Morgunblaðið - Sunnudagur - 29.04.2018, Blaðsíða 4

4 MORGUNBLAÐIÐ SUNNUDAGUR 29.4. 2018
Hljóðvist bætt og umhverfið fegrað
Grjótkörfuveggur sem reisturhefur verið milli Lönguhlíð-ar og Rauðarárstígs í
Reykjavík hefur breytt götumynd
Miklubrautarinnar talsvert. Spurður
um tilgang veggjarins vísar Þor-
steinn Rúnar Hermannsson, sam-
göngustjóri Reykjavíkurborgar, í
svar umferðarsérfræðinga borg-
arinnar við fyrirspurn á vefsíðu borg-
arinnar. Þar segir meðal annars:
„Það er gert til að bæta hljóðvist
og auka umhverfisgæði íbúa við
Miklubraut og fyrir þá sem nota úti-
vistarsvæðið á Klambratúni. Vegg-
urinn við Klambratún bætir einnig
öryggi gangandi og hjólandi vegfar-
enda. Verkefnið er samstarfsverkefni
Reykjavíkurborgar og Vegagerð-
arinnar og Vegagerðin gerir þá kröfu
að leitast sé við að hindra að gang-
andi vegfarendur geti farið yfir
Miklubraut við Klambratún nema á
gangbrautarljósum við Reykjahlíð. Í
dag er umferð gangandi vegfarenda
yfir götuna hindruð með vegriðum og
girðingu á miðeyju. Við hönnun stóð
því valið á milli þess að hafa vegrið og
girðingu á miðeyju eða lága veggi sitt
hvorum megin götunnar.“
Að beiðni íbúa
Á vefsíðu borgarinnar kemur einnig
fram að á skipulagsstigi og við und-
irbúning framkvæmdar hafi ítrekað
komið fram beiðnir íbúa og hverfis-
ráðs Hlíða um að samhliða uppbygg-
ingu strætóreinar yrði hljóðvist bætt
og umhverfið fegrað með meiri
gróðri. Að norðanverðu er grjótvegg-
urinn 1,3-1,5 m yfir akbraut en að há-
marki um 1,2 m yfir hæð hjóla- og
göngustíga. Að sunnanverðu verður
steyptur veggur sem verður um 1,0-
1,2 metra hár. Þeir sem þarna fara
um gangandi og hjólandi munu því
sjá vel yfir veggina. Á sunnanverðu
Klambratúni eru m.a. leikvöllur og
körfuboltavöllur og er fullyrt að
veggurinn við Klambratún muni
bæta hljóðvist á túninu.
Einnig kemur fram að við hönnun
á umhverfinu hafi sérstaklega verið
hugað að auknu öryggi gangandi og
hjólandi vegfarenda og bættri að-
stöðu fyrir þá. Sérfræðingar sem
unnið hafa að verkefninu munu ekki
hafa talið ástæðu til að setja upp
vegrið til að varna því að bílar aki á
veggi norðan eða sunnan götunnar.
„Um er að ræða götu í grónu borg-
arhverfi með mikilli umferð og tak-
mörkuðum hraða og aðstæður því
aðrar en á vegum þar sem vegrið eru
almennt í notkun. Ljósastaurar, sem
nú standa í götukanti, verða aftan við
veggi,“ segir í svari við fyrirspurn á
vefsíðu borgarinnar sem samgöngu-
stjóri vísaði til.
