Morgunblaðið - 04.05.2018, Page 44

FÖSTUDAGUR 4. MAÍ 124. DAGUR ÁRSINS 2018
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 608 KR. ÁSKRIFT 6.597 KR. HELGARÁSKRIFT 4.119 KR. PDF Á MBL.IS 5.851 KR. I-PAD ÁSKRIFT 5.851 KR.
1. Gerði risagat á torfvegg og ók burt
2. Ólafía Þórunn opnar sig
3. Hótelið sífellt dýrara
4. Munaði engu að illa færi
»MEST LESIÐ Á mbl.is
FÓLK Í FRÉTTUM
 Sendiráð Bandaríkjanna og Lista-
safn Íslands bjóða til tónleika með
bandaríska blásarakvintettinum
Winds Aloft í Listasafni Íslands í dag
kl. 12. Winds Aloft-kvintettinn er virt-
asti hluti United States Air Forces in
Europe Band (USAFE), hljómsveitar
bandaríska flughersins í Evrópu, og
var stofnaður árið 1955. Winds Aloft
er vanalega í Ramstein-flugherstöð-
inni í Þýskalandi og efnisskrá sveit-
arinnar er fjölbreytt.
Bandarískir blásarar
í Listasafni Íslands
 Gestavinnustofur ArtsIceland á
Ísafirði, í samstarfi við Tónlistar-
skóla Ísafjarðar, bjóða til síðdegis-
tónleika í Hömrum með þýsku tón-
listarkonunni Ulrike Haage í dag kl.
17. Haage mun spila brot úr verk-
um sínum, bæði verkum sem
hún hefur unnið að á
Ísafirði, sem og brot
úr kvikmyndatónlist
sinni. Haage hefur
unnið til þýsku
djassverð-
launanna og ver-
ið verðlaunuð
fyrir kvikmynda-
tónlist sína.
Haage í Hömrum
 Guðmundur
Oddur Magn-
ússon, Goddur,
heldur fyrirlestur
í Ljósmyndasafni
Reykjavíkur í dag
kl. 12:10. Goddur
er rannsóknar-
prófessor við
Listaháskóla ís-
lands og mun
hann fjalla um orðræðu mynda og
myndmáls í tengslum við sýningu
safnsins Þessi eyja jörðin.
Orðræða listsýninga
Á laugardag Suðvestan og vestan 8-13 m/s, en 10-15 sunnan-
lands. Þurrt og bjart um landið norðaustanvert, en él í öðrum
landshlutum. Hiti 1 til 7 stig að deginum, hlýjast norðaustantil.
SPÁ KL. 12.00 Í DAG Suðvestan 10-15 m/s og él, en þurrt og bjart
norðaustan- og austanlands. Sunnan og suðvestan 13-18 eftir há-
degi og bætir í élin. Hiti 1 til 8 stig, hlýjast á Austurlandi.
VEÐUR
Fyrsti leikur sumarsins í
Pepsi-deild kvenna í knatt-
spyrnu fór fram í stórhríð á
Samsung-velli Stjörnunnar í
Garðabænum við slæmar
aðstæður þar sem Breiða-
blik skellti Stjörnunni 6:2.
Frábær byrjun Blika á Ís-
landsmótinu en að loknum
fyrri hálfleik var staðan 2:1
og Kópavogsbúar gerðu því
fjögur mörk í síðari hálfleik.
Berglind Björg Þorvalds-
dóttir gerði þrennu. »2
Blikar skoruðu
sex í Garðabæ
Arsene Wenger mun ekki ná að
kveðja Arsenal með bikar á sínu síð-
asta tímabili sem knattspyrnustjóri
enska liðsins. Arsenal tapaði í gær
fyrir Atletico Madrid 1:0 í Madríd í
undanúrslitum Evrópudeildarinnar.
Atletico leikur til úrslita í keppninni
gegn franska liðinu
Marseille. Frakk-
arnir slógu út Salz-
burg í Austurríki en
þar þurfti fram-
lengingu til að
knýja fram úrslit.
»1
Wenger nær ekki að
kveðja með titli
Eyjamenn eru komnir í afar góða
stöðu gegn Haukum í undanúrslitum
Íslandsmóts karla í handknattleik
eftir sigur, 25:22, á Ásvöllum í Hafn-
arfirði í gær. Um var að ræða annan
leik liðanna og er ÍBV 2:0 yfir í rimm-
unni en vinna þarf þrjá leiki til að
komast í úrslitarimmuna. Næsti leik-
ur verður í Vestmannaeyjum næsta
laugardag. »3
Eyjamenn í góðri stöðu
gegn Haukum
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
Valsmenn eru ekki aðeins liprir í fót-
um og höndum heldur hafa þeir
haldið úti Valskórnum í aldarfjórð-
ung og halda 25 ára afmælistónleika
í Háteigskirkju á sunnudaginn kem-
ur. Vegna tímamótanna leikur
Lúðrasveit Reykjavíkur nokkur lög
með kórnum á tónleikunum, sem
hefjast klukkan 16.
