Breiðfirðingur - 01.04.1984, Page 94

92
BREIÐFIRÐINGUR
aftur. Minnisstæðar eru mér frásagnir hennar af Þorleifi
í Bjarnarhöfn, sem var læknir af guðs náð, læknaði bæði
menn og skepnur. Þorleifur var víðfrægur um land allt
fyrir fjarskyggnigáfu sína enda er hún sú fullkomnasta
sem ég