna í alþingiskosn-
ingunum 28. október séu ekki með
lögheimili í því kjördæmi þar sem
þeir bjóða fram. Þá eru nokkur
dæmi um að frambjóðendur séu
skráðir með lögheimili þar sem þeir
hafa ekki fasta búsetu.
Þegar framboðslistarnir, sem
birtir eru í heild í Morgunblaðinu í
dag, eru skoðaðir kemur eftirfar-
andi m.a. í ljós: Í Norðvesturkjör-
dæmi er efsti maður á lista Viðreisn-
ar, Gylfi Ólafsson, með lögheimili í
Reykjavík. Sama er að segja um
Þórdísi Kolbrúnu Reykfjörð Gylfa-
dóttur, sem skipar annað sætið á
lista Sjálfstæðisflokksins í kjördæm-
inu, og Teit Björn Einarsson, sem
skipar þriðja sætið og er með lög-
heimili í Kópavogi.
Í Norðausturkjördæmi er Bene-
dikt Jóhannesson fjármálaráðherra,
efsti maður á lista Viðreisnar, með
lögheimili í Reykjavík. Halldór
Gunnarsson, sem er efstur hjá
Flokki fólksins, er með lögheimili á
Hvolsvelli.
Í Suðurkjördæmi er Arnbjörn
Ólafsson, sem skipar annað sætið á
lista Bjartrar framtíðar, með lög-
heimili í Hafnarfirði. Efsti maður á
lista Pírata í kjördæminu, Smári
McCarthy, og efsti maður á lista
Vinstri grænna, Ari Trausti Guð-
mundsson, eru báðir með lögheimili
í höfuðborginni.
Í Suðvesturkjördæmi er efsti
maður á lista Bjartrar framtíðar,
Björt Ólafsdóttir, með lögheimili í
Reykjavík. Efsti maður á lista Mið-
flokksins, Gunnar Bragi Sveinsson,
er með lögheimili á Sauðárkróki.
Þrír efstu menn á lista Pírata í kjör-
dæminu, Jón Þór Ólafsson, Oktavía
Hrund Jónsdóttir og Dóra Björt
Guðjónsdóttir, eru öll með lögheim-
ili í Reykjavík. Sama er að segja um
efsta mann á lista Vinstri grænna,
Rósu Björk Brynjólfsdóttur.
Í Reykjavíkurkjördæmunum er
hrein undantekning að rekast á
frambjóðanda sem ekki er með lög-
heimili í höfðuðborginni. Þó eru
dæmi um það. Þorsteinn Sæmunds-
son, efsti maður á lista Miðflokksins
í Reykjavík suður, og Ólafur Ísleifs-
son, efsti maður á lista Flokks fólks-
ins, eru báðir með lögheimili á Sel-
tjarnarnesi. Þorsteinn Víglundsson
félagsmálaráðherra, efsti maður
Viðreisnar í kjördæminu, er með
lögheimili í Garðabæ. Þá er Páll Val-
ur Björnsson, annar maður á lista
Samfylkingarinnar í Reykjavík
norður, með lögheimili í Grindavík.
Aldrei með fasta búsetu
Svo er hitt að þótt frambjóðendur
séu skráðir með lögheimili í því
kjördæmi þar sem þeir eru í fram-
boði þýðir það ekki endilega að þeir
hafi þar fast aðsetur eða heimili.
Þeir sem sitja á þingi og ekki síður
þeir sem gegna ráðherraembættum
eru eðli málsins samkvæmt með bú-
setu í Reykjavík stærstan hluta árs-
ins þótt lögheimilið sé skráð úti á
landi.
Dæmi eru um að menn hafi aldrei
haft fasta búsetu þar sem þeir eru
skráðir með lögheimili. Það gildir til
dæmis um Sigmund Davíð Gunn-
laugsson, efsta mann á lista Mið-
flokksins í Norðausturkjördæmi,
sem er skráður með lögheimili að
Hrafnabjörgum III í Fljótsdalshér-
aði. Þá hefur Páll Magnússon, efsti
maður á lista Sjálfstæðisflokksins í
Suðurkjördæmi, sem hefur fasta bú-
setu í Garðabæ, nýlega flutt lög-
heimili sitt til Vestmannaeyja.
Lögheimili stundum utan kjördæmis
 Nokkrir frambjóðendur eru skráðir með lögheimili í öðru kjördæmi en þar sem þeir eru í framboði
Morgunblaðið/Kristinn Magnússon
Á ferðinni Frambjóðendur flokkanna þeytast nú um kjördæmi sín til að kynna stefnu flokka sinna og afla atkvæða.
Hér eru þeir á fundi í Fjölbrautaskólanum við Ármúla og ber ekki á öðru en að unga fólkið sé áhugasamt.
Morgunblaðið/Kristinn Magnússon
Kjarvalsstaðir Söluvögnum fyrir mat hefur verið lagt í bílastæðin. Í framtíðinni verða þau eingöngu fyrir fólksbíla.
Guðni Einarsson
gudni@mbl.is
Lögreglustjórinn á höfuðborgar-
svæðinu hefur ákveðið að almenn
bifreiðastæði við Kjarvalsstaði verði
eftirleiðis eingöngu ætluð fólks-
bílum. Þetta var gert að fengnum
tillögum umhverfis- og skipulags-
sviðs Reykjavíkurborgar.
Merkingar settar upp
Auglýsing varðandi málið hefur
verið send til birtingar í Stjórnar-
tíðindum, samkvæmt bréfi lögregl-
unnar til Reykjavíkurborgar 6.
október. Þess má vænta að á næst-
unni verði settar upp merkingar um
breytta notkun bílastæðisins, sam-
kvæmt upplýsingum frá Reykjavík-
urborg.
Umgengni framan við listasafnið
Kjarvalsstaði hefur þótt ábótavant
undanfarið. Nágrannar safnsins
hafa m.a. kvartað á Facebook og
sýnt myndir af ýmsu sem þykir til
óprýði við aðkomuna að safninu.
Sumt af því er þar tímabundið
vegna framkvæmda sem standa yfir
á Klambratúni á bak við safnið.
Auk þess hafa safnast á bílastæð-
ið framan við Kjarvalsstaði sölu-
vagnar sem þykja ekki fegra stað-
inn auk þess að taka dýrmætt pláss.
Nú verður ekki lengur leyft að
leggja þeim í bílastæðin, sem hafa
verið til almennra nota, og því verð-
ur að fjarlægja þá.
Ólöf Kristín Sigurðardóttir, safn-
stjóri Listasafns Reykjavíkur, sagði
að farið hefði að bera á því að bíla-
stæðin við Kjarvalsstaði og Klam-
bratún væru notuð sem lang-
tímastæði fyrir atvinnutæki. Þessi
þróun hefði verið óásættanleg í ljósi
aukinnar aðsóknar að Kjarvals-
stöðum og garðinum á Klambratúni.
Borgarar sem telji safnið bera
ábyrgð á svæðinu hafi kvartað yfir
þessari þróun. Þess vegna hafi
Listasafnið óskað eftir því í vor að
bílastæðið við safnið yrði skilgreint
sem skammtímastæði fyrir fólks-
bíla.
Breytt notkun bílastæða
við Kjarvalsstaði
 Verða eingöngu ætluð fólksbílum  Ekki langtímastæði