Morgunblaðið - 14.07.2018, Qupperneq 6

Morgunblaði/Arnþór Birkisson
Pallamyndanir Undirbúningur er nú í fullum gangi fyrir hátíðarfund Alþingis sem fram fer 18. júlí að Lögbergi.
Barnamenning og haf-
rannsóknir í brennidepli
 Tillögur Alþingis fyrir hátíðarfundinn á Þingvöllum
Nú hafa verið gerðar ljósar þær til-
lögur er verða lagðar fram á hátíð-
arfundi Alþingis, sem verður á Lög-
bergi á Þingvöllum þann 18. júlí.
Formenn allra þingflokka leggja til
tvær þingsályktunartillögur sem á að
afgreiða á fundinum. Önnur er um
stofnun Barnamenningarsjóðs Ís-
lands sem fái 100 milljóna króna
framlög á fjárlögum árlega næstu
fimm ár. Markmið sjóðsins verður að
styrkja verkefni á sviði barnamenn-
ingar og leggja áherslu á verkefni
sem efli samfélagsvitund og stuðli að
lýðræðislegri þátttöku barna.
Hin tillagan er um smíði á nýju haf-
rannsóknaskipi í stað Bjarna Sæ-
mundssonar. Áætlað er að smíði á
skipinu ljúki árið 2021 og samkvæmt
tillögunni verður samtals varið 3,5
milljörðum króna til að hanna og
smíða skipið.
Tillaga forsætisnefndar er um að
Alþingi í samstarfi við Hið íslenska
bókmenntafélag sjái um útgáfu á rit-
verki um Þingvelli í íslenskri myndlist
og yfirlitsverk um sögu íslenskra bók-
mennta. Gert er ráð fyrir að þessi út-
gáfa kosti á bilinu 25-30 milljónir.
Undirbúningur þessara verka ef þeg-
ar hafinn. ninag@mbl.is
6 FRÉTTIRInnlent
MORGUNBLAÐIÐ LAUGARDAGUR 14. JÚLÍ 2018
Ljósadýrð á Rín
sp
ör
eh
f.
Sumar 247. - 14. september
Fararstjóri: Kristín Jóhannsdóttir
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 177.700 kr. á mann í tvíbýli. ÖRFÁ SÆTI LAUS
Mjög mikið innifalið!
„Ljómar heimur, loga fagur“ verður sjálfsagt hægt að
segja í þessari glæsilegu ferð um Rínar- og Móseldalinn.
Við heimsækjum m.a. Koblenz, þar sem árnar Mósel og Rín
mætast við hið svonefnda Deutsches Eck, höldum til Tríer
og bæjarins Königswinter. Hápunktur ferðarinnar verður
svo án efa Rhein in Flammen eða ljósadýrð á Rín.
Fimmtudaginn 19. júlí hefur afmælis-
nefnd fullveldisins, í samstarfi við
Hrafnistu, ákveðið að bjóða öllum Ís-
lendingum fæddum 1918 og fyrr til há-
tíðarsamkomu í tilefni af fullveld-
isafmælinu. „Við höfum fengið mjög
jákvæð viðbrögð við þessu boði og ég
hef átt mjög skemmtileg símtöl við ein-
staklinga sem fengu boð og aðstand-
endur þeirra,“ segir Ragnheiður Ingi-
marsdóttir, framkvæmdastjóri afmælisnefndar. Nú þegar hafa 19 staðfest
komu sína í boðið en alls var 64 einstaklingum boðið. Mun þetta vera í
fyrsta skipti sem öllum Íslendingum 100 ára og eldri er boðið saman til
veislu að sögn Ragnheiðar. Forsetahjónin munu heiðra samkomuna og mun
forsetinn ávarpa „fullveldisbörnin“ svokölluðu. Á dagskránni eru einnig
tónlistaratriði og Guðmundur Ólafsson leikari verður með innslög um full-
veldisárið 1918.
Í tilefni fullveldisafmælisársins var ákveðið að búa til fullveldisköku, í
samstarfi við Landssamband bakarmeistara. Kakan er byggð á vinsælum
uppskriftum frá 1918 og verður í boði í veislunni á Hrafnistu. Um er að ræða
lagköku með rabarbarasultu á milli laga og er rjóma bætt við á milli tveggja
efstu laganna. Kakan er svo skreytt með hvítu súkkulaði. „Þetta er gam-
aldags randalína í nútímabúningi,“ segir Ragnheiður.
Hátíðarsamkoma á Hrafnistu
ÖLLUM ÍSLENDINGUM 100 ÁRA OG ELDRI BOÐIÐ TIL VEISLU
„Randalína í nútímabúningi.“
Þorgrímur Kári Snævarr
thorgrimur@mbl.is
Áætlað er að tónleikar rokk-
hljómsveitarinnar Guns n’ Roses
sem fara fram á Laugardalsvelli
þann 24. júlí verði stærstu tón-
leikar í íslenskri tónlistarsögu. Ný-
lega var miðum á þessa eftirsóttu
tónleika fjölgað um 2.000 eftir að
komist var að þeirri niðurstöðu að
hægt væri að taka á móti fleiri tón-
leikagestum.
„Við erum með öryggi í fyrirrúmi
og líka að passa upp á völlinn og
leikvanginn sjálfan,“ sagði Björn
Teitsson skipuleggjandi í samtali
við Morgunblaðið. „Það voru skilj-
anlegar áhyggjur hjá KSÍ. Eftir því
sem á leið og eftir því sem við höf-
um fengið frekari sérfræðiálit í
uppsetningunni hefur bara komið í
ljós að það er rými fyrir fleira fólk.
