Morgunblaðið - 18.10.2017, Blaðsíða 14

14
MORGUNBLAÐIÐ MIÐVIKUDAGUR 18. OKTÓBER 2017
VIÐTAL
Stefán Gunnar Sveinsson
sgs@mbl.is
„Ég hef verið pólitískur frá unglings-
árum,“ segir Logi Einarsson, for-
maður Samfylkingarinnar, um
ástæður þess að hann fór út í stjórn-
málin. Logi segir hins vegar að hann
hafi lítið skipt sér af þeim eftir
menntaskólaárin, þar sem hann fór
utan í nám í arkitektúr og var síðan
arkitekt í fullu starfi.
Hrunið haustið 2008 ýtti hins veg-
ar á Loga. „Þá hafði ég val milli þess
að mótmæla niðri á torgi eða reyna
að hafa áhrif innan þess flokks sem
stóð mér næst, og í mínu tilfelli var
það auðvelt val, Samfylkingin.“
Hrunið setti Loga í erfiða stöðu, en
hann og fjölskyldan voru nýbúin að
reisa sér hús, auk þess sem hann rak
fyrirtæki. „Allt blessaðist þetta að
lokum, en þetta var mikið högg. Við
seldum húsið og fyrirtækið tók fimm
til sex ár að ná aftur góðri stöðu.“
Logi segir að þessi reynsla hafi feng-
ið sig til að hugsa vandlega um það
hvernig samfélagið ætti að vera. „Ég
hafði mína sýn á það sem ég deili með
sósíaldemókrötum.“
Logi fór því í prófkjör 2009 og varð
varaþingmaður Samfylkingarinnar
kjörtímabilið 2009-2013, og var einn-
ig í bæjarmálunum á Akureyri frá
2010 til 2016, fyrstu tvö árin sem
varafulltrúi. Hann fór svo aftur í
framboð til þings síðasta haust og
varð að formanni flokksins í kjölfar
þeirra. Logi segist varla hafa fengið
tíma til að velta fyrir sér síðasta ári
og þeim skjóta frama sem hann fékk.
„Satt að segja gerðist þetta svo hratt
og auðvitað með óvæntum hætti, að
ég hef aldrei velt því fyrir mér hvern-
ig mér leið þegar ég varð formaður.
Ég hélt að við fengjum tveggja til
þriggja ára rúm til þess að ná vopn-
um okkar, en þá bresta þessar kosn-
ingar á, þannig að í augnablikinu er
ég að einbeita mér að því að ná sem
bestum árangri í þeim.“
Öruggt og innihaldsríkt líf
Logi segir að í haust verði kosið
um almenn lífskjör almennings. „Þá
er ég ekki eingöngu að tala um launin
sem þú færð um hver mánaðamót,
heldur er ég að tala um þann félags-
lega stöðugleika sem þarf að vera til
staðar svo að fólk geti lifað öruggu og
innihaldsríku lífi, eða svo að minnstu
áföll setji ekki allt á annan endann í
heimilisbókhaldinu.“
Logi segir að þar sé innifalið opin-
bert heilbrigðiskerfi, heilbrigður
húsnæðismarkaður og skólakerfi
sem mæti þörfum hvers og eins. „Og
síðan erum við auðvitað að tala um
þessa grunnþætti sem gera lífið
byggilegt út um allt land, eins og
samgöngur, raforkuflutninga og net-
tengingu.“
Logi segir það í raun hlutverk rík-
isins að sjá um þessa þætti. „Hið nor-
ræna líkan byggist á þremur stoðum.
Í fyrsta lagi á kjarasamningum milli
atvinnurekenda og ríkis annars veg-
ar og launþega hins vegar, í öðru lagi
á stöðugri efnahagsstjórn og í þriðja
lagi á þessum félagslega stöðugleika.
Í augnablikinu er sú stoð of veik á Ís-
landi og þarf að byggja betur undir
hana.“
Þá skipti einnig heilmiklu máli að
útrýma fátækt á Íslandi. „Við erum
of ríkt og lítið land til þess að geta un-
að því að hér séu meira en 6.000 börn
sem líði skort.“
Kraftmestu samfélög sögunnar
Því er ekki að leyna að Samfylk-
ingunni hefur ekki vegnað vel í síð-
ustu tvennum þingkosningunum, en
hún er langt í frá eini sósíaldemó-
krataflokkurinn í Evrópu sem hefur
goldið afhroð á síðustu misserum.