Hagkvæm framkvæmd
Skilyrt var í deiliskipulagi að hljóð-
verja aðliggjandi svæði, bæði íbúða-
byggðina að sunnanverðu, garðinn og
stígana að norðanverðu. Að sögn
Þráins Haukssonar, landslags-
arkitekts hjá Landslagi, sem kom að
verkefninu, voru nokkrir kostir í
stöðunni, til dæmis að hlaða vegg eða
hafa hann úr steypu eða timbri. „Nið-
urstaða ráðgjafa og verkkaupa var að
gera þetta með þessum hætti. Líka
hefði komið til greina að hlaða vegg,
eins og við þekkjum í kringum Þjóð-
arbókhlöðuna. Þetta er hins vegar
mun hagkvæmari framkvæmd sem
talin er skila sama árangri og endast
jafnvel lengur. Þess utan gleypir
grjótkarfan hljóð betur en til dæmis
sléttur steyptur veggur sem speglar
hljóðið meira.“
Þráinn segir menn líka hafa haft í
huga að stækka Klambratúnið í átt-
ina að Miklubraut svo fólk hjóli og
gangi í jaðri garðsins og sé um leið í
vari fyrir akandi umferð. „Fólk losn-
ar við hljóðið en sér samt yfir vegg-
inn. Þannig að ferðalagið ætti að
verða yndislegra en áður.“
Efnið er bögglaberg og ber Þráinn
lof á verktakann sem hafi nostrað við
framkvæmdina; hlaðið grjótinu vand-
lega í körfurnar í stað þess að hrúga
því inn, eins og stundum tíðkast. „Að
mínu mati er þetta mjög vel gert og
setur ný viðmið í svona frágangi.“
Einnig var lögð áhersla á að hafa
yfirbragðið eins grænt og kostur er
og Þráinn bendir á, að eftir sé að
ganga frá beðum og gróðri á svæðinu
sem komi til með að breyta heildar-
svipnum heilmikið. „Áherslan í því
sambandi er á borgarumhverfi en
ekki hraðbrautarumhverfi,“ segir
hann en þess má geta að rannsóknir
hafa sýnt að með því að þrengja sjón-
svið ökumanna, t.d. með gróðri og
lágum veggjum eins og þarna er gert,
dregur úr hraða bílaumferðar.
Þráinn á fastlega von á því að
grjótkörfuveggir verði notaðir
meira í náinni framtíð enda hafi
lausnin gefið góða raun víða er-
lendis og ekki bara í gatnaum-
hverfinu.
Vinna við fram-
kvæmdina er langt
komin og eru verklok
áætluð í júní næst-
komandi.
Grjótkörfuveggurinn setur
sterkan svip á Miklubraut-
ina við Klambratún.
Morgunblaðið/Kristinn Magnússon
Grjótkörfuveggurinn á Miklubrautinni hefur þann tilgang að bæta hljóðvist og auka umhverfisgæði íbúa við götuna og fyrir þá sem
nota útivistarsvæðið á Klambratúni. Veggurinn við Klambratún er einnig sagður bæta öryggi gangandi og hjólandi vegfarenda.
Ekki er gert ráð fyrir því að um-
ferð um þennan vegarkafla auk-
ist vegna breytinganna. Fjöldi
einkabíla sem aka um kaflann
takmarkist af afkastagetu
gatnamóta Miklubrautar og
Lönguhlíðar. Þar verða ekki
gerðar breytingar og því ekki
verið að stuðla að aukinni bíla-
umferð. Tekið er fram að með
tilkomu strætóakreinarinnar
þurfi að láta græna ljósið lifa
lengur og lengja rýmingartíma
gangandi á gönguljósum við
Reykjahlíð en það dregur úr af-
köstum götunnar vegna um-
ferðar bíla á þeim stað.
Ekki er heldur áætlað að um-
ferðarhraði komi til með að
aukast vegna framkvæmdanna.
Við hönnun götunnar var þvert
á móti hugað að því að draga úr
umferðarhraða frá því sem nú
er. Gróður verður á miðeyju og
einnig beggja vegna götunnar
og vegrið og girðing á miðeyju
hverfa. Eins verða sett upp
hraðaskilti sem mæla og sýna
hraða bíla sem eru að aka inn á
kaflann og aðvara ökumenn.
Umferð eykst ekki
Nú er unnið að uppsetningu
grjótkörfuveggja og hljóð-
mana við Rauðagerði og segir
Þorsteinn Rúnar Her-
mannsson, samgöngustjóri
Reykjavíkurborgar, sömu rök-
semdir gilda um þá fram-
kvæmd og framkvæmdina við
Klambratún. Þar eru grjót-
hleðsluveggirnir þó felldir inn
í hefðbundnari jarðvegsmön.
Gerð verður strætórein á
austurakbraut Miklubraut-
ar við Rauðagerði. Einnig
verður gerður hjóla- og
göngustígur á svæðinu
og hljóðmön með
gróðri verður sett
milli götu og stíga.
Framkvæmdir við grjótkörfuvegg
standa nú yfir við Rauðagerði.
Morgunblaðið/Kristinn Magnússon
Líka við
Rauðagerði
Þráinn
Hauksson
’
Til að styrkja yfirbragð Miklubrautar sem borgargötu mætti
gróðursetja krónutré með reglulegu millibili á miðeyju göt-
unnar. Mikilvægt er að huga að frágangi slíkrar framkvæmdar til
að verja trén gagnvart snjómokstri, saltaustri og slætti.
Úr samþykktu deiliskipulagi.
INNLENT
ORRI PÁLL ORMARSSON
orri@mbl.is