Morgunblaðið - 17.03.2018, Blaðsíða 54

54 MENNING
MORGUNBLAÐIÐ LAUGARDAGUR 17. MARS 2018
Söfn • Setur • Sýningar
LISTASAFN ÍSLANDS
Hönnunarmars 15.–18. mars
Sunnudaginn 18. mars: Tveir fyrir einn af aðgangseyri
Þjóð verður til – Menning og samfélag í 1200 ár grunnsýning Þjóðminjasafnsins
David Barreiro – Langa blokkin í Efra Breiðholti í Myndasal
Karl Jeppesen – Fornar verstöðvar á Vegg
Prýðileg reiðtygi í Bogasal
Safnbúð fjölbreytt úrval gjafavöru
Kaffitár ljúfar veitingar í fallegu umhverfi
Hönnunarmars 15.–18. mars
Sunnudaginn 18. mars kl. 14: Fjölskylduleiðsögn
Sjónarhorn - Ferðalag um íslenskan myndheim fyrr og nú
grunnsýning Safnahússins
Jónsbók, kirkjulist, skjöl, samtímalist, alþýðulist, plötuumslög,
ljósmyndir, landakort, vaxmynd og margt fleira
Krossfestingarmynd á skinnblaði frá 14. öld
Spegill samfélagsins 1770 - Almúgi og embættismenn skrifa Danakonungi
Fræðslurými og skemmtilegt fræðsluefni fyrir alla fjölskylduna
Safnbúð Bækur og gjafavörur í úrvali
Julia&Julia ljúfar veitingar í fallegu umhverfi.
Safnahúsið er hluti af Þjóðminjasafni Íslands
Hverfisgata 15, 101 Reykjavík, s. 530 2210
www.safnahusid.is - https://www.facebook.com/safnahusid/
Opið þriðjudaga til sunnudaga frá 10-17
SAFNAHÚSIÐ VIÐ HVERFISGÖTU
ÞJÓÐMINJASAFN ÍSLANDS
Suðurgata 41, 101 Reykjavík, s. 530 2200,
www.thodminjasafn.is • www.facebook.com/thjodminjasafn
Opið þriðjudaga til sunnudaga frá 10-17.
ÁLFASMIÐJA í Listasafni Íslands fyrir börn á aldrinum 5-10 ára,
laugardaginn 17. mars kl. 13-14.
Í tengslum við sýninguna Korriró og Dillidó
- Þjóðsagnamyndir Ásgríms Jónssonar.
ELINA BROTHERUS - LEIKREGLUR 16.2. - 24.6.2018
KORRIRÓ OG DILLIDÓ 2.2. - 29.4.2018
- Þjóðsagnamyndir Ásgríms Jónssonar
FJÁRSJÓÐUR ÞJÓÐAR 7.4.2017 - 31.12.2019 - Valin verk úr safneign
ORKA 14.9. - 29.4.2018
Sýning á vídeóinnsetningunni Orka eftir Steinu í Vasulka-stofu
SAFNBÚÐ - Listrænar gjafavörur
Fríkirkjuvegi 7, 101 Reykjavík, sími 515 9600, www.listasafn.is.
Listasafn Íslands er opið alla daga kl. 11-17 nema mánudaga.
LISTASAFN SIGURJÓNS ÓLAFSSONAR
TVEIR SAMHERJAR - ASGER JORN OG SIGURJÓN ÓLAFSSON
21.10.2017 - 13.5.2018
Opið laugardaga og sunnudaga kl. 14-17. Laugarnestanga 70, sími 553 2906, www.lso.is
Kaffistofa – heimabakað meðlæti
SAFN ÁSGRÍMS JÓNSSONAR
ÓGNVEKJANDI NÁTTÚRA 2.10.2016 - 29.04.2018
Opið laugardaga og sunnudaga kl. 14-17
Bergstaðastræti 74, sími 561 9616, www.listasafn.is
Einar Falur Ingólfsson
efi@mbl.is
Algleymi heimsandans er heiti sýn-
ingar á verkum eftir bandarísku
myndlistarkonuna Elizabeth Peyton
sem verður opnuð í Kling & Bang í
Marshall-húsinu kl. 17 í dag, laugar-
dag. Peyton hefur undanfarna tvo
áratugi verið ein skærasta stjarnan í
heimi samtímamálverksins, einkum
þekkt fyrir portrett af fólki, vinum
jafnt sem fólki úr sögu og dægur-
menningu, í nútíð sem fortíð.
