Morgunblaðið - 25.04.2018, Blaðsíða 29
DÆGRADVÖL 29
MORGUNBLAÐIÐ MIÐVIKUDAGUR 25. APRÍL 2018
Stjörnuspá
21. mars - 19. apríl
Hrútur Reyndu að haga málum þannig að
kraftar þínir komi ekki síður öðrum til góða
en sjálfum þér. Reyndu að veita þér það, ef
þú getur.
20. apríl - 20. maí
Naut Það sem maður laðast að og það sem
er manni gott er ekki endilega alltaf það
sama. Klappaðu sjálfum þér á bakið fyrir að
þora að íhuga að snúa baki við því sem þú
þekkir.
21. maí - 20. júní
Tvíburar Sumum finnst þeir þurfa að fegra
hlutina en það á ekki við um þig. Mundu að
enginn er eins heyrnarlaus og sá sem ekki vill
heyra.
21. júní - 22. júlí
Krabbi Samskipti við maka og vini eru nokk-
uð stirð um þessar mundir. Passaðu þig á að
láta ekki fullkomnunaráráttuna þvælast fyrir
mikilvægum ákvörðunum.
23. júlí - 22. ágúst
Ljón Vertu bjartsýnn og láttu vol annarra
engin áhrif á þig hafa. Varastu að gera upp á
milli manna af persónulegum ástæðum.
23. ágúst - 22. sept.
Meyja Þú ert staðráðinn í að leggja mikið á
þig til þess að auka tekjurnar núna. Farðu líka
fram á að fólk skili hlutum sem þú hefur lán-
að því.
23. sept. - 22. okt.
Vog Einhver er tilbúinn til að aðstoða þig við
að gera umbætur á heimilinu eða í einkalíf-
inu. Hafðu fyrirhyggju og góða stjórn á fjár-
málunum.
23. okt. - 21. nóv.
Sporðdreki Þú ert í náðinni hjá samstarfs-
mönnunum og ættir að nota tækifærið til
þess að koma hugmyndum þínum á fram-
færi. Dugnaður þinn gerir þér kleift að koma
miklu í verk.
22. nóv. - 21. des.
Bogmaður Nú skiptir öllu máli að finna réttu
aðferðina til að ná viðunandi árangri. Afskipti
koma reyndar í veg fyrir að fólk skilji það sem
því er ætlað.
22. des. - 19. janúar
Steingeit Þú flækist inn í mál sem á eftir að
valda þér miklu angri. Þú þarft að tala þínu
máli og veist að enginn getur gert það fyrir
þig.
20. jan. - 18. febr.
Vatnsberi Þú býrð yfir miklum fróðleik sem
þú getur miðlað til annarra ef þú ert tilbúinn
til að gefa af sjálfum þér. Treystu á sjálfan
þig.
19. feb. - 20. mars
Fiskar Fólk virðist almennt standa í þeirri trú
í dag að það viti hvað öðrum er fyrir bestu.
Þú gætir komist að leyndarmáli í trúnaðar-
samtali.
Þessi sonnetta Ólafs Stef-ánssonar, –„Vor kemur og
fer“ – lýsir hugrenningum bóndans
hvernig hann upplifir þennan árs-
tíma:
Gengur nú allt í græna endurlifun,
græðast tún og holt af fullum þunga.
Fagnar jörð að fæðist vorið unga,
þó fátt sé nýtt og lífið sífelld klifun.
Enn gægist nálin gegnum sinuflæmið,
gamalt hjólfar þornar upp og ræsist,
vindur suðar, vermir kinn, og æsist
vilji og þor, – en slíkt er kallað væmið.
En hretin bíða í heljarlöngum röðum,
á helgum degi kemur oft það fyrsta.
Kólguhryðjur kynna sig og byrsta,
kæfir snjó í for á vegi’ og hlöðum.
Svo birtir til með blíða sumardaga,
og „bannsett vorið“ orðið gömul saga.
Hreinn Þorkelsson yrkir á
Boðnarmiði þessa stöku með „lif-
andi“ mynd sem skýrir stökuna og
gerir hana „lifandi“:
Ennþá er súgurinn í ‘onum
eygló í bæjarferð
himinn í skjóli af skýjunum
skríkjandi söngfuglamergð.
Viðar Konráðsson áttar sig á,
hvað síðan tekur við:
Elskendur innbrenndra hama
til uppgjafar virðast mér knúðir.
Súgurinn er við það sama
og sólin er farin í búðir!
Sigurður Ingimundarson Eng-
landsfari orti:
Út er runnin æskan blíð;
ellin gerir mig þungan.
Aftur kemur kærri tíð;
Kristur gerir mig ungan.
