Morgunblaðið - 17.03.2018, Blaðsíða 22
Morgunblaðið/Oddný Kristín G.
Svarta kusa Dósakistan á Hvanneyri hefur vakið verðskuldaða athygli.
ÚR BÆJARLÍFINU
Birna G. Konráðsdóttir
Borgarfjörður
Bifróvision er nafn á árshátíð
nemenda við Háskólann á Bifröst.
Nafnið er dregið af hinni einu
sönnu Júróvisionkeppni og kemur
til af því að á sínum tíma var gríð-
arlega mikil söngkeppni meðal
nemenda skólans, ár hvert. Hver
keppandi varð að útvega sér um-
boðsmann og finna sér dulnefni
þannig að einungis keppandi og
umboðsmaður vissu um væntanlega
þátttöku. Æfingar stóðu oft yfir í
langan tíma og ekki kom í ljós
hverjir voru meðal keppenda fyrr
en æfingar hófust með hljómsveit.
Jafnvel þá áttu keppendur ekki að
segja hver frá öðrum. Á hinu stóra
kvöldi stigu síðan nemendur á svið
og dómnefnd ásamt gestum í sal
greiddi atkvæði um hver væri til
þess bær að bera titilinn sigurveg-
ari Bifróvision hvert ár fyrir sig.
Með breyttu skipulagi á námi, þeg-
ar fjarnemar verða sífellt fleiri, hef-
ur keppnin sjálf lagst niður en
árshátíðin ber enn hið gamla nafn.
Nýstárlegt hjólastatíf prýðir
nú skólagrundina við Kleppjárns-
reykjaskóla í Borgarfirði. Það er
Guðmundur Hallgrímsson, völ-
undur á Hvanneyri, sem smíðaði
statífið og gaf skólanum. Að sögn
Guðmundar kom það til vegna þess
að enginn staður var fyrir hjólin á
skólalóðinni og lítið af aukafjár-
magni til að kaupa slíkt. Statífið er
smíðað úr rafmagnskefli og undir
því eru vörubretti til að fá stuðning.
Rafmagnskeflið átti hann til síðan
hann smíðaði „Svörtu kusu“,
óvenjulega dósakistu sem er á
Hvanneyri. Ungmennafélagið Ís-
lendingur er eigandi kusu. „Ung-
mennafélagið vantaði dósakistu og
upp úr spjalli við formann félagsins
kom það til að ég smíðaði gripinn,“
segir Guðmundur í samtali. Kusan
hefur vakið athygli enda nokkuð
sérstök og segja má að hvergi fari
betur um hana en einmitt í vöggu
landbúnaðar, á Hvanneyri.
Í dreifbýlinu er leiklistargyðjan
enn blótuð. Félagar í Leikdeild
Umf. Skallagríms hafa skemmt
Borgfirðingum og Mýramönnum í
ríflega 100 ár og þetta ár var engin
undantekning á því. Leikritið sem
sýnt var að þessu sinni heitir 39½
vika eftir Hrefnu Friðriksdóttur.
Leikstjóri var Hrund Ólafsdóttir og
sýningar voru í félagsheimilinu
Lyngbrekku.
Í Grunnskóla Borgarfjarðar
hefur verið síðan 2013 unnið að þró-
unarverkefni sem heitir Leiðtoginn
í mér eða „Leader in me“. Verk-
efnið byggist á hugmyndum Steph-
ens Coveys um sjö venjur ein-
staklinga sem hafa náð langt á sínu
sviði. Þessi aðferðafræði hefur ver-
ið þróuð til að veita nemendum víð-
tækari menntun innan skólakerfis-
ins og hefur skilað miklum árangri
víða um heim en Grunnskóli Borg-
arfjarðar er eini grunnskólinn á
landinu sem innleitt hefur þessa að-
ferð. Nokkrir leikskólar beita henni
hins vegar hérlendis með góðum
árangri. Verkefninu er ætlað að
auka sjálfsöryggi, ábyrgðar-
tilfinningu og frumkvæði einstakl-
inga og búa þá undir áskoranir og
tækifæri 21. aldarinnar. Ekki er
markmiðið að gera leiðtoga úr öll-
um heldur hjálpa hverjum og ein-
um að blómstra með eigin styrk-
leika að vopni.