„Ég vann þessi verk að mestu fyr-
ir þessa sýningu hér,“ segir Peyton
þegar við skoðum portett hennar og
kyrralífsmynd með blómum. „Þann-
ig vinn ég yfirleitt, hef sýningarstað-
inn og samhengið í huga og það hef-
ur einhver áhrif á verkin.“
– Og eins og sjá má hér þá skipt-
irðu afar lipurlega milli forma, hér
eru olíumálverk, vatnslitamynd og
teikning, og grafíkverk: einþrykk,
dúkristur og ætingar.
„Þar sem ég hafði aldrei sýnt hér
áður þá langaði mig að vera með
verk í öllum þessum formum. Mér
þótti ekki rétt að sýna bara málverk.
Ég færi mig sífellt milli þessara
miðla. Oft bregst ég við hugmyndum
að myndum með því að fara fyrst
með þær á prentverkstæðið. Síðan
fer ég með prentin í stúdíóið og legg
til atlögu við málverk með sömu
hugmynd. Þar vinn ég alltaf ein,
enginn fær að vera á vinnustofunni
með mér; ég hreinsa penslana mína
og mála grunnana líka sjálf.“
– Þú ert þekktust fyrir portrett af
fólki sem sumt er tengt þér en mörg
byggjast líka á fundnu myndefni.
„Það er satt. Það geta verið mörg
lög í þessum verkum og oft líður
langur tími frá því að ég fæ hug-
mynd að mynd og þar til ég hrindi
henni í framkvæmd. Ég þarf ekki að
lýsa öllum smáatriðum á fólkinu sem
ég mála, rýmið sem ég læt ósnert
skiptir til dæmis máli.
Ég vil vissulega fanga karakter-
inn, eins og í verkunum hér af list-
hlauparanum á skautum.“ Hér vísar
Peyton til mynda á sýningunni af
Yuzuru Hanyu sem hún hreifst af í
útsendingum frá Vetrarólympíuleik-
unum. „Ég reyni að ná mörgu inn í
verkin en hafa þau líka létt og opin,
svo áhorfandinn sjái ekki vinnuna
bak við þau. Ég þarf, eins og aðrir
listamenn, að finna leið mína við að
skapa listaverk. Það er ekki eins og
maður finni formúlu sem geri þetta
fyrir mann. Eins og Bruce Nauman
sagði, þá þurfum við sífellt að finna
upp hjólið. Það er eitt að hafa tækni-
lega hæfileika en það að fanga töfra í
verkunum er allt annað mál …“
– Þú málar líka kyrralíf en þar,
eins og í portrettunum, tekst þér að
hafa nálgunina splunkunýja.
„Ég er á lífi núna. Fólk nýtur þess
alltaf að horfa á myndir af öðru fólki,
og umhverfi eins og blómin, og það
hljóta að vera leiðir til að færa það
inn í listmuni sem lifa áfram. Mál-
verk eru góðir geymslustaðir fyrir
þessar tilfinningar. Sem listamaður
verð ég að geta treyst því að ég geti
fært þetta líf og umhverfið inn í
verkin og geti sagt eitthvað um leið
um hvað það er að vera á lífi.“
„Um hvað það er að vera á lífi“
 Sýning á verkum eftir Elizabeth Peyton, víðkunnan samtímamálara, opnuð í Kling & Bang í dag
Morgunblaðið/Einar Falur
Karakterar „Ég byrjaði á þessari teikningu hér á Íslandi í fyrra og fannst rétt að hún kæmi aftur til landsins,“ segir
Elizabeth Peyton um teikninguna sem hún gerði út frá frægri teikningu Michelangelos af Andrea Quaretesi.