Jónas í Hróarsdal í Skagafirði
orti, – vafalaust í vorharðindum:
Bágt á ég með barnakind
bjargarvana í hreysi.
Sendu, Drottinn, sunnanvind
svo að vötnin leysi.
Ekki er þetta falleg mannlýsing
hjá Árna Óla:
Stóðu öll vopn á verjum manns
vóðu að svipir fornir;
glóðum elds að höfði hans
hlóðu refsinornir.
Að lokum eftir Þorstein tól Giss-
urarson:
Að kveða lof um látinn mann
linar í mér kátínu.
Lítils met ég þvætting þann
þó hann sé á látínu.
Halldór Blöndal
halldorblondal@simnet.is
Vísnahorn
Saga ný verður gömul
„ÓKEI… EN HVER ERU
LANGTÍMAMARKMIÐ ÞÍN?“
„ÞETTA ER EKKI KARTÖFLUMÚS, FRÖNSKU
KARTÖFLURNAR DUTTU Á GÓLFIÐ.“
Ferdinand
Hrólfur hræðilegi
Grettir
... biðarinnar virði!
Í klípu eftir Mike Baldwin eftir Jim UngerHermann
JÁ, EN HANN GETUR
JAFNAÐ SIG!
SÁ VINNUR SEM VINNUR FYRST TVO AF
ÞREMUR!
GRETTIR, MIG ER AÐ DREYMA
ÞENNAN DRAUM AFTUR
ÞAÐ ER DRAUMURINN ÞAR SEM
ÉG ER LÆSTUR ÚTI BUXNALAUS
MIG ER AÐ
DREYMA, ER
ÞA Ð EKKI?
NÚ KEMUR
BESTI
PARTURINN
VAR HUNANG AÐ SÆRA
TILFINNINGAR VINAR
SÍNS?
Það vakti athygli þegar kvennaliðKR í körfubolta fór í gegnum
keppnistímabilið í vetur, 30 við-
ureignir, án þess að tapa leik. Liðið
vann alla 24 leiki deildarkeppninnar í
fyrstu deild og sló út báða andstæð-
inga sína í úrslitakeppninni um sæti í
efstu deild í sex leikjum. Liðið féll þó
út í bikarnum og var því ekki með öllu
taplaust.
x x x
Víkverji velti fyrir sér hvort þettaværi einsdæmi og komst að því
að svo er ekki. Gísli Georgsson, fyrr-
verandi formaður stjórnar körfu-
knattleiksdeildar KR, er með fróðari
mönnum um körfubolta á Íslandi.
Hann hefur farið yfir undanfarna
fjóra áratugi og orðið margs vísari.
x x x
1961 vann KR alla sína leiki á Ís-landsmótinu og tryggði sér sinn
fyrsta titil. Reyndar var aðeins leik-
inn einn leikur. Hann var við Ár-
mann. Í Ármannsliðinu voru hand-
boltakonur, en leikmenn KR æfðu
körfubolta og sigruðu 28:11.
x x x
Öllu meira er að marka tímabilið1998-99. Liðið sigraði þá í öllum
leikjum sínum í deildinni, 20 alls, og
varð deildarmeistari. Í undan-
úrslitum sló liðið Grindavík út í tveim-
ur leikjum og fagnaði svo Íslands-
meistaratitli eftir að hafa sigrað
Keflavík 3:0. Liðið varð einnig bik-
armeistari (þrír leikir) og vann alla
fjóra leiki sína í Reykjavíkurmótinu.
KR vann sem sagt alla 32 leiki tíma-
bilsins.
x x x
Árið 1983 vann KR bæði deild ogbikar með fullu húsi. Keflavík
vann deildina með fullu húsi árið
1997, 18 leiki, en féll síðan út í úr-
slitakeppninni fyrir Grindavík. Segir
Gísli ótrúlegt að kvennalið Keflavíkur
hafi aldrei klárað deildina með fullu
húsi nema í þetta eina sinn þrátt fyrir
alla titlana síðustu 25 árin.
x x x
Gísli er ekki með upplýsingar fyrirárin 1955-77, en þar sem þá hafi
frekar fá lið verið um hituna sé mjög
líklegt að lið hafi unnið með fullu húsi.
vikverji@mbl.is
Víkverji
Enginn er sem þú, Drottinn. Voldugur
ert þú og mikill er máttur nafns þíns.
(Jeremía 10.6)
Bæjarlind 2, 201 Kópavogur | SÍMI 577-4700 | bilalindin.is
Svampþvottastöð
Afkastamikil sjálfvirk
þvottastöð sem getur þvegið
allt að 50 bíla á klukkustund.
Opið virka daga kl. 8 -19
helgar kl. 10 – 18.