Morgunblaðið - 09.11.2017, Page 14

14 FRÉTTIRInnlent
MORGUNBLAÐIÐ FIMMTUDAGUR 9. NÓVEMBER 2017
Tekjur Reykjavíkurborgar af fast-
eignasköttum hækka um tvo millj-
arða á næsta ári miðað við þetta ár
þrátt fyrir að skattar á íbúðar-
húsnæði lækki um 10% milli ára, fari
úr 0,2% í 0,18%, og afslættir fyrir
aldraða og öryrkja séu auknir. Þetta
kemur fram í fjármálaáætlun borg-
arinnar fyrir árið 2018 sem kynnt
var í borgarstjórn í gær.
Samkvæmt áætluninni verða tekj-
urnar á næsta ári 20,2 milljarðar
króna, en verða líklega um 18 millj-
arðar á þessu ári. Í áætluninni er
gert fyrir 25% lækkun fasteigna-
skatta á aldraða og öryrkja. Nemur
hún 163 milljónum króna.
Önnur sveitarfélög á höfuðborg-
arsvæðinu áforma einnig að lækka
fasteignaskatta á næsta ári, en
tekjur þeirra af sköttunum munu
samt aukast eins og í Reykjavík.
Lækkunin er viðbrögð við mikilli
hækkun fasteignamats sem tilkynnt
var um mitt þetta ár og tekur gildi 1.
janúar 2018. Fasteignaskattur er
ákveðið hlutfall af fasteignamati.
Meðaltalshækkun fasteignamats á
höfuðborgarsvæðinu á næsta ári
verður 14,5%.
Morgunblaðið/Sigurður Bogi
Skattar Sveitarfélög á höfuðborgarsvæðinu lækka fasteignaskatta en
tekjur þeirra af þeim aukast samt vegna mikillar hækkunar fasteignamats.
Tekjurnar aukast
 Tekjur sveitarfélaga af fasteigna-
sköttum aukast þrátt fyrir lækkun
Sigurður Bogi Sævarsson
sbs@mbl.is
„Hvort sem ég hef verið nemandi,
kennari eða stjórnandi þá hlakka ég
til hvers dags í skólanum. Starfið er
endalaus uppspretta af einhverju
nýju. Við erum að miðla þekkingu og
skapa eitthvað nýtt og það er gaman
að eiga samskipti við unglingana,“
segir Elísabet Siemsen, nýr rektor
Menntaskólans í Reykjavík. Hún var
skipuð í embættið nú í haust og tók
við því á miðvikudag í síðastliðinni
viku, 1. nóvember.
Langur ferill í skólastarfi
Menntaskólinn í Reykjavík á sér
sögu aftur til alda og er ein elsta
stofnun landsins. Skólahúsið við
Lækjargötu, byggt árið 1843, er
þekkt kennileiti í borginni og þar er
iðandi líf allan daginn: tæplega 900
nemendur og 100 starfsmenn. „Mér
finnst ég hafa margt fram að færa
og það var ögrun að sækja um þegar
rektorsembættið var auglýst laust til
umsóknar. Eftir nokkra umhugsun
og hvatningu ákvað ég að sækja um
og hér er ég nú,“ sagði Elísabet þeg-
ar Morgunblaðið ræddi við hana í
vikunni. Skrifstofa rektors er í kvist-
herbergi í þriðju hæð – þaðan sem
húsin í Kvosinni blasa við. Þarna
heyrist líka kliður af göngum skól-
ans, sem svo marga hefur fóstrað.
Að baki á Elísabet langan feril í
skólastarfi. Stúdentsprófi frá
Menntaskólanum í Reykjavík lauk
hún 1975 og BA-prófi í þýsku og ís-
lensku við Háskóla Íslands árið
1978. Eftir það var hún vetrarlangt
kennari við MR en fór eftir það til
náms í þýsku og málvísindum við
Kaupmannahafnarháskóla. Kom svo
heim 1982, hóf þá störf sem kennari
við Fjölbrautaskólann í Garðabæ
sem verið var að setja á laggirnar og
hefur starfað síðan. Í FG hefur El-
ísabet verið kennari, deildarstjóri,
forvarnafulltrúi, áfangastjóri, að-
stoðarskólameistari og settur skóla-
meistari síðastliðið skólaár.
Kennarar eru ekki á stalli
„Á 35 árum í FG fékk ég tækifæri
til að taka þátt í að búa til skóla og
móta starfið þar. Skólar eru annars í
sífelldri þróun; starfshættir eru allt
aðrir núna en til dæmis þegar ég
byrjaði að kenna,“ segir Elísabet.
„Þegar ég var nemandi hér í MR og
seinna kennari í einn vetur var fjar-
lægð milli nemenda og kennara sem
töluðu yfir hópinn af palli sem var
upp við krítartöfluna. Pallur þessi
var líka að hluta til huglægur, það er
kennararnir voru á einskonar stalli.
Í dag er allt svona horfið; og sam-
skipti nemenda og kennara eru
miklu jafnari og einkennast yfirleitt
af gagnkvæmri væntumþykju. Hér
er eigi að síður haldið vel í hefðir og
venjur, enda eru skólar í eðli sínu
íhaldssamir. “
Gerð er sú krafa að unglingar sem
hefja nám í Menntaskólanum í
Reykjavík hafi að minnsta kosti B+
í kjarnagreinunum stærðfræði,
ensku, dönsku og íslensku sem loka-
einkunn úr grunnskóla. Það eru
nokkru meiri kröfur en eru gerðar í
ýmsum öðrum framhaldsskólum.