Sönglíf er mjög blómlegt í
Borgarfirði. Þar á meðal eru fé-
lagar í karlakórnum Söngbræðrum
sem hafa boðið upp á skemmtilegar
uppákomur undanfarin ár. Ekki
síst er vinsælt það sem heimamenn
kalla Sviðaveislu og hefur verið ár-
legur viðburður og færri komist að
en vilja. Á matseðlinum hafa verið
heit og köld svið og saltað hrossa-
kjöt með rófustöppu og kartöflu-
mús. Kórfélagar hafa sjálfir séð um
skemmtiatriðin með söng sínum og
oftar en ekki hefur síðan kröftugur
fjöldasöngur hljómað um Borgar-
fjörðinn er líða tekur á kvöldið.
Frumkvöðlar og leiðtogar
blómstra í Borgarfirði
Völundarsmíð Nýstárlegt hjólastatíf við Kleppjárnsreykjaskóla.
22 FRÉTTIRInnlent
MORGUNBLAÐIÐ LAUGARDAGUR 17. MARS 2018
Nánari upplýsingar áwww.geosilica.is
Fæst í apótekum, heilsubúðum, Hagkaupum, Nettó, Fjarðarkaupum og geoSilica.is
Unnið úr 100% náttúrulegum jarðhitakísil og
mangan í hreinu íslensku vatni.
Repair er sérstaklega hannað og þróað fyrir
uppbyggingu beina og styrkingu bandvefjar þ.m.t.
liðbönd, liðþófar og krossbönd.
Helgi Bjarnason
helgi@mbl.is
Kostnaður við kaup Strætó á fjór-
tán rafmagnsstrætisvögnum sem
væntanlegir eru á næstu mánuðum
verður um 850 milljónir kr. Er þetta
350 milljónum króna lægri fjárhæð en
fram kom í svari Strætó sem lagt var
fram í borgarráði á fimmtudag.
Borgarfulltrúar Sjálfstæðisflokks-
ins spurðust fyrir um kostnað Strætó
vegna rafmagnsstrætisvagnanna.
Fram kom í svari Strætó að heildar-
fjárfesting vegna vagnanna væri
1.202 milljónir króna, með virðisauka-
skatti. Þegar Morgunblaðið spurðist
nánar fyrir kom í ljós að þessar upp-
lýsingar voru rangar, samkvæmt
upplýsingum Jóhannesar Svavars
Rúnarssonar, framkvæmdastjóra
Strætó, og leiðréttingu komið á fram-
færi við Reykjavíkurborg.
Byrja að koma í apríl
Kostnaður við vagnakaupin er um
850 milljónir kr. og hleðslustöðvar um
69 milljónir til viðbótar. Við bætist
heimtaugargjald fyrir heimtaug í
bækistöð samkvæmt gjaldskrá
Veitna en sá kostnaður gæti verið ná-
lægt tveimur milljónum kr. Heildar-
kostnaðurinn er því um 920 milljónir.
Dregist hefur að fá rafmagnsvagn-
ana afhenta vegna galla í hönnun
þeirra. Nú er ætlunin að afhenda
fjóra fyrstu vagnana um miðjan
næsta mánuð, að því er fram kemur í
svari Strætó til borgarinnar, fimm til
viðbótar í júní og fimm síðustu vagn-
arnir eiga síðan að koma í lok ágúst.
Rafmagnsvagnar og hleðslu-
stöðvar kosta 920 milljónir
Strætó gaf upp ranga tölu í svari til borgarinnar
Komnir Fyrstu vagnarnir eru nú þegar komnir til hafnar í Þorlákshöfn.
