Morgunblaðið - 18.10.2017, Blaðsíða 52

MIÐVIKUDAGUR 18. OKTÓBER 291. DAGUR ÁRSINS 2017
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 581 KR. ÁSKRIFT 6.307 KR. HELGARÁSKRIFT 3.938 KR. PDF Á MBL.IS 5.594 KR. I-PAD ÁSKRIFT 5.594 KR.
1. Vél Icelandair lýsti yfir neyðar …
2. Sjáðu hvort nafnið þitt var notað
3. Mikið fylgistap Flokks fólksins
4. Björk greinir nánar frá áreitninni
»MEST LESIÐ Á mbl.is
FÓLK Í FRÉTTUM
 Fyrstu tónleikar starfsársins í tón-
leikaröðinni Klassík í Vatnsmýrinni,
Töfrar næturinnar, fara fram í Nor-
ræna húsinu í kvöld kl. 20. Fram koma
gestir frá Danmörku, píanistinn Katr-
ine Gislinge og tónskáldið Bent Søren-
sen, og á efnisskránni eru Tunglskins-
sónata Beethovens, Impromptu nr. 2,
3 og 4 eftir Schubert og 6 noktúrnur
eftir Sørensen, en hann hlaut Tónlist-
arverðlaun Norðurlandaráðs árið
1996. Gislinge hefur verið í fremstu
röð danskra píanista í um tvo áratugi.
Töfrar næturinnar
 Boðið verður
upp á ókeypis
menningar-
dagskrá í Fella- og
Hólakirkju í kvöld
kl. 20. Kór kirkj-
unnar flytur söng-
dagskrá og Viktor
Guðlaugsson ten-
ór og sópransöng-
konurnar Inga J. Backman og Kristín
R. Sigurðardóttir syngja einsöng.
Stjórnandi tónlistardagskrárinnar er
Arnhildur Valgarðsdóttir, organisti
kirkjunnar.
Menningardagskrá í
Fella- og Hólakirkju
 Íslenska hljómsveitin Vio og söngva-
skáldið Zanzinger frá Búdapest í Ung-
verjalandi halda tónleika á Kex hosteli í
kvöld kl. 21 og er aðgangur að þeim
ókeypis. Vio vann Músíktilraunir árið
2014 og fytur sveim-
kennt gítarrokk.
Zanzinger er
listamannsnafn
söngvaskáldsins
Daniels Misota, sem
fjallar oft í lögum
sínum um breyskleik-
ann sem felst í því að
vera manneskja.
Vio og ungverskt
söngvaskáld á Kex
Á fimmtudag Austan 8-15 m/s, en 15-20 með suðurströndinni.
Rigning sunnan- og austanlands, en annars bjart með köflum.
Á föstudag Allhvöss eða hvöss austanátt og víða talsverð rigning,
en þurrt að kalla norðvestantil. Hiti 3 til 9 stig.
SPÁ KL. 12.00 Í DAG Vaxandi suðaustlæg átt, dálítil væta með
köflum, en þurrt á Norður- og Austurlandi. Hiti 3 til 9 stig.
VEÐUR
„Mér finnst ég ekki hafa
gert neitt svakalega drama-
tískt miðað við hvað stökkið
upp á við í mínum leik hefur
verið stórt. Ég tók þennan
andlega þátt, sem hefur
strítt mér allt of lengi, bara
föstum tökum,“ segir Axel
Bóasson, Íslandsmeistari í
golfi, sem náði þeim ein-
staka árangri í íslenskri
golfsögu að vinna al-
þjóðlega mótaröð, Nordic
Tour, í ár. » 1
Engin dramatík
en stórt stökk
„Ég er bara mjög spenntur fyrir
þessu og hlakka til að takast á við
nýja áskorun,“ sagði Rúnar Kárason
við Morgunblaðið, en hann hefur
samið við danska úrvalsdeildarliðið
Ribe-Esbjerg til þriggja ára. Rúnar fer
til félagsins eftir tímabilið með Hann-
over-Burgdorf í Þýskalandi. »1
Hlakka til að takast
á við nýja áskorun
Valur trónir á toppi Olís-deildar
kvenna í handbolta með níu stig eftir
fimm leiki, en Valskonur gjörsigruðu
Fjölni í gærkvöld, 36:14. ÍBV er í 2.
sæti en getur komist á toppinn með
sigri á Fram annað kvöld. Stjarnan
vann öruggan sigur á Gróttu sem sit-
ur eftir á botni deildarinnar með eitt
stig líkt og Fjölnir. Stjörnukonur eru í
5. sæti með fimm stig. »3
Valskonur fóru á
toppinn með látum
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Sigurður Bogi Sævarsson
sbs@mbl.is
„Söngurinn er þessi fagra leið að
hjarta manneskjunnar. Hann eflir
samkennd og færir fólk nær hvað
öðru í vináttu. Í tónlist geta allir
sameinast,“ segir Þorgerður
Ingólfsdóttir kórstjóri en í dag eru
liðin 50 ár frá því að Kór Mennta-
skólans við Hamrahlíð kom saman
til sinnar fyrstu æfingar. Þeirra
tímamóta verður að sjálfsögðu
minnst því boðið er til fagnaðar í
Hamrahlíðinni í kvöld klukkan
20, þangað sem allir kórfélagar,
gamlir og nýir, vinir og velunn-
arar eru velkomnir.
