Skírnir - 01.09.2010, Page 280
— Hulda orti ekki á sérstaklega kvenlegan hátt.
— Sigurjón Friðjónsson var ekki öðrum skáldum fremur ómrænn.
— Davíð Stefánsson var ekki fyrsta skáld stefnunnar, öðru nær.
— Davíð Stefánsson var ekki holdlegasta skáld stefnunnar.
— Davíð Stefánsson var ekki „mesta ádeiluskáld sem við höfum átt“ —
þetta er nú fráleitasta vitleysan sem sögð hefur verið um stefnuna!
Ennfremur voru helstu ályktanir mínar um impressjónísku skáldin, sem ég
kalla blæleitin:
Af þessari rannsókn má álykta, að það sé ekki grundvallarmunur á
rómantískri ljóðagerð og blæleitinni. Sú síðarnefnda er afmarkaðri,
forðast boðskap, svo sem þjóðernislegan og trúarlegan. (Örn Ólafsson
2008: 435)
Það er frá upphafi áhugi á þjóðsögum og þjóðkvæðum, sem teng-
ist áherslu stefnunnar á sálarlíf venjulegs alþýðufólks og viðleitni
hennar að grípa sérstæða tilfinningu, dularfulla, í stað hins hversdags-
lega. (Sama rit: 431)
Þessi ljóðagerð er í meginatriðum náskyld blæstefnu (impressjón-
ismanum) í sagnagerð, tónlist og myndlist, kjarninn er að grípa blæ-
brigði andartaks, samstilla eðlisþætti skáldverksins til að skapa mynd
skynjunar, tilfinningar, og þykir mér því best fara á því að þessi ljóðlist
kallist blæleitin, að talað sé um blæstefnu. (Sama rit: 434)
Auðvitað ætlast ég ekki til þess að Þorsteinn taki afstöðu til alls þessa í grein
sinni um „Únglínginn í skóginum“, en fyrst hann tengir kvæðið við im-
pressjónisma frekar en surrealisma og expressjónisma, finnst mér að hann
ætti að taka afstöðu til skilgreininga þessara stefna.
Þorsteinn Þorsteinsson hefur oft miklum fróðleik að miðla og vel
orðuðum. Þeim mun leiðara er að sjá hann spilla greinum sínum með
óvönduðum vinnubrögðum. Þessi yfirborðslega afgreiðsla Þorsteins á fyrri
umfjöllun er því miður hreint ekkert einsdæmi í nýlegum skrifum um ís-
lenskar bókmenntir. Hún er þeim mun meira víti til varnaðar.
536 örn ólafsson skírnir
Skírnir haust 2010_Layout 1 27.10.2010 18:03 Page 536