Logi segir að kannski hafi sósíal-
demókrataflokkarnir orðið að fórnar-
lömbum eigin velgengni. „Þessir
flokkar hafa lagt mest af mörkum til
að byggja upp kraftmestu og eftir-
sóknarverðustu samfélög veraldar-
sögunnar í Norður-Evrópu og á
Norðurlöndum. Það hefur leitt til al-
gerrar breytingar á samfélaginu og
kannski hafa flokkarnir ekki tekið
nógu alvarlega það verkefni sitt að
endurnýja erindi sitt og þróa stefn-
una í takt við breytt samfélag,“ segir
Logi.
Hann segir það klárlega vera verk-
efni Samfylkingarinnar líka. „Flokk-
ur sem gengur í gegnum það sem við
fengum að reyna, þarf af mikilli auð-
mýkt að horfa inn á við og kjarna
stefnu sína betur, gera málflutning-
inn skýrari og samhliða þessu þarf
hann að opna sig og kalla á vettvang
nýtt fólk, sem er sannfærðir og trú-
verðugir boðberar jafnaðarstefn-
unnar, og það hef ég verið að reyna
síðasta árið. En jafnframt höldum við
til haga og byggjum á góðum verkum
okkar forvera,“ segir Logi.
Hann bendir á að jafnaðarmenn á
Íslandi hafi staðið í fararbroddi í
mörgum af helstu réttarbótum al-
mennings á Íslandi. „Við getum nefnt
vökulögin, verkamannabústaðina, lög
um jöfn laun kvenna og karla, Lána-
sjóð íslenskra námsmanna og svo
auðvitað aukin samskipti Íslands við
erlend ríki og aukið viðskiptafrelsi,
sem hefur gagnast almenningi mjög
vel.“
Mannúð og mannréttindi
Logi segir að áherslur Samfylking-
arinnar yrðu skýrar í stjórnarmynd-
unarviðræðum. „Við viljum mynda
stjórn um aukinn jöfnuð og réttlæti,
þar sem höfuðáhersla verður á þenn-
an félagslega stöðugleika. Við mun-
um ekki ganga til samstarfs við aðra
flokka en þá sem leggja mikla
áherslu á mannúð og mannréttindi.
Síðast en ekki síst,“ segir Logi,
„eru svo gríðarlegar breytingar á
samfélagi okkar handan hornsins
með tæknibyltingunni að við þurfum
að hefja stórsókn í menntamálum þar
sem lögð verður áhersla á fulla fjár-
mögnun þeirra, auk þess að meiri
kraftur verði settur í rannsóknir og
nýsköpun. Þá þarf að búa til um-
hverfi í menntamálunum sem styrkir
eiginleika eins og skapandi hugsun.“
Spurður um hið óstöðuga ástand
sem íslensk stjórnmál búi nú við seg-
ir Logi mikilvægt að ræða þær
ástæður sem hafi leitt til þess að kos-
ið verði á ný í haust. „Heilbrigt heim-
ilislíf byggist á gildum eins og virð-
ingu, heiðarleika og trausti. Nú hafa
tvær ríkisstjórnir fallið á einu ári
vegna skorts á þessum grundvallar-
gildum.“
Hann bætir við að samfélag okkar
byggist þrátt fyrir allt að langmestu
leyti á óskráðum grundvallargildum
um siðferði. „Ef við komum okkur
ekki saman um þau gildi sem leik-
reglur í stjórnmálum, þá mun traust
á Alþingi eða stjórnvöldum ekki fara
vaxandi.“ Hann segir að hugmyndir
um nýja stjórnarskrá séu birtingar-
mynd ákalls þjóðarinnar um bætt
siðferði í stjórnmálunum. Hann segir
að fyrir sér eigi í slíkri vinnu að
leggja til grundvallar tillögur stjórn-
lagaráðs eins og þær lágu fyrir þegar
ferlið steytti á skeri vorið 2013.
Hann segir að tal um efnahags-
legan stöðugleika sé lítils virði fyrir
þá sem minnst hafa í samfélaginu.
