Morgunblaðið - 04.05.2018, Page 14

14 FRÉTTIRInnlent
MORGUNBLAÐIÐ FÖSTUDAGUR 4. MAÍ 2018
Björn Björnsson
bgbb@simnet.is
„Þið eruð fyrirmyndir og aukið hróður
félags ykkar og héraðsins alls,“ sagði
Þórólfur Gíslason, kaupfélagsstjóri
Kaupfélags Skagfirðinga (KS), m.a. í
ávarpi sínu í kaffisamsæti sl. fimmtu-
dag sem haldið var til heiðurs körfu-
knattleiksliði Tindastóls sem varð bik-
armeistari karla í vetur og hafnaði í
öðru sæti á Íslandsmótinu, eftir harða
úrslitaviðureign við KR. Er þetta besti
árangur félagsins í íþróttinni til þessa.
Óskaði Þórólfur leikmönnum til
hamingju með glæsilegan árangur á
leiktíðinni og tilkynnti jafnfram um
þriggja milljóna króna styrk til körfu-
knattleiksdeildarinnar.
Leikmenn voru viðstaddir athöfn-
ina, stjórnarmenn Tindastóls, sveit-
arstjórnarmenn og fleiri gestir.
Sagði Þórólfur að árangur afreks-
manna í liðinu varpaði björtu ljósi á
Skagafjörð og allt mannlíf svæðisins,
enda framkoma liðsins og leikgleði
hvarvetna til fyrirmyndar. Frú Inga
Valdís Tómasdóttir, ekkja Helga
Rafns Traustasonar, fyrrverandi
kaupfélagsstjóra, afhenti styrkinn, en
Helgi Rafn var einn helsti frumkvöðull
að því að kynna körfubolta fyrir Skag-
firðingum á sínum tíma. Það var svo
nafni hans, dóttursonur og fyrirliði
Tindastóls, Helgi Rafn Viggósson, sem
veitti viðurkenningunni viðtöku ásamt
Birni Hansen, fjármálastjóra körfu-
boltadeildarinnar. Þeir fluttu stutt
ávörp og þökkuðu þann frábæra
stuðning sem hér kæmi fram, en ekki
síður mikinn stuðning alls samfélags-
ins sem í kringum félagið stæði.
Þá tók einnig til máls Bjarni Mar-
onsson, stjórnarformaður KS, og flutti
félaginu heillaóskir og þakkir og sló á
létta strengi með tilvitnunum til nútíð-
ar og fortíðar.
Morgunblaðið/Björn Björnsson
Körfubolti Helgi Rafn Viggósson, fyrirliði Tindastóls, tók til máls og þakkaði kaupfélaginu fyrir styrkinn góða.
„Þið eruð fyrirmyndir“
 Körfuboltalið Tindastóls fékk þriggja milljóna króna
styrk frá Kaupfélagi Skagfirðinga fyrir góðan árangur
Styrkur Helgi Rafn og Björn Hansen tóku við styrknum úr hendi ömmu
Helga, Ingu Valdísar Tómasdóttur. Þórólfur Gíslason kaupfélagsstjóri og
Bjarni Maronsson, stjórnarformaður KS, eru í bakgrunni.
Sérstök fluguhnýtingakeppni, Iron
Fly, verður á Sóloni Bistro í Banka-
stræti í Reykjavík annað kvöld.
Keppnin á uppruna sinn að rekja
til Bandaríkjanna og var kynnt hér-
lendis á íslensku fluguveiðisýning-
unni í Háskólabíói í mars sem leið.
Kristján Páll Rafnsson, fram-
kvæmdastjóri Fish Partner, sem
stendur að keppninni, segir að til-
gangur hennar sé að fá veiðimenn
saman og sýna fólki að fluguveiði sé
ekki snobb ríkra manna heldur
heppileg fyrir allan almenning.
Mikil dagskrá verður í boði frá
klukkan 20, þar sem keppni 12 ein-
staklinga verður hápunkturinn. Auk
þess verður sérstök kastkeppni og
góð verðlaun í boði. „Þetta er fyrir
alla áhugamenn um veiði, jafnt byrj-
endur sem þá sem lengra eru komn-
ir,“ segir Kristján. steinthor@mbl.is
Fluguhnýtinga-
keppni á Sóloni
Fluguhnýtingar Frá keppninni í Háskólabíói í mars sem leið.
