Morgunblaðið - 04.05.2018, Blaðsíða 4

4 FRÉTTIRInnlent
MORGUNBLAÐIÐ FÖSTUDAGUR 4. MAÍ 2018
Sterkir í stálinu
Skipastál • Lunningajárn • Bakjárn
Kælirör • Fíber- og galvanhúðaðar ristar
Svört- og ryðfrí rör og fittings
Ál • Ryðfrítt stál • PVC plötur
POM öxlar • PE plötur
Lokar af ýmsum gerðum
Opið virka daga kl. 8-17
Skútuvogi 4, Rvk
Rauðhellu 2, Hafnarfirði
Sími 568 6844 | ga@ga.is | ga.is
Peysufatadagur Verzlunarskólans var haldinn í
gær. Eftir hátíðlega dagskrá í Bláa sal skólans
var farið í rútu niður í miðbæ Reykjavíkur þar
sem nemendur gengu niður Laugaveginn og
stigu svo prúðbúnir léttan dans á Ingólfstorgi.
Stúlkurnar voru í þjóðlegum peysufötum eða
upphlut og ekkert vantar upp á gleðina á þessari
skemmtilegu mynd af viðburðinum, þrátt fyrir
heldur napurt vorveður í Reykjavík í gær.
Peysufatadagur Verzlunarskólans var haldinn hátíðlegur í gær
Prúðbúnir verzlingar stigu léttan dans
Morgunblaðið/Kristinn Magnússon
Helgi Bjarnason
helgi@mbl.is
Atvinnuvegaráðuneytið stefnir að
því að breyta útreikningi á tollkvóta
fyrir innflutt kjöt þannig að innflutn-
ingur á hreinum vöðvum og beikon-
efni verði reiknaður sem kjöt með
beini, til samræmis við verklag Evr-
ópusambandsins. Það þýðir að toll-
kvótinn nýtist verr en eftir fyrri út-
reikningsreglum og þriðjungi minna
verður flutt inn án tolla en annars
hefði orðið.
Breytingar hafnar
Formaður Bændasamtaka Íslands
hefur gagnrýnt stjórnvöld fyrir að
grípa ekki til neinna mótvægisað-
gerða vegna tollasamnings Íslands
og Evrópusambandsins sem hefur
tekið gildi og opnar fyrir stóraukinn
tollfrjálsan innflutning á búvörum,
einkum kjöti og ostum.
Starfshópur sem landbúnaðarráð-
herra skipaði lagði til ýmsar aðgerð-
ir, sérstaklega til að bæta hag svína-
og kjúklingabænda sem taldir eru
verða fyrir mestum áhrifum breyt-
inganna.
Atvinnuvegaráðuneytið hefur
svarað ásökunum formanns Bænda-
samtakanna. Í tilkynningu kemur
fram að tvær tillögur séu þegar
komnar til framkvæmda og tvær til
viðbótar langt komnar en ekki hafi
verið tekin afstaða til fjögurra.
Lendir á neytendum
Ráðuneytið lýsir því yfir að til
framkvæmda sé komið að auglýsa
tollkvóta tvisvar á ári en það var um
tíma gert einu sinni á ári. Um árabil
var tollkvótunum úthlutað oftar.
Starfshópur ráðuneytisins lagði til
að það yrði gert fjórum sinnum á ári
til þess að jafna innflutninginn yfir
árið.
Samtök atvinnurekenda hafa bar-
ist á móti því að fjölga útboðum toll-
kvóta. Ástæðan er sú að erfiðara er
fyrir innflytjendur að skipuleggja
innflutning og birgðahald. Það muni
bitna á fyrirsjáanleika í rekstri og af-
hendingaröryggi gagnvart verslun-
um og veitingastöðum. Styttra tíma-
bil auki hættu á að kvótar fullnýtist
ekki og magn sem greitt er fyrir
fyrnist. Þá hafi tíð útboð í för með
sér meira umstang og kostnað fyrir
innflytjendur og hærra verð á toll-
kvótum. Það muni koma fram í end-
anlegu verði til neytenda.
