Morgunblaðið - 17.03.2018, Blaðsíða 20
20 FRÉTTIRInnlent
MORGUNBLAÐIÐ LAUGARDAGUR 17. MARS 2018
Royal
Tryggir öruggan bakstur
Íslensk framleiðsla
Sigurður Bogi Sævarsson
sbs@mbl.is
Ástand þjóðveganna er slæmt og bráðaað-
gerða við endurbætur er þörf. Þetta er
rauði þráðurinn í máli þeirra sem Morg-
unblaðið hafði tal af í vikunni; landsbyggð-
arfólks sem er daglega á ferðinni og þekkir
af eigin raun hver staðan sé. Víða hefur
undirlag vega gefið sig, malbik og klæðn-
ingar eru að molna niður, veikbyggðir veg-
kantar þola illa þunga til dæmis rútu- og
flutningabíla ef þarf að aka út á brún þegar
ökutæki mætast. Viðmælendum ber saman
um að vegir komi illa undan vetri og þar
megi um kenna að takmörkuðum fjár-
munum hafi verið varið til viðhalds. Þar
liggi rætur vandans.
Ýmsar framkvæmdir á dagskrá
Rúmlega 8,0 milljörðum króna verður í ár
varið til viðhalds þjóðvega, samkvæmt upp-
lýsingum frá Magnúsi Vali Jóhanssyni fram-
kvæmdastjóri mannvirkjasviðs Vegagerð-
arinnar. Helstu verkefnin þar eru
endurbætur á Gjábakkaleið við Þingvelli,
fyrsti áfangi uppbyggingar Laugarvatns-
vegar fram í Grímsnes, og styrking á Bisk-
upstungnabraut nærri Geysi. Í Saurbæ í
Dölum er svo verið að byggja upp þjóðveg-
inn þar og á Norðurlandi verður vegurinn
milli Fnjóskadals og Fljótsheiðar styrktur
og byggður upp, sem helst í hendur við að
Vaðlaheiðargöng eru að komast í gagnið.
Til nýframkvæmda er varið 13,9 millj-
örðum króna. Stærstu verkefnin eru gerð
Dýrafjarðarganga og þverun Berufjarðar,
en síðarnefnda framkvæmdin er lokaáfang-
inn í því að hringvegurinn verði allur lagður
bundnu slitlagi. Önnur verkefni framundan
eru upphaf á framkvæmdum við breikkun
hringvegar milli Selfoss og Hveragerðis,
breikkun Grindavíkurvegar að hluta og upp-
bygging á vegunum um Uxahryggi og Fróð-
árheiði, bygging brúar yfir Bjarnarfjarðará
á Ströndum og breikkun brúa á Hólá, Stigá
og Kvíá í Öræfum og yfir Tjarnará á Vatns-
nesi. Þá verður haldið áfram með Dettifoss-
veg og gerð nýs vegar um Skriðdal eystra
aukinheldur sem fyrstu áfangarnir viðvíkj-
andi brú yfir Hornafjarðarfljót verða teknir.
Bráðaaðgerða er þörf í vegamálum
Þjóðvegirnir molna
niður og þola ekki þung-
ann, segja bílstjórar
Morgunblaðið/Skapti Hallgrímsson
Norðurland Bugðóttur þjóðvegurinn í Kræklingahlíð skammt norðan við Akureyri. Flutningabíll á suðurleið og framundan er Moldhaugnaháls.
„Nokkrir kaflar á Hringveginum eru hreinlega ónýtir.
Þar get ég til dæmis nefnt góðan spotta ofan við Borgar-
nes og svo Langadal í Austur-Húnavatnssýslu. Sá síðar-
nefndi er mjór og undirlagið farið svo það tekur í að aka
þar í gegn á þungum bíl með aftanívagn,“ segir Gunn-
laugur Sveinbjörnsson bílstjóri hjá Eimskip. Hann hefur
verið í ferðum milli Reykjavíkur og Húsavíkur í alls 32
ár og þekkir leiðina því út og inn.
„Helstu fyrirstöðurnar á leiðinni eru annars þegar
maður ekur inn og út úr höfuðborginni, ótal þrengingar
og hringtorg til dæmis í Mosfellsbænum. Þar getur verið
erfitt að komast í gegn og mér finnst alveg óskiljanlegt
hvers vegna Sundabrautin hafi verið tekin af dagskrá, jafn nauðsynleg og
sú framkvæmd er,“ segir Gunnlaugur sem telur byggingu nýrrar brúar yf-
ir Skjálfandafljót, það er í Köldukinn, vera orðna aðkallandi framkvæmd.
Sama gildi um nýja brú yfir Jökulsá á Fjöllum við Grímsstaði, en núverandi
brú þar var byggð fyrir um 70 árum.