Svandís Svavarsdóttir heilbrigðis-
ráðherra segir að ótækt sé að það
taki jafn langan tíma og raun ber
vitni að semja við ljósmæður. Hún
segist styðja ljóðsmæður í kjarabar-
áttu þeirra. Ráðherrann lét þessi um-
mæli falla í utandagskrárumræðum
um kjör ljósmæðra á Alþingi í gær.
Guðjón S. Brjánsson, þingmaður
Samfylkingarinnar, sem var máls-
hefjandi í umræðunum, spurði ráð-
herra „hvort við séum enn að fá stað-
fest að sú mismunun sem við horfum
upp á sé vegna kerfislægs kynjamis-
réttis?“ Hann sagði að það væri
„raunalegt að upplifa þetta hróplega
óréttlæti þegar horft væri til saman-
burðarhópa úr háskólasamfélaginu.“
Þingmaðurinn spurði hvort það
myndi kannski liðka fyrir lausn „að
þær skiptu um nafn og nefndu sig
fæðingartæknifræðinga eða fæðing-
arfræðinga?“ eins og hann komst að
orði.
Guðjón biðlaði til ráðherra að
grípa inn í kjaradeilu ljósmæðra og
skoraði síðan á ráðherra „að leggjast
á árarnar og bregðast ekki ljósmæðr-
um“.
Ekki hjá heilbrigðisráðherra
Svandís sagði að kjaraviðræðurn-
ar heyrðu ekki undir hana þar sem
þær væru á borði fjármála- og efna-
hagsráðuneytisins. Hún sagðist hafa
beitt sér í sambandi við samninga við
sjálfstætt starfandi ljósmæður í
heimaþjónustu og hefðu þeir samn-
ingar náðst, en sú starfsemi heyrir
undir valdsvið heilbrigðisráðuneytis-
ins.
Svandís sagði það ekki á dagskrá
að ráðherrar gripu inn í kjaradeilu
ljósmæðra og að samninganefnd rík-
isins hefði fullt umboð til þess að
semja innan þeirrar launastefnu sem
fyrir lægi. Hún bætti því þó við að
það væri hennar afstaða að „þegar
hnúturinn er orðinn svo harður eins
og raun ber vitni hér þá þarf að hugsa
út fyrir boxið“.
Heilbrigðisráðherra sagði ábyrgð
stjórnvalda mikla í sambandi við
launakjör kvennastétta og sagði
verkalýðshreyfinguna þurfa að leggj-
ast á árar með stjórnvöldum sem og
atvinnulífið til þess að skapa sátt um
launakjör stórra kvennastétta.
Vill hugsa út
fyrir boxið
 Heilbrigðisráðherra segir ótækt hve
langan tíma taki að semja við ljósmæður
Svandís
Svavarsdóttir
Guðjón S.
Brjánsson
Norðlendingar munu áfram geta
flogið frá Akureyri í morgunsárið
og lent við Leifsstöð nógu tíman-
lega til að fljúga þaðan beint út í
heim. Frá þessu er greint á ferða-
vefnum Túristi.is. Forsvarsmenn
Air Iceland Connect höfðu áður til-
kynnt að fluginu yrði hætt nú í vor,
en forsvarsmenn flugfélagsins hafa
hins vegar nú breytt þeirri ákvörð-
un sinni og hyggjast aðeins gera hlé
á fluginu yfir sumarmánuðina.
Verða fyrstu ferðir vetrarins farn-
ar strax í byrjun október, í
tengslum við Vestnorden-
ferðakaupstefnuna, og flogið verð-
ur fjórum sinnum í viku. Sem fyrr
er flugáætlunin byggð upp í kring-
um morgunflugið frá Keflavíkur-
flugvelli og því er brottför frá
Akureyri árla dags. Flogið verður
síðan aftur norður seinni partinn.
Tengiflugi haldið áfram til Keflavíkur