800 milljónir fyrir tollkvóta
Ólafur Stephensen, framkvæmda-
stjóri SA, bendir á að innflytjendur
muni greiða í ríkissjóð 820 milljónir
króna fyrir tollfrjálsan innflutning á
búvörum í ár. Þeir hafi greitt 420
milljónir fyrir kvótann í ársbyrjun,
vegna fyrri tollasamninga og 400 til
viðbótar við úthlutun aukins toll-
frjáls innflutnings fyrir síðustu 8
mánuði ársins. Í blaðinu í gær mis-
ritaðist að greiddar yrðu 500 millj-
ónir fyrir viðbótartollkvótann.
Breyta útreikningi tollkvóta á kjöti
Morgunblaðið/Eggert
Nautakjöt Hreinir vöðvar verða framvegis umreiknaðir í kjöt með beini.
 Atvinnuvegaráðuneytið vinnur að framkvæmd tillagna um mótvægisaðgerðir vegna aukins innflutn-
ings í kjölfar tollasamnings við ESB  Innflytjendur mótmæla tíðari auglýsingum tollkvóta
Mótvægi
» Ráðuneytið er farið að út-
hluta tollkvótum tvisvar á ári.
Þá hefur verið heimilað að nota
hluta fjárfestingarstyrkja í
svínarækt til úreldingar svína-
búa.
» Langt komnar í vinnslu eru
tillögur um að magn tollkvóta
við innflutning verði miðað við
ígildi kjöts með beini og unnið
er að upplýsingagjöf og fleiru
varðandi lyfjanotkun og heil-
brigðiskröfur til innfluttra af-
urða.
Umferð á höfuðborgarsvæðinu jókst
um 4,3% í apríl síðastliðnum, skv.
upplýsingum Vegagerðarinnar, en
aukningin frá áramótum nemur 3,4%
sem er tæplega þrefalt minni vöxtur
en á sama tíma á síðasta ári. Ekki
hefur mælst meiri umferð í apríl-
mánuði frá upphafi samantektar
Vegagerðarinnar og nú hefur umferð
í apríl aukist um 2,5% að jafnaði frá
árinu 2005.
Umferðaraukning á milli apríl-
mánaðar á síðasta ári og nú var eins
og áður sagði 4,3%, en þó komu fram
nokkrar sveiflur á milli teljara. Mæli-
snið ofan Ártúnsbrekku sýndi 9,2%
samdrátt en mælisnið á Reykjanes-
braut við Dalveg 15,2% aukningu og
því er ekki hægt að útiloka bilun í
búnaði, að mati Vegagerðarinnar.
Umferð jókst á öllum virkum dög-
um í apríl, mest á föstudögum. Á
sunnudögum dróst umferð saman
um 5%. Reiknað er með þriggja til
fjögurra prósenta umferðaraukn-
ingu á höfuðborgarsvæðinu út árið,
sem er mun hóflegri aukning en sl. 3
ár.
Aldrei meiri umferð í apríl
 Þrefalt minni
aukning á höfuð-
borgarsvæðinu
Morgunblaðið/Kristinn Magnússon
Umferð Reiknað er með 3 til 4 prósenta umferðaraukningu út árið á höfuð-
borgarsvæðinu, sem er mun minni aukning en síðastliðin þrjú ár.
Nýju togararnir Páll Pálsson ÍS og
Breki VE sigla nú hraðbyri norður
Atlantshafið og eru væntanlegir til
heimahafna um helgina. Systur-
skipin voru smíðuð í Kína og lögðu
af stað frá borginni Shidaho í
Rongcheng-héraði 22. mars síðast-
liðinn. Togararnir fylgdust að frá
Kína til Möltu en þá skildi leiðir og
er Páll tæpum sólarhring á undan
Breka. Heimsiglingin hefur gengið
mjög vel til þessa.
Von er á Páli Pálssyni il Ísafjarð-
ar síðdegis á laugardag eða að
morgni sunnudags. Laugardaginn
19. maí verður formleg móttöku-
athöfn þar sem skipinu verður gef-
ið nafn, það blessað og sýnt almenn-
ingi.
Gert er ráð fyrir að Breki komi
til heimahafnar í Vestmannaeyjum
fyrir hádegi á sunnudag. Skipið
verður sýnt almenningi síðdegis, en
formleg nafngiftarafhöfn verður í
Vestmannaeyjahöfn föstudaginn 1.
júní. Þá verður nýja frystigeymslan
á Eiði jafnframt opin almenningi.
Nýju togararnir
heim um helgina