Á móti kemur að yfirleitt hafa
MR-ingar gott veganesti sem braut-
skráðir stúdentar eftir fjögurra – og
senn þriggja ára nám – af mála- og
náttúrufræðibraut sem greinast í
samtals átta deildir. Þannig hefur
raungreinum alltaf verið gert hátt
undir höfði í MR, enda fara margir
nemendur skólans til náms á því
sviði. Málabrautin hefur líka sína
sérstöðu, sérstaklega fornmála-
deildin sem býður upp á nám í
grísku og latínu. Annars velja stúd-
entar frá skólanum hver sína leið og
má í því efni benda á að forseti Ís-
lands, forsætisráðherra og borgar-
stjóri eru allir stúdentar frá MR.
Nemendur hafi tíma
til félagsstarfa
Líðandi vetur er sá annar sem
nám til stúdentsprófs er tekið á
þremur árum að jafnaði. Sá háttur
kemur misjafnlega út milli skóla. „Í
Fjölbrautaskólanum í Garðabæ þar
sem ég þekki best til ná nemendur
stúdentinum á að jafnaði hálfu ári
skemmri tíma en áður,“ segir El-
ísabet og heldur áfram:
„Það liggur í hlutarins eðli að
vegna styttingar námsins þurfti að
sleppa ýmsu sem var og setja meira
á stundaskrána. Við kennarar höfum
haft áhyggjur af því að með 40
kennslustundum á viku og heima-
námi hafi nemendur hugsanlega
minni tíma en æskilegt er til þátt-
töku í félagsstarfi, íþróttum, stunda
tónlistarnám og svo framvegis sem
er mikilvægt í þroskaferli unglinga.“
Stytting náms til stúdentsprófs
birtist þannig í Menntaskólanum í
Reykjavík að nú eru þar í fjögurra
ára námi nemendur sem flestir eru
fæddir 1999 en þau sem eru fædd
árið 2000 eru í þriggja ára námi.
Saman verða þessir hópar svo braut-
skráðir vorið 2019 alls um 400 nem-
endur sem verður met.
Sanngjörn en ákveðin
„Sem stjórnandi tel ég mig vera
ákveðna en sanngjarna. Ég þrífst á
því að hafa nóg að gera og mörg járn
í eldinum. Mér finnst líka mikilvægt
þegar einhver mál eru í deiglunni að
stjórnandinn hlusti og leyfi öllum að
koma með tillögur, því skólastarf er í
deiglu sífelldra breytinga. Margar
tækninýjungar hafa komið fram á
undanförnum árum og í skólunum
verðum við að láta þær vinna með
okkur, en ekki streitast á móti.
Snjallsímarnir geta alveg nýst sem
kennslutæki ef rétt er á málum hald-
ið,“ segir Elísabet – sem telur mik-
ilvægt að framhaldsskólanir í land-
inu hafi hver sína áherslu og
sérstöðu. Þannig verði nemendum
best mætt.
„Í dag fara allt að 98% íslenskra
unglinga í framhaldsskóla, en vissu-
lega eiga þeir ekki allir erindi í stíft
bóknám eins og hér í MR, ekki frek-
ar en allir eiga erindi í listnám svo
dæmi sé tekið. Fjölbreytnin þarf að
vera til staðar svo allir fái nám við
sitt hæfi og það hefur okkur Íslend-
ingum ekki tekist nægjanlega vel.
Brottfall úr skólunum er of mikið, þó
svo margir frábærir hlutir séu að
gerast. Fagmennska og metnaður
starfsfólks skólanna er einstakur og
sjálf gæti ég ekki hugsað mér
skemmtilegri starfsvettvang,“ segir
Elísabet. Bætir við að eftir eina viku
í MR sé hún rétt að átta sig á að-
stæðum og þurfi margt að læra.
„Hér í MR eru tæplega 900 nem-
endur. Á mínum fyrri vinnustað
þekkti ég flesta nemendur með nafni
og hinu sama vil ég gjarnan ná hér.
En það tekur tíma en ég hef ákveðið
skipulag og kerfi og hlakka til þeirra
verkefna sem framundan eru,“ segir
Elísabet að síðustu.
Endalaus
uppspretta
 Elísabet Siemsen er nýr rektor MR
 Skólastarf í sífelldri þróun  Vill
þekkja nemendur skólans með nafni
Morgunblaðið/Eggert
MR Við erum að miðla þekkingu og skapa eitthvað nýtt og það er gaman að eiga samskipti við unglingana,“ segir
Elísabet Siemsen nýr rektor sem hér fyrir utan hið gamla virðulega skólahús sem setur sterkan svip á miðborgina.
Eikjuvogur 29 - 104 Rvk.
s:781-5100
Opið: Mán-fim: 12-18 - fös: 12-16
La Mollla - ný skartgripalína frá Ítalíu
Mörkin 6 - 108 Rvk.
s:546-0044
Opið: Mán-fös: 11-18 - lau: 12-16