„Þó að vísitölur og meðaltöl sýni ein-
hverja mynd, þá þýðir lítið að tala um
stöðugleika við fólk sem hrekst um á
ótryggum húsnæðismarkaði, hefur
ekki efni á að leysa út lyfin sín eða
senda börnin sín í tómstundir, og við
minnsta áfall er heimilisbókhaldið í
rúst,“ segir Logi og minnir á það
hvert hlutverk jafnaðarstefnunnar
sé: „Kjarninn í stefnu okkar er að við
viljum ekki að það sé braskað með
fæði, húsnæði, heilbrigði og menntun
fólksins í landinu.“
Vill styrkja félagslegu stoðina
 Logi Einarsson, formaður Samfylkingar, segir að kosningarnar snúist um almenn lífskjör fólks
 Grunnstefna flokksins að ekki sé braskað með fæði, heilsu, húsnæði og menntun almennings
Morgunblaðið/Golli
Stoðir Logi Einarsson, formaður Samfylkingarinnar, segir að kosningarnar snúist um bætt lífskjör almennings og aukinn stuðning við stoðir samfélagsins.
Píratar kynntu í gær tillögu sína til
fjárlaga fyrir löggjafarþingið 2017
til 2018, svonefnd skuggafjárlög, og
kemur þar m.a. fram að tekjur
vegna veiðigjalds fyrir veiðiheim-
ildir fari úr 5,5 milljörðum króna
vegna fjárlaga ársins 2017 í 12
milljarða króna. Nemur hækkun
þessi um 117%. Þá vilja þeir einnig
hækka tekjur gistináttaskatts úr
745 milljónum í tvo milljarða, en sú
hækkun nemur 168%, auk þess sem
þeir reikna með að tekjur vegna
sölu á heimildum til losunar
gróðurhúsalofttegunda fari úr 290
milljónum króna í 790 milljónir. Sú
aukning nemur 172%.
„Enginn flokkur ræður einn,“ er
haft eftir píratanum Helga Hrafni
Gunnarssyni í tilkynningu frá
flokknum. „Við leggjum þetta því
fram sem upphaf að samtali við
landsmenn og aðra flokka. Þetta
eru okkar áherslur.“
Í áðurnefndri tilkynningu eru út-
listuð nokkur af helstu áherslu-
málum Pírata fyrir komandi alþing-
iskosningar. Eru þar húsnæðismál
ofarlega á lista. „Píratar vilja gera
stórátak í húsnæðismálum og verja
minnst 11 milljörðum strax á næsta
ári til að byrja að vinna upp mörg
þúsund íbúða skort. Stærstum hluta
þessara fjármuna verður varið í
uppbyggingu félagslegs húsnæðis í
samvinnu við húsnæðissamvinnu-
félög og við fyrirtæki sem byggja
smærri íbúðir á lágu fermetraverði,
sérstaklega til langtímaleigu,“
segir þar.
Greiðslukerfið verði einfaldað
Þá vilja Píratar bæta stöðu ör-
yrkja með því að einfalda greiðslu-
kerfið, útvíkka atvinnumöguleika
eldri borgara, styrkja mennta-
kerfið og ljúka vinnu við nýja
stjórnarskrá. „Útvíkkun og efling
mannréttinda verður alltaf keppi-
kefli Pírata.“
Tekjur af veiðigjaldi verði stórauknar
Morgunblaðið/Eggert
Kosningar Fulltrúar Pírata kynntu í gær stefnumál sín og áherslur á blaða-
mannafundi. Meðal þess sem þar má finna er vinna við nýja stjórnarskrá.
 Píratar kynntu í gær skuggafjárlög sín og helstu stefnumál fyrir komandi
kosningar  Veiðigjald hækki um 117% og tekjur af gistináttaskatti um 168%
KOSNINGAR 2017
Halldór í Holti er
elsti oddvitinn
Ranghermt var í blaðinu í gær að
Ari Trausti Guðmundsson, oddviti
Vinstri-grænna í Suðurkjördæmi,
væri elsti oddviti flokkanna fyrir
komandi þingkosningar.
Hið rétta er að Halldór Gunnars-
son í Holti, efsti maður á lista
Flokks fólksins í Norðaustur-
kjördæmi, er elstur, 76 ára á þessu
ári. Beðist er velvirðingar á mistök-
unum. Eins og fram kom í blaðinu í
gær er Erna Lína Örnudóttir yngsti
oddvitinn, 19 ára, á lista Alþýðufylk-
ingarinnar í SV-kjördæmi.
LEIÐRÉTT
Elstur Halldór Gunnarsson í Holti.