Þúsundir hafa tekið þátt
„Þetta verður vinafagnaður með
gleðisöng og mörgum brosandi and-
litum. Þúsundir hafa tekið þátt í
starfinu á þessum árum, svo margir
eiga góðar minningar því tengdar,“
segir Þorgerður sem hefur stjórnað
kórnum óslitið í þessa hálfu öld. Hún
rifjar upp fyrstu æfingu kórsins en
þangað mættu um 20 stúlkur en
strákarnir voru færri.
„Meðal strákanna var bara einn
tenór svo það var alls ekki alveg
jafnvægi í röddunum. Hópurinn náði
strax saman í söngnum og við urðum
öll góðir vinir. Þannig hefur þetta
haldist allar götur síðan, vináttan er
dýrmæt. Og margir af kórfélögum
hafa svo haldið áfram í tónlistinni og
skapað sér þar nafn.“
Kórstarfið í Hamrahlíð hefur jafn-
an vakið eftirtekt og haldið nafni
skólans hátt á lofti. Kórarnir eru í
rauninni tveir; annars vegar Kór
Menntaskólans við Hamrahlíð, sem
er skipaður nemendum á hverjum
tíma, og hins vegar Hamrahlíðar-
kórinn þar sem eru nemendur á
lokaári og svo þeir sem eru útskrif-
aðir. Hamrahlíðarkórarnir hafa
haldið tónleika um allt Ísland og
unnið marga sigra á tónleikum og
hátíðum víða um heim.
„Endurnýjunin er hröð. Í haust
komu 32 nýnemar til okkar og ég
segi stundum að kórarnir séu í raun
jafn margir og starfsárin. Fimmtíu
kórar samanlagt,“ segir Þorgerður
sem hefur fengið marga góða lista-
menn til liðs við sig síðustu hálfa öld-
ina.
Fimmtíu kórar samanlagt
Fjölmörg tónskáld hafa samið
verk fyrir Þorgerði og kórana og eru
verkin orðin yfir 100 talsins. Ótal
upptökur með kórunum hafa verið
gerðar, bæði fyrir útvarp og sjón-
varp innanlands sem utan. Þrjár
hljómplötur hafa verið gefnar út
með söng kóranna ásamt tíu geisla-
diskum og tveir diskar eru væntan-
legir innan skamms, ný plata Bjark-
ar Guðmundsdóttur og diskur með
tónlist Daníels Bjarnasonar þar sem
kórarnir syngja verk hans, The Isle
is Full of Noises.
Vinafagnaður með gleðisöng
 Sungið í MH í
hálfa öld  Fagn-
aður í kvöld
Morgunblaðið/Kristinn Magnússon
Tónlist Litríkur hópur á æfingu í Menntaskólanum í Hamrahlíðinni í vikunni fyrir afmælisfagnað kórfélaga sem verður í kvöld.
Á liðnu sumri fór Hamrahlíðarkórinn undir stjórn Þorgerðar í tónleikaferð
til Skotlands, var fulltrúi Íslands á Aberdeen International Youth Festival og
hélt 10 tónleika. Þetta var 45. tónleikaferð Hamrahlíðarkóranna til útlanda
en þeir hafa heimsótt 25 þjóðlönd og hvarvetna gert góða lukku.
Kórarnir hafa jafnframt átt farsælt samstarf við Sinfóníuhljómsveit
Íslands allt frá árinu 1975 og hafa flutt 19 tónverk með hljómsveit-
inni. Verkefnin hafa verið af ýmsum toga en svo það nýjasta sé til-
tekið þá fluttu kórarnir 5. október síðastliðinn Sálmasinfóníu Stra-
vinskys ásamt SÍ undir stjórn Daníels
Bjarnasonar í Eldborgarsalnum í tón-
listarhúsinu Hörpu.
„Þetta er algjörlega einstakur kór og
það sem Þorgerður Ingólfsdóttir hefur byggt upp
er ómetanlegt og einstakt. Það er stórkostlegt að
vinna með þessum krökkum,“ sagði Daníel í viðtali í Morg-
unblaðið sem birtist fyrr í þessum mánuði. Gerði hann þar
að sérstöku umtalsefni hinn tæra hljóm sem kórinn hefði –
og hentaði vel í ýmiskonar tónlist og verkefnum.
„Algjörlega einstakur kór“
HAFA SUNGIÐ Í 25 ÞJÓÐLÖNDUM
Þorgerður
Ingólfsdóttir