Skírnir - 01.09.2010, Qupperneq 143

399íslandsvinir í vín
Viðhorf Poestions og von Jadens til kynþáttahyggju
Í inngangi að riti sínu Island. Das Land und seine Bewohner sendi
Poestion Íslendingum „kveðju til kynbræðra“ (stammbrüderlichen
Gruß).57 Af þessum orðum má draga þá ályktun að Poestion, líkt og
margir aðrir fræðimenn er sinntu norrænum fræðum, hafi litið á Ís-
lendinga sem hluta af hinum germanska kynþætti. Í sömu bók
skrifar hann:
Þegar á heildina er litið hefur þjóðin ekki einungis varðveitt germanskt blóð
sitt að öllu leyti heldur einnig þjóðlegar hefðir sínar allt fram á okkar daga.
Öfugt við önnur Norðurlönd hefur Ísland orðið fyrir takmörkuðum er-
lendum áhrifum og hefur þannig náð að þróa samfélag sitt jafnt og þétt.58
Orð Poestions bera sterkan keim af kynþáttahyggju að því leyti að
hreinleiki þjóðarbrota og lítil utanaðkomandi áhrif voru talin skipta
sköpum er kom að varðveislu menningar og kynþáttar. Samruni
menningarheima og kynblöndun voru óæskileg og bar að forðast í
lengstu lög. Orð Poestions líkjast mörgu því er Günther skrifaði
um hinn norræna kynstofn. Þetta eru samt sem áður einu orð Po-
estions sem benda til áhuga hans á kynþáttahyggju. Það ber þó að
ítreka að gögn í safni Poestions í Bad Aussee hafa ekki verið rann-
sökuð fyrir þessa grein. Því er ekki hægt að útiloka að til séu heim-
ildir er færa frekari rök fyrir því að hann hafi aðhyllst kyn þátta -
hyggju í ríkari mæli en hægt er að merkja af bókum hans og bréfum.
En þegar íslenskar heimildir eru rannsakaðar er hvergi að finna neitt
því til staðfestingar að Poestion hafi álitið hinn norræna kynstofn
æðri öðrum kynstofnum.
Að mati von Jadens var íslensk tunga og menning framar öðrum
þar sem hún hafði varðveist óspillt í aldanna rás. Engin „úrkynjun“
hefði orðið líkt og honum fannst hafa átt sér stað í því umhverfi sem
hann ólst upp í. Í bréfum hans til Íslendinga kom andúð á gyðingum
skírnir
57 Poestion 1885: 8.
58 Poestion 1885: 310–311. „Im Ganzen jedoch hat das Volk nicht nur sein germ-
anisches Blut, sondern auch seine alte Stammestraditionen bis auf den heutigen
Tag bewahrt, indem es im Gegensatze zu den anderen nordischen Ländern, von
fremden Einflüssen nur wenig berührt, seine eigene Entwicklung wesentlich un-
unterbrochen fortsetze.“
Skírnir haust 2010_Layout 1 27.10.2010 18:03 Page 399