Morgunblaðið - Sunnudagur - 17.12.2017, Side 44

44 MORGUNBLAÐIÐ SUNNUDAGUR 17.12. 2017
LESBÓK
MÁLMUR Ronnie James Dio var mikill áhugamaður um
töfra og sumir halda því meira að segja fram að hann
hafi sjálfur verið rammgöldróttur. En að hann ætti eftir
að birtast á sviði sjö árum eftir andlát sitt, því hefði Dio
varla getað spáð sjálfur. Það er eigi að síður stað-
reyndin en heimstúrnum „Dio snýr aftur“ var hrint af
stokkunum fyrr í þessum mánuði. Þar treður söngv-
arinn, eða öllu heldur heilmynd af honum, upp ásamt
gömlum félögum úr málmbandinu Dio, sem allir eru
sprelllifandi, og tekur öll sín vinsælustu lög. Já, nútíma-
tæknin lætur ekki að sér hæða. Um er að ræða gamlar
tónleikaupptökur af Dio að syngja og mun túrinn teygja
anga sína vítt og breitt um heiminn á komandi misserum
og til að mynda er von á Dio til Skandinavíu á næsta ári.
Á svið eftir dauðann
Ronnie
James Dio
Heilmynd
KVIKMYNDIR Ástæðan fyrir því að banda-
ríska kvikmyndaleikkonan Jodie Foster er
frábrugðin öðrum leikurum er sú að hún hef-
ur aldrei haft persónuleika leikarans. Þetta
er niðurstaða hennar sjálfrar í nýlegu viðtali
við breska blaðið The Guardian. „Ég fæddist
ekki með þann persónuleika. Hefði ég orðið
betri lögfræðingur? Mögulega. Persónuleiki
minn er sniðinn að öðru en því að leika,“ seg-
ir Foster í viðtalinu. Hún hefur mest fengist
við leikstjórn undanfarin ár og kveðst hvorki
gera það til að verða vinsælasti né hæst laun-
aði leikstjórinn, heldur hafi hún einfaldlega
metnað til að vera höfundur að listaverki.
Ekki með persónuleika leikarans
Jodie Foster hefur notið velgengni í starfi.
AFP
Úr kvikmyndinni Þjóðhátíðarballinu.
Finnsk fyndni
RÚV Ríkissjónvarpið er í finnskum
gír núna á aðventunni enda tilefnið
ærið, hundrað ára sjálfstæðis-
afmæli þessarar frændþjóðar okk-
ar. Í kvöld, sunnudagskvöld, kl.
22.05 er á dagskrá gamanmyndin
Þjóðhátíðarballið. Hún fjallar um
heimspeking sem er boðið á þjóð-
hátíðarball finnska forsetans í Hels-
inki. Hann er staddur í Lapplandi
svo fram undan er 1.200 km langt
ferðalag í gegnum gjörvallt landið.
Leikstjóri er Tapio Piirainen.
STÖÐ 2 Lokaþátt-
urinn í röðinni
Snapparar í umsjá
Lóu Pind er á dag-
skrá í kvöld,
sunnudagskvöld,
kl. 20. Í þáttunum
gægist hún inn í
heim sem er hul-
inn mörgum Ís-
lendingum, heim sem er fullur af
snapchatstjörnum sem geta varla
skotist í Kringluna fyrir aðdáend-
um sem vilja eiginhandaráritanir
eða sjálfur. Við kynnumst alls kon-
ar snöppurum; þeirra á meðal
Manúelu Ósk, Binna Glee, Ernu
Kristínu, Thelmu sjúkraliða,
Hrefnu Líf, Evu Ruzu, Sigrúnu Sig-
urpáls og Binna Löve, sem finnst
ekkert að því að koma nakinn fram.
Snapparar
Lóa Pind
SJÓNVARP SÍMANS Kynferðis-
glæpir og kynferðisleg áreitni hafa
sjaldan verið meira í brennidepli en
undanfarnar vikur. Í því samhengi
er þátturinn Law & Order: Special
Victims Unit sem Sjónvarp Símans
sýnir á sunnudagskvöldum kl. 21
athyglisvert innlegg í umræðuna
enda þótt um skálduð sakamál sé að
ræða. Þar er einmitt glímt við kyn-
ferðisglæpi.
Mariska Hargitay leikur í þáttunum.
Kynferðisglæpir
Gary Oldman hefur fengiðglimrandi dóma fyrir túlk-un sína á Winston Church-
ill í kvikmynd Joes Wrights, Dark-
est Hour, sem frumsýnd var fyrr á
þessu hausti og þykir líklegur til að
gera atlögu að Óskarsverðlaun-
unum í vor enda þótt tilnefningar
liggi enn ekki fyrir.