TÓNLIST
Arnar Eggert Thoroddsen
arnareggert@arnareggert.is
„Ég er búinn að glata gleraugunum
mínum.“ Þetta er það fyrsta sem
Kristian Blak, goðsögn í lifanda lífi
og mesti tónlistargúrú Færeyja,
segir við mig þegar ég, Ólafur Páll
Gunnarsson af Rás 2 og ektakvinnur
okkar hittum hann á flugvellinum í
Vágum. Það segir ýmislegt um
smæð samfélagsins, þessa eina lands
þar sem Íslendingurinn kemur frá
stærra landi, að Blak skuli vera
mættur þarna galvaskur á sendibíl
til að sækja okkur. Til allrar ham-
ingju finnur hann svo gleraugun
(höfðu dottið á milli sæta) og við
ökum af stað í átt að Þórshöfn.
Tilgangur okkar er m.a. að
vera viðstödd Færeysku tónlistar-
verðlaunin eða „virðislönin“ sem
voru svo afhent á laugardeginum,
með pomp og prakt, í hinu glæsilega
Norðurlandahúsi í Færeyjum.
Kristian Blak er hálfutan við sig
þegar hann keyrir okkur og næstum
búinn að keyra út af einu sinni.
Þetta dagsform hans er þó í full-
kominni andstæðu við óeigingjörn
störf hans fyrir færeyskt tónlistarlíf.
Þar er hann ekkert minna en ótrú-
legur og keyrir útgáfu sína Tutl af
mikilli festu, með hárnákvæman
fókus á hvað beri að gera til að há-
marka sýnileika og dreifingu. Blak
er hugsjónamaður, einn sá mesti
sem ég hef kynnst, en hann er ekki
með höfuðið í skýjunum eða í óraun-
hæfum dagdraumum. Áratugalangt
og ósérhlífið starf
hans skilar nefni-
lega áþreifan-
legum árangri.
Færeyingar
fullnýta þá helgi
sem verðlauna-
afhendingin er
sett á. Vorum við
nokkur samankomin frá hinum og
þessum löndum; blaðamenn, sjón-
varps- og útvarpsfólk auk útsendara
dreifingaraðila og útgáfufyrirtækja.
Starfsmenn verðlaunahátíðarinnar
sáu til þess að dagskráin væri vel
væn og strax á föstudeginum börð-
um við nokkrar sveitir augum í
Reinsaríinu. Fullkomið hljóðver,
Studio Block, var heimsótt og á
laugardeginum var næststærsti bær
eyjanna, Klakksvík, heimsóttur.
Færeyingar eru giska öflugir í
þessu kynningarstarfi og gleyma
ekki altækum menningarvinkli og
alltaf er nóg af skerpukjöti, fær-
eyskum bjór og hannyrðavörum.
Verðlaunin sjálf voru með hefð-
bundnum hætti og voru sýnd „bein-
leiðis“ í „kringvarpinu“. Líkt og
hérlendis voru ýmsir stílar í gangi
og misaðgengilegir. Þannig var
Eyðun Nólsöe, sem er nokkurs kon-
ar Bubbi eyjanna,
tilnefndur en einn-
ig tók hin vinsæla
þungarokkssveit
Hamferð ein verð-
laun.
Hið fram-
sækna og hið
dægilega voru í
einni bendu en ánægðastur var ég
með það að Lea Kampmann, korn-
ung söngkona, var valin flytjandi
ársins. Stuttskífa hennar, Common
Blue, er virkilega falleg. Býr yfir
þessum melankólíska þjóðlagatóni
sem einkennir svo margar fær-
eyskar plötur en er um leið þræl-
bundin í samtímann. Sú blanda hef-
ur gefist Færeyingum vel; þegar
reynt er að stíga út fyrir þessar
dásamlegu eyjar og yfir á alþjóða-
sviðið.
Tónleikur í Færeyjum
Pistilritari sótti eyjarnar átján heim um síðustu helgi
og var gestur á Færeysku tónlistarverðlaununum.
Lágstemmd Tónlist
Leu Kampmann er
lágstemmd og falleg.
» Býr yfir þessummelankólíska þjóð-
lagatóni sem einkenn-
ir svo margar fær-
eyskar plötur.