Vegir í Borgarfirði og Langadal ónýtir
Gunnlaugur
Sveinbjörnsson
„Að segja vegina hér í sveit þá verstu á landinu eru
sennilega engar ýkjur. Ástandið er slæmt,“ segir Þrá-
inn Hjálmarsson, skólabílstjóri á Hríshóli í Reykhóla-
sveit. Börnin þar í sveit sem eiga lengst til skóla að
sækja koma frá Gufudal í Gufudalssveit, sem er um 50
kílómetra frá Reykhólum. Þráinn ekur þessa leið fram
og til baka á morgnana og síðdegis, fer þá yfir Hjalla-
og Ódrjúgsháls, en til fjölda ára hefur verið rekistefna
og ströggl um hvar ný leið þar skuli liggja. Í sl. viku
ákvað sveitarstjórn Reykhólahrepps að nýr vegur
skyldi lagður um Teigsskóg, sem er mun ódýrari kost-
ur, í stað þess að gerð verði jarðgöng yfir hálsana tvo.
„Fyrir löngu átti að vera klárt varðandi þessa vegagerð. Síðan þá hefur
málið flækst, sennilega hefði verið fljótlegast að leggja göng um Hjalla-
háls,“ segir Þráinn og bætir við að umferð um þessar slóðir hafi aukist
mikið síðustu misserin. Stundum komi 10-12 trukkar á dag með afurðir
frá laxeldisstöðvum á sunnanverðum Vestfjörðum og malarvegirnir beri
það álag ekki.
Malarvegirnir vestra þeir verstu á landinu
Þráinn
Hjálmarsson
Brýnt er að fara
fljótlega í endur-
bætur á Hring-
veginum í sunn-
anverðum
Fáskrúðsfirði.
Þar eru bugður
og blindhæðir,
enda var slitlagið
einfaldlega sett
ofan á gamlan
veg sem stenst
engin viðmið í dag, segir Þóra Sól-
veig Jóndóttir, skógarbóndi á Borg
í Skriðdal.
„Núna á að halda áfram upp-
byggingu vegarins í framanverðum
Skriðdal sem skref í áttina að því að
Öxi verði heilsársleið, en með slíku
skapast góð tenging milli byggða.
Vegurinn um Fagradal stendur
ekki lengur undir umferð 700 bíla á
dag. Þar verður að bæta úr og
Fjarðarheiði er löngu komin á tíma,
og framtíð byggðar á Seyðisfirði er
þar í húfi.“
Skref í áttina
í Skriðdalnum
Þóra Sólveig
Jónsdóttir
„Vegir koma illa undan vetri. Víða er slitlagskápan að
gefa sig og undirlag veganna er jafnvel ónýtt,“ segir
Steinar Erlingsson mjólkurbílstjóri. Hann sækir mjólk á
sveitabæi í uppsveitum Árnessýslu annan daginn en hinn
í Borgarfjarðardali. Ekur þá um tengivegi sveitanna
sem eru yfirleitt mjóir og barn síns tíma, eins og sagt er.
„Það getur verið vandasamt að mæta bílum á sveita-
vegunum, því kantarnir bera ekki álag þungra bíla.
Þessa vegi verður alla að styrkja, bæði til að þjóna íbú-
um og ferðafólki. Á Hringveginum er leiðin frá Borgar-
nesi og upp fyrir Bifröst illa farin. Úr mínu heimahéraði
á Suðurlandi get ég svo nefnt Þjórsárdalsveginn, frá
Sandlækjarholti að Árnesi. Þar eru vegbrúnir signar og hættulegir á mjó-
um vegi sem mikil umferð er um, en þetta er vegurinn sem liggur að sex
virkjunum inn á fjöllum,“ segir Steinar sem víkur að þeirri hættu sem
ferðamenn á bílaleigubílum skapi. „Já, ferðamennirnir eru í allt öðrum
takti en Íslendingar. Keyra oft hægt og stoppa jafnvel á miðjum vegi til að
klappa hestum eða taka myndir. Á því verður að taka.“
Slitlagið gefur sig og kantarnir eru signir
Steinar
Erlingsson
„Hér norðan-
lands þarf að
endurbyggja og
bæta nokkra
fjölfarna kafla,“
segir Óskar Þór
Halldórsson
leiðsögumaður á
Akureyri. Hann
er í reglulegum
ferðum á vin-
sæla ferða-
mannastaði á Norðurlandi,
„Í Reykjadal nærri Laugum er
kafli sem var afar varhugaverð-
ur, en nú hefur hann verið endur-
bættur að hluta. Eftir er samt að
taka spotta syðst í dalnum og upp
á Mývatnsheiðina. Þá þarf að
ljúka við Dettifossveginn. Nú er
komin góð tenging að fossinum
vestanverðum, frá þjóðveginum á
Mývatnsöræfum. Eftir er þó að
klára að byggja veginn upp frá
fossinum og niður í Kelduhverfi.
Það er framkvæmd sem heima-
menn og ferðaþjónustan þrýsta á
um,“
Varhugavert í
Reykjadalnum
Óskar Þór
Halldórsson