Fyrirfram hefði manni ekki þótt
Oldman sennilegur til að hreppa
hlutverk Churchills þó ekki væri
nema fyrir þær sakir að hann líkist
hinum goðsagnakennda forsætis-
ráðherra og stríðshetju ekki hið
minnsta í útliti. Svo virðist sem far-
inn hafi verið millivegur í þeim efn-
um en gagnrýnendur hafa bent á,
að Oldman líkist í raun hvorugum í
myndinni, hvorki Churchill né sjálf-
um sér. Styrkur frammistöðu Old-
mans þykir heldur ekki liggja í því
hversu vel hann „hermir“ eftir
Churchill, heldur hversu sannfær-
andi karakterinn er í meðförum
hans. Hann gýs eins og Strokkur
eina stundina en sekkur í fen dep-
urðar þá næstu. Það er einmitt
málið; fátt er fengið með því að
láta leikara líkjast raunverulegri
manneskju ef ekkert annað er á
bak við persónusköpunina. Þarna
sá Oldman sér sannarlega leik á
borði og þykir hafa gert hlutverk,
sem svo ótalmargir aðrir hafa
spreytt sig á gegnum tíðina, al-
gjörlega að sínu.
Það er svo margt skrýtið í kýr-
hausnum; hefði það til dæmis flögr-
að að manni, þegar maður var í
makindum að horfa á Sid & Nancy
um níunda áratuginn miðjan, að
leikarinn, sem túlkaði hinn sjónum-
hrygga en últrakúl yfirpönkara Sid
Vicious, ætti einhvern tíma eftir að
leika Winston Churchill? Varla!
Alltént bauð holdafarið ekki upp
á þær vangaveltur en sem frægt er
var Oldman lagður inn á spítala
eftir að hafa grennt sig ótæpilega
fyrir hlutverk Vicious. Sá var þessi
magra týpa að upplagi og ekki var
lífernið til þess fallið að hlaða í
holdið. Vicious var forfallinn eitur-
lyfjafíkill, sem varð honum loks að
fjörtjóni, þegar hann var aðeins 21
árs gamall.
Grunaður um morð
Kærasta hans, Nancy Spungen, var
þá þegar látin. Myrt skömmu áður
af Vicious, eða ekki. Hann var all-
tént handtekinn grunaður um
verknaðinn en sleppt lausum gegn
tryggingu og lést áður en tóm gafst
til að rétta yfir honum. Flest bend-
ir til þess að Vicious hafi ekki haft
grænan grun um það sjálfur hvort
hann réð Spungen bana eður ei.
Munið þið annars hver fór með
hlutverk Nancy í myndinni? Jú,
bandaríska leikkonan Chloe Webb,
sem sennilega er þekktust í seinni
tíð fyrir að leika mömmuna í hinum
óborganlegu sjónvarpsþáttum
Shameless, Monicu Gallagher.
Það eru ekki bara Vicious og
Churchill, Gary Oldman er frægur
fyrir að verða að viðgangsefnum
sínum gegnum tíðina. Hefur orðið
„kameljón“ oftar en ekki verið not-
að í þessu sambandi. Þar býr Old-
man vitaskuld vel að menntun sinni
sem sviðsleikari, auk brennandi
áhuga og metnaði fyrir starfinu.
Þykir Oldman eiga fáa sína líka.
Og talandi um sögulegar persón-
ur þá muna eflaust margir eftir
Oldman sem Lee Harvey Oswald í
mynd Olivers Stones, JFK, frá
árinu 1991. Stone var ekki á því að
gera leikaranum hlutverkið auð-
veldara sem varð til þess að hann
lagðist sjálfur í rannsóknir; fór
meðal annars á fund ekkju Os-
walds og dætra hennar.
Oldman er einnig ógleymanlegur
sem Ludwig van Beethoven í
Immortal Beloved eftir
Bernard Rose frá 1994.
Hvað verður það
næst? Donald Trump?
Gary Oldman eins og
hann lítur alla jafna út.
AFP
Gary Oldman fæddist í Lund-
únum 21. mars 1958 og verð-
ur því sextugur á næsta ári.
Faðir hans var sjómaður sem
yfirgaf fjölskylduna þegar
Oldman var aðeins sjö ára.
Hann lærði ungur á píanó
og söng en lagði tónlistina á
hilluna til að eltast við leik-
listargyðjuna eftir að hafa
séð Malcolm McDowell í The
Raging Moon árið 1971.
Oldman er mikill áhuga-
maður um knattspyrnu og
styður sitt hverfislið í Lund-
únum, Millwall, en hermt er
að faðir hans hafi leikið fá-
eina leiki fyrir félagið
rétt eftir seinna
stríð. Oldman hef-
ur einnig taugar
til Manchester
United sem
rekja má til dálætis
hans á George
heitnum Best.
Dáist að Best
og McDowell
Oldman í hlut-
verki Sid Vicious.
Kameljón kvikmyndanna
Enski leikarinn Gary Oldman er frægur fyrir að bregða sér í allra kvikinda líki á tjaldinu og raunveru-
legar persónur virðast liggja einkar vel fyrir honum, allt frá Sid Vicious að Winston gamla Churchill.
Orri Páll Ormarsson orri@mbl.is
Gary Oldman sem Winston
Churchill í Darkest Hour.