Hrein eign Gildis lífeyrissjóðs um
nýliðin áramót nam 517,3 milljörðum
króna og hækkaði um 47,7 milljarða
króna. Eignir sjóðsins hafa aldrei
verið meiri. Raunávöxtun síðasta árs
nam 5,8% og fól í sér töluverð um-
skipti frá fyrra ári þegar hún reynd-
ist neikvæð um 0,9%.
Stærstur hluti eigna samtrygging-
ardeildar sjóðsins var bundinn í er-
lendum verðbréfum eða 29,2%. Þá
eru 27,4% bundin í ríkistryggðum
skuldabréfum, 19,3% í innlendum
hlutabréfum, 6% í skuldabréfum
fjármálafyrirtækja. Þá voru 5,9%
bundin í skuldabréfum annarra fyr-
irtækja og 5,5% í sjóðfélagalánum.
Góð afkoma sjóðsins í fyrra skýr-
ist helst af góðri ávöxtun erlendra
hlutabréfa sem hækkuðu um 13,3% í
íslenskum krónum.
Greidd iðgjöld á árinu 2018 voru
ríflega 23 milljarðar króna saman-
borið við 19,4 milljarða árið 2016. Þá
greiddi sjóðurinn út 15,4 milljarða í
lífeyri samanborið við 14,3 milljarða
ári fyrr.
Fjöldi virkra sjóðfélaga var 32.966
um nýliðin áramót og hafði fjölgað úr
30.761 frá fyrra ári. Þá hafði fjöldi
lífeyrisþega einnig aukist nokkuð og
farið úr 20.331 í 22.255. Rekstrar-
kostnaður sjóðsins, reiknaður sem
hlutfall af eignum nam 0,16% og
breyttist ekki milli ára. Sé hann
skoðaður sem hlutfall af greiddum
iðgjöldum lækkaði hann hins vegar
úr 3,5% í 3,2%. Reiknaður rekstrar-
kostnaður á hvern sjóðfélaga nam
3.364 krónum í fyrra.
Tryggingafræðileg staða sjóðsins
er nú neikvæð um 1,6% en var nei-
kvæð um 2,7% í árslok 2016. ses@m-
bl.is
Eignir Gildis nú
yfir 500 milljarðar
Hrein raunávöxtun var 5,8% í fyrra
Samningar milli Rauða kross Ís-
lands og íslenska ríkisins um rekst-
ur sjúkrabíla verða ekki endurnýj-
aðir. Í fréttatilkynningu frá Rauða
krossinum kemur fram að samn-
ingaviðræður Rauða krossins og
heilbrigðisráðuneytisins um rekstur
sjúkrabíla hafi staðið yfir sl. þrjú ár.
„Á síðustu vikum hefur orðið ljóst
að stjórnvöld og ráðuneyti vilja taka
yfir rekstur sjúkrabíla á næstu ár-
um og því hefur Rauði krossinn á
Íslandi ákveðið að slíta samstarf-
inu,“ segir í tilkynningunni.
Rauði krossinn á Íslandi hefur átt
og rekið sjúkrabíla í 90 ár, deildir
Rauða krossins víða um land voru
stofnaðar í kringum kaup á sjúkra-
bílum. Fyrstu 70 árin rak Rauði
krossinn sjúkrabílana einn en síð-
ustu 20 ár samkvæmt samningi við
íslenska ríkið með rekstri Sjúkra-
bílasjóðs Rauða krossins. Rauði
krossinn á nú 78 sjúkrabíla sem
staðsettir eru víðsvegar um landið.
Tekur Rauði krossinn fram að
rekstur Sjúkrabílasjóðs Rauða
krossins hafi verið afar hagkvæmur.
Enginn arður hefur verið tekinn úr
sjóðnum og settur í önnur verkefni,
ef rekstrarafgangur hefur verið hef-
ur hann verið nýttur til fjárfestinga
í nýjum bílum, tækjum og tólum.
mhj@mbl.is
Slítur samningum við ríkið
Morgunblaðið/Ófeigur
Lokið Rauði krossinn þakkar ríkinu
samstarfið í tilkynningu sinni.
Rauði krossinn og ríkið hætta samstarfi um rekstur sjúkrabíla