Dýri Guðmundsson, fyrrverandi
leikmaður Vals, átti hugmyndina að
stofnun kórsins og gekk í málið með
Stefáni Halldórssyni. Markmiðið var
að gefa áhugamönnum um kórsöng
kost á að æfa og syngja saman einu
sinni í viku undir stjórn góðs söng-
stjóra og fengu þeir Gylfa Gunnars-
son tónlistarkennara fyrst í verkið,
en Stefán hafði umsjón með kór-
starfinu. Ólafur Már Sigurðsson og
Óttar Felix Hauksson, liðsmenn
Valsbandsins, gengu þegar í kórinn
og svo var um fleiri góða söngmenn.
Georg Páll Skúlason er núverandi
formaður kórsins. Kórinn er bland-
aður og eru konurnar aðeins fleiri af
ríflega 30 söngvurum. Nokkrir hafa
verið með frá byrjun, þar á meðal
Guðmundur Frímannsson og Þór-
arinn Valgeirsson, en Halldór Ein-
arsson hefur líka verið lengi að. „Ég
var með rekstur úti í Úkraínu þegar
kórinn var stofnaður haustið 1993 en
gekk í hann um leið og ég kom
heim,“ segir Halldór.
Mikil dagskrá
Valskórinn æfir í Friðrikskapellu
á Valssvæðinu á Hlíðarenda einu
sinni í viku. Aðventutónleikar, jóla-
tónleikar og vortónleikar eru fastir
liðir í starfinu en auk þess kemur
hann fram við ýmis tækifæri, hefur
einu sinni farið í tónleikaferð til út-
landa og fer fljótlega í aðra ferð. Í
vetur söng kórinn til dæmis með
Fóstbræðrum og KFUM-kórnum á
aðventunni, hélt tónleika með Bar-
tónum og Lúðrasveit Reykjavíkur í
Hörpu fyrir skömmu og með eldri
félögum í Karlakór Reykjavíkur um
nýliðna helgi. Fjósið á Hlíðarenda
hefur verið gert upp sem félags-
heimili. Það verður formlega opnað
25. maí og þá syngja Valskórinn og
Fóstbræður.
Fótbolti og söngur
„Við mættum írska liðinu Glentor-
an í Belfast í Evrópukeppninni 1977
og ég hef síðan haldið góðu sam-
bandi við forsvarsmenn félagsins
lengst af,“ segir Halldór um aðdrag-
anda ferðarinnar til Belfast á 20 ára
afmælisári kórsins. „Írarnir sáu um
allan undirbúning og var ferðin afar
vel heppnuð, svo vel heppnuð að Ír-
arnir báðu okkur að koma sem fyrst
aftur. Félagar okkar, sem eru í mun
þekktari kórum, hafa ferðast víða og
hafa ekki sömu sögu að segja!“
Í upphafi var lagt upp með að vera
með fjölbreytta efnisskrá, íslensk og
erlend dægurlög, ættjarðarlög og
þjóðlög, og aðra tónlist sem kór-
félagar hefðu áhuga á, og á tónleik-
unum á sunnudag verða flutt lög eft-
ir íslenska og erlenda höfunda,
meðal annars lög úr kvikmyndum,
söngleikjum og syrpa af þekktum
lögum eftir Paul Simon. Kórstjóri er
Bára Grímsdóttir, Marta Kristín
Friðriksdóttir syngur einsöng og
Sigurður Helgi Oddsson leikur á pí-
anó.
Miðasala verður við innganginn
og frítt fyrir 12 ára og yngri.
„Fram undan er ferð til Exeter í
Englandi þar sem sungið verður á
tónleikum með þarlendum kór 12.
maí,“ segir Halldór og leggur
áherslu á að Bára hafi haldið kór-
félögum vel við efnið og kórinn verði
betri með hverju árinu. „Það er
gjarnan sagt á hverju vori að hann
hafi aldrei hljómað betur og það eru
orð að sönnu,“ segir hann.
Valskórinn aldrei hljómað betur
 Tónleikar í tilefni 25 ára afmælis og söngferð til Englands í kjölfarið
Ljósmynd/Þorsteinn Ólafs
Tónleikar Valskórinn heldur afmælistónleika í Háteigskirkju á sunnudaginn og verður síðan með tónleika á Englandi eftir rúma viku.