Breiðfirðingur - 01.04.1984, Síða 87

BREIÐFIRÐINGUR
85
Ólafsvík um 1909. Verslunarhúsin upp af fjörunni. Byggðin á brekkunni fjær.
glenna þig upp í hlíð að slá kl. 6 í morgun. Pú ert ekki
slæm af gigtinni núna.“ Pá snarast hún frá samtali við
karl: ,,F»ú sérð það sem þú vilt sjá, helvískur.“ Þar með
fór hún sína leið, en karl stóð eftir og hafði ekki tíma til
að svara, hún var þotin. Þau öttu stundum grátt silfur
saman í orðum og margir brostu að, en í raun og veru
voru þau bestu vinir, þegar allt kom til alls, því þau voru
bæði stórkostlegar manneskjur hvort á sína vísu og settu
svip á staðinn, ekki síst ef þau voru stödd saman. Það
væri hægt að segja margar sögur af þeim er þau áttu
orðaskipti saman. Þessi leikbróðir Jóhönnu í orðum, sem
hér segir frá, var Snæbjörn Eyjólfsson.
Mannlíf í Ólafsvík tók breytingum á margan hátt til
hins betra uppúr 1940. Undirstaða þess framfaraskeiðs
var tilkoma Hraðfrystihússins, hafnargerð og stærri bátar.
Fólk hætti að fara í burtu til að leita sér að atvinnu. Nú
unnu konur í Hraðfrystihúsinu við flökun og pökkun á
fiskinum. Þessir nýju atvinnumöguleikar fólksins gjör-
breyttu allri afkomu heimilanna.