Upphaflega hafði verið gert ráð
fyrir 18.500 gestum en síðan þá höf-
um við tvisvar getað fjölgað miðum.
Það er alveg nægt rými bara á vell-
inum sjálfum og þá verður lagt sér-
stakt tímabundið gólf sem verndar
grasið. Það ættu allir að komast
mjög þægilega fyrir miðað við aðr-
ar útisýningar og njóta tónleikanna
til hins ýtrasta.“
Spurður um stærð tónleikanna í
samanburði við aðra risatónleika á
Íslandi líkt og tónleika Rammstein
í fyrra sagði Björn að ýmislegt um-
stang í kringum þessa tónleika sé
fyrirferðameira.
Tvöfalt stærra en
hjá Rammstein
„Sviðið er tvisvar sinnum stærra,
allir risaskjáirnir eru stærri og þeir
eru þrír talsins. Auk þess er hljóð-
kerfið öflugra en áður hefur sést á
Íslandi. Það er í rauninni umfangið
sjálft sem er alveg gríðarlegt. Hvað
varðar græjurnar, þá var ég að fá
skilaboð frá TFG-Zimsen sem sér
um upplýsingar fyrir þessa tónleika
og gerði líka fyrir Rammstein í
fyrra, að þetta væri um tvöfalt
magnið miðað við þá tónleika.
Þannig að bæði umfang verkefn-
isins og væntanlega fólksfjöldinn
verður umtalsvert meiri.“
Björn sagði undirbúninginn fyrir
tónleikana ganga vel og að engin
óhöpp hefðu orðið.
Stærstu tónleikar á Íslandi
 Lausum miðum á tónleika Guns n’ Roses fjölgað um 2.000
 Öryggi verður haft í fyrirrúmi að sögn skipuleggjanda
Risastórt Tónleikar hljómsveitarinnar Guns n’ Roses koma til með að vera
þeir stærstu í Íslandssögunni, enn stærri en tónleikar Rammstein í fyrra.
Philippe Garcia, Frakki sem býr á
Flateyri, er spenntur fyrir úrslita-
leiknum á sunnudag en hann býst
við því að fylgjast með leiknum
ásamt öðrum íbúum þar. „Við höfum
yfirleitt verið að fylgjast með leikj-
unum í mótinu á bar hérna á Flat-
eyri,“ segir Philippe sem hefur búið
þar undanfarin ár ásamt franskri
eiginkonu sinni. Hann segir að í upp-
hafi hafi hann stutt íslenska lands-
liðið á HM. Það hafi hins vegar
breyst þegar liðið féll úr leik.
„Maður gat eiginlega ekki annað
en haldið með Íslandi í þessu móti.
Maður færði sig svo yfir til heima-
landsins þegar ljóst var að Ísland
kæmist ekki lengra,“ segir Philippe
og bætir við að hann eigi von á því
að Frökkum takist að sigra á
mótinu.
„Við erum með mjög gott lið og
líkurnar eru klárlega með okkur.
Það er auðvitað ekkert gefins í
þessu og Króatarnir hafa sýnt að
þeir geta vel komið á óvart,“ segir
Philippe.
Spurður um hvort franska liðið
njóti mikils stuðnings meðal íbúa
Flateyrar kveður Philippe já við.
„Þetta er reyndar alveg tvískipt en
ég er að vona að þeir gleymi því ekki
Króatar slógu Ísland úr leik. Þá eru
allar líkur á því að þeir styðji okk-
ur,“ segir Philippe.
aronthordur@mbl.is
Frakkar taka titilinn
Philippe Hann er bjartsýnn á
hagstæð úrslit á sunnudaginn.
Mikil spenna ríkir hjá Króötum sem
búsettir eru hér á landi fyrir úr-
slitaleik heimsmeistaramótsins á
sunnudag, en þá mætast Króatar og
Frakkar í fyrsta sinn í úrslitaleik
HM.
Davor Purusic, Króati sem bú-
settur hefur verið á Íslandi í 25 ár,
segir að leikurinn muni verða gríð-
arlega erfiður fyrir króatíska liðið.
„Frakkar eru flokki ofar en öll önn-
ur lið sem við höfum mætt í keppn-
inni hingað til. Þetta verður mjög
erfitt en liðið getur þrátt fyrir það
unnið hvern sem er á góðum degi,“
segir Davor sem nú er staddur í
Króatíu þar sem hann hefur dvalið
síðustu daga. Leikjum landsliðsins
hefur verið varpað upp á skjái á
torgum víða um Króatíu en Davor
ráðgerir að fylgjast með úrslita-
leiknum á einu torganna. Þá segir
hann að mikil stemning sé í Króatíu
vegna góðs gengis landsliðsins á
HM. „Það er alveg ótrúleg stemn-
ing hérna og hefur verið nánast frá
fyrsta leik. Eftir leikinn gegn Eng-
landi náði þetta ákveðnu hámarki
þegar fólk kveikti á blysum og
fagnaði á götum úti. Það er alveg
ótrúlegt að upplifa þetta og von-
andi að þetta haldi áfram á sunnu-
dag,“ segir Davor sem er bjartsýnn
fyrir leikinn og spáir því að Króatíu
takist að leggja Frakkland með
minnsta mun.
Spáir mjög jöfnum leik
Hjón Davor ásamt eiginkonu sinni,
Önnu Gunnhildi Ólafsdóttur.