Morgunblaðið - 09.11.2017, Qupperneq 6
Markaðsverð á hráolíu og bensíni 2005-2017
150
130
110
90
70
50
30
10
0,9
0,8
0,7
0,6
0,5
0,4
0,3
0,2
2005 2006 2007 2008 2009 2010 2011 2012 2013 2014 2015 2016 2017
Bensínverð
í NewYork (NYMEX)
$/lítra
BRENT hráolía
$/tunnu
114,81
144,49
59,21
0,46
38,37
28,94
63,69
0,48
Baldur Arnarson
baldura@mbl.is
Olíuverð er á uppleið og hefur verð á
norðursjávarolíu til dæmis hækkað
um fimmtung í haust. Hagfræðingar
telja að áhrifa hærra olíuverðs muni
senn gæta í verðlagi á Íslandi.
Tunnan af Brent-norðursjávarolíu
kostaði 52,75 dali í byrjun septem-
ber en um 63 dali í gær. Það er rúm-
lega 19% hækkun.
Verð á bensínlítranum á mörkuð-
um í New York hefur ekki hækkað
jafn mikið. Það var 0,46 dalir í byrj-
un september en um 0,48 dalir í gær.
Það samsvarar um 5% hækkun.
Gústaf Steingrímsson, hagfræð-
ingur í hagfræðideild Landsbank-
ans, segir líklegt að hækkandi olíu-
verð muni birtast í bensínverði á
Íslandi með einhverjum hætti.
„Hvenær þessi áhrif koma inn í
bensínverðið hér á landi og með
hversu miklum hætti er erfitt að
segja. Sögulega séð hefur hækkunin
verið að koma inn í verðið með allt að
tveggja mánaða töf en hér hefur
einnig áhrif að álagning olíufélag-
anna hefur oftast nær miðast við
krónutölu fremur en að vera hlut-
fallsleg. Svo hefur álagning verið að
breytast, t.d. vegna áhrifa af Costco
sem hefur ýtt henni að einhverju
leyti niður,“ segir Gústaf.
Vegur um 2% í verðbólgunni
Spurður hversu þungt eldsneyti
vegur í verðbólgu á Íslandi segir
Gústaf að hlutur þess sé um 2%. Það
þýði að ef eldsneytið hækki um 10% í
verði hækki verðlagið um 0,2%.
Spurður hvort hækkandi olíuverð
kunni að vera vísbending um að
tímabili innfluttrar verðhjöðnunar
fari senn að ljúka segir Gústaf að
verðbólga í viðskiptalöndum Íslands
verði um 1,7% á þessu ári borið sam-
an við 0,8% í fyrra. Af þeim sökum
megi búast við að verð á innfluttum
vörum hækki, sem muni hækka inn-
lent verðlag. „Við gerum ráð fyrir að
áhrif innfluttra vara sem hafa verið
neikvæð og þar með dregið úr verð-
bólgu hér á landi á undanförnum
misserum muni fara yfir í að verða
jákvæð á næsta ári og því auka verð-
bólguna.“
Óstöðugleiki hjá olíurisa
Fréttavefur CNBC vitnar í grein-
ingu bankans Morgan Stanley um að
aukin eftirspurn eftir olíu hafi komið
á óvart. Gengið hafi á birgðir.
Yngvi Harðarson, hagfræðingur
og framkvæmdastjóri Analytica,
segir ýmsar skýringar hafa komið
fram á því hvers vegna olíuverð hafi
hækkað. Meðal annars sé bent á
óróa í innanlandsmálum í Sádi-Arab-
íu.
„Verðhækkanir á olíu kunna að
endurspegla áhyggjur af því að
framboð á olíu muni dragast saman.
Verðið hefur hækkað skarpt síðustu
þrjár vikurnar. Það hefur verið að
hækka allar götur frá því í sumar.
Það má velta því fyrir sér hvort það
séu að verða lengri tíma umskipti í
olíuverðinu,“ segir Yngvi. Hann seg-
ir aðspurður að þessi þróun muni
hafa áhrif til hækkunar verðlags á
Íslandi. Gengið hafi þar þó líka áhrif.
Fram kom í Morgunblaðinu í júlí
að innflutningur á eldsneyti jókst
um 77% árin 2012 til 2016. Miðað við
hagvöxt í ár hefur hann aukist
meira.
Olíuverð hefur
farið hækkandi
Þróunin er talin ýta undir verðbólgu
Gústaf
Steingrímsson
Yngvi
Harðarson
6 FRÉTTIRInnlent
MORGUNBLAÐIÐ FIMMTUDAGUR 9. NÓVEMBER 2017
Ingveldur Geirsdóttir
ingveldur@mbl.is
„Við erum í sjokki hérna í húsinu,“ segir Ingrid Back-
man Björnsdóttir, íbúi í fjölbýlishúsi fyrir eldri borgara
á Skúlagötu 20 í Reykjavík. Reykjavíkurborg er með
áform uppi um að byggja átta hæða fjölbýlishús við hlið
hússins á Skúlagötu 20, svo nálægt vesturgafli þess að
Ingrid segist nánast eiga eftir að geta snert það út um
gluggann hjá sér.
Íbúð Ingridar er á fyrstu hæð og úr henni sér hún
aðeins út á sundið og sólarlagið sem er henni afar kært.
„Háhýsið á að koma alveg við húsgaflinn hjá okkur og
fyrir stofugluggann og svalirnar sem eru vestanmegin.
