Morgunblaðið - 25.04.2018, Blaðsíða 4

4 FRÉTTIRInnlent
MORGUNBLAÐIÐ MIÐVIKUDAGUR 25. APRÍL 2018
N Ý F O R M
H Ú S G A G N A V E R S L U N
Komið og skoðið úrvalið
Opið virka daga
11-18
laugardaga
11-15
Klassísk gæða húsgögn
á góðu verði
Strandgötu 24 | 220 Hafnarfjörður | Sími 565 4100 | nyform.is
Sigurður Bogi Sævarsson
sbs@mbl.is
„Ef eitthvað er að færð á veturna
eru göturnar saltaðar og sandaðar í
hvelli. Nú þegar sumarið er komið
eiga menn þá að vera fljótir að sópa
þessu burt,“ segir Bjarni Vest-
mann, sendifulltrúi í utanríkisráðu-
neytinu. Hann varð fyrir því óhappi
síðastliðinn sunnudag að renna til í
sandfláka þegar hann ók Harley
Davidson mótorhjóli sínu af Hring-
braut inn á Njarðargötu í Reykja-
vík, nærri bensínstöð N1 í Vatns-
mýrinni. Bjarni lenti í götunni og
fékk 300 kílóa þungt hjólið ofan á
sig og lá þannig fastur. Nærstaddir
vegfarendur komu þó fljótt á vett-
vang og tóku hjólið upp svo öku-
maðurinn komst fljótt á fætur að
nýju, að vísu aumur og með skrámu
á fótlegg.
„Þetta var ekkert alvarlegt. Ég
þurfti ekki á slysadeildina og fyrir
liggur að skipta þarf um stýri á
hjólinu og einnig eru á því rispur
hér og þar. En hættan sem þessi
sandur á götunum skapar er lúmsk
og þessu verður að sópa í burtu,
hver sem annars ber ábyrgð í mál-
inu,“ segir Bjarni Vestmann sem
hefur vitneskju um fleiri óhöpp
þessu lík frá síðustu dögum. Mik-
ilvægt sé að draga lærdóm af þeim
og bæta úr með því að sópa göt-
urnar og gera aðrar ráðstafanir
sem þurfa kann.
Lenti undir mótorhjólinu
 Rann í sandfláka á fjölförnum gatnamótum  Slapp með
skrámu en mótorhjólið er skemmt  Göturnar þarf að sópa
Mótorhjólamaður Bjarni Vestmann
á Harley Davidson hjólinu sínu.
Magnús Heimir Jónasson
Erla María Markúsdóttir
Eldur kom upp í einangrun á
hitaveitutanki við inngang Perlunnar
á þriðja tímanum í gær. Talið er að
eldsupptök megi rekja til iðnaðar-
manna sem voru að störfum við tank-
inn. Engin slys urðu á fólki og segir
Birgir Finnsson, aðstoðarslökkviliðs-
stjóri á höfuðborgarsvæðinu, að vel
hafi gengið að rýma Perluna. „Það var
töluvert af fólki og strax farið í rým-
ingu. Það gekk allt vel og við fórum í
að koma okkur að eldinum en það tók
okkur töluverðan tíma því hann var
ekki sjáanlegur. Við sáum bara reyk
sem kemur héðan og þaðan en við fór-
um að reyna að brjóta og taka klæðn-
inguna og komast að eldinum,“ segir
Birgir.
Þegar blaðamann Morgunblaðsins
bar að garði um fimmleytið voru
slökkviliðsmenn enn að störfum og tal-
ið var að eldur logaði ennþá í húsinu.
Slökkviliðið var að fást við eldinn bæði
inni í húsinu og fyrir utan en að sögn
slökkviliðsmanna á svæðinu var lögð
áhersla á að berjast við eldinn innan
frá svo hann myndi ekki dreifast um
húsið. Að sögn Birgis var of snemmt
að segja nákvæmlega til um skemmdir
í gær. „Það er mikið tjón og ekki síst af
vatninu sem við höfum þurft að nota til
þess að komast að eldinum.“
Morgunblaðið/Valli
Fjölmennt Allt tiltækt slökkvilið á höfuðborgarsvæðinu var kallað út í gær. Sérsveit Ríkislögreglustjóra var einnig á svæð-
inu og sendi dróna með hitamyndavél yfir svæðið til að gefa slökkviliðinu betri sýn á hvar eld væri að finna í tankinum.
Morgunblaðið/Valli
Tómur tankur Hitaveitutankurinn sem kviknaði í var tómur og því
var hægt að opna dyr og hleypa slökkviliðsmönnum inn í tankinn.
Morgunblaðið/Kristinn Magnússon
Körfubílar Slökkviliðið var með tvo körfubíla að störfum í gær og reyndu slökkviliðsmenn að komast að eldinum sem logaði inni í klæðningunni.
Eldur í Perlunni
 „Það er mikið
tjón,“ segir aðstoð-
arslökkviliðsstjóri