Ef þessi bygging rís þýðir það að við sem búum vest-
anmegin í húsinu missum allt útsýni og erum dæmd til
að búa í myrkri eins og mýs í holu.“
Auk þessa átta hæða háhýsis við hlið hússins eru
uppi áform um að byggja lengju af húsum á hálfgerðri
umferðareyju, að sögn Ingridar, á milli Skúlagötu og
Sæbrautar. „Þar á að byggja langa byggingu sem tekur
allt útsýni frá okkur yfir sjóinn.“
Ingrid segir núverandi borgarmeirihluta fara offari
í þéttingu byggðar í miðborginni. „Það var kannski
ágætt að þétta byggð en að fara svona offari er klikkað,
það má ekki vera einn auður blettur eftir í miðborginni.
Þetta mun skerða lífsgæði okkar gríðarlega og lækka
íbúðirnar í verði. Það býr margt fullorðið fólk hér í hús-
inu og það er bókstaflega grátandi út af þessu,“ segir
Ingrid. „Þetta verður afskaplega þröngt og þar fyrir ut-
an mun Skúlagatan ekki geta tekið við allri þeirri umferð
sem þetta skapar.“
Ingrid og fleiri íbúar á Skúlagötu 20 hafa þegar haf-
ið söfnun undirskrifta í húsinu gegn þessum bygging-
aráformum og verða þær sendar til borgarstjórnar innan
tíðar. Þá ætla íbúarnir að ráða til sín lögfræðing til að
vinna að sínum hagsmunum. „Þetta er svo svakalegt
hagsmunamál og mikil yfirkeyrsla. Fyrr má nú þétta
byggð,“ segir Ingrid.
Dæmd til að búa í myrkri
eins og mýs í holu
Íbúar á Skúlagötu 20 eru ósáttir við háhýsi sem á að rísa
nálægt þeim Farið offari í þéttingu byggðar að sögn íbúa
Morgunblaðið/Eggert
Ósátt Ingrid Backman Björnsdóttir á lóðinni við hlið heimilis síns þar sem byggja á átta hæða háhýsi.
Tillaga að breytingu á deiliskipulagi fyrir hluta
Skúlagötusvæðisins hefur verið kynnt af Umhverfis-
og skipulagssviði Reykjavíkurborgar. Um er að ræða
tæplega eins hektara svæði sem nær yfir óbyggða
lóð á horni Skúlagötu og Frakkastígs og óbyggt borg-
arland milli Skúlagötu og Sæbrautar, frá Skúlagötu 9
í vestri að Skúlagötu 13 í austri. Skipulag svæðisins
er í kynningu og ekkert ákveðið enn hvenær bygging-
arframkvæmdir hefjast, samkvæmt upplýsingum frá
Reykjavíkurborg. Áformin um þéttingu byggðar eru í
góðu samræmi við Aðalskipulag Reykjavíkurborgar
2010 til 2030.
Samkvæmt tillögu að breyttu deiliskipulagi verður
heimilt að reisa á lóðinni á Frakkastíg 1, við hlið
Skúlagötu 20, átta hæða nýbyggingu, ásamt bíla-
kjallara og verður keyrt niður í hann á milli húsanna.
Í nýbyggingunni á að vera verslun, þjónusta og at-
vinna á 1. og 2. hæð en íbúðir, þar með talið náms-
mannaíbúðir, á 3. til 8. hæð.
Skipulag Skúlagötu-
svæðisins er í kynningu
DEILISKIPULAG FYRIR SKÚLAGÖTUSVÆÐIÐ
Kristján H. Johannessen
khj@mbl.is
Drengir mega nú, samkvæmt nýjum
úrskurðum mannanafnanefndar sem
birtir eru á heimasíðu dómsmála-
ráðuneytisins, heita Ylfingur og
Jónsi, og eins mega stúlkur bera
nafnið Alíana, Alisa og Selina.
Mannanafnanefnd segir í úrskurði
sínum að nafnið Ylfingur brjóti ekki
í bága við íslenskt málkerfi og er það
því ritað í samræmi við almennar rit-
reglur íslensks máls. Nafnið merkir,
samkvæmt Íslenskri orðsifjabók Ás-
geirs Blöndal Magnússonar, úlfs-
ungi, en í Heimskringlu er konungs
getið, Hjörvarðs að nafni, sem kall-
aður var Ylfingur. Þá eru þeir
krakkar sem eru yngri en 12 ára og
taka virkan þátt í skátastarfi einnig
gjarnan kallaðir ylfingar.
Mannanafnanefnd samþykkti
jafnframt eiginnafnið Aríel fyrir
stúlkur, en fyrir var það á manna-
nafnaskrá sem karlmannsnafn.
„Þótt hið umbeðna nafn, Aríel,
hafi sem fyrr segir verið notað hér á
landi sem eiginnafn karlmanns telur
mannanafnanefnd að ekki verði á því
byggt með vissu að nafnið geti ekki í
íslensku máli einnig verið kven-
mannsnafn. Nafnið tekur eignar-
fallsendingu (Aríelar). Það er einnig
ritað í samræmi við almennar rit-
reglur íslensks máls og ekki verður
séð að það geti verið nafnbera til
ama,“ segir í nýlegum úrskurði
mannanafnanefndar, en þar er auk
þess bent á að nafnmyndin Aríel hafi
áunnið sér hefð sem kvenmannsnafn
erlendis.
Ylfingur Jónsi og Alíana
Selina samþykkt í nefnd
Drengir og stúlkur mega nú bera eiginnafnið Aríel
Morgunblaðið/Jim Smart
Ungbörn Stúlkunöfnin Snekkja og
Manasína voru einnig leyfð í fyrra.
FALLEG OG VÖNDUÐ
LEIKFÖNG
Kíktu á netverslun okkar
bambus.is
Borgartún 3, sími 847 1660, www.bambus.is, bambus@bambus.is
bambus.is bambus.is • Opið mánudaga og fimmtudaga frá kl. 10-14
úr náttúrulegum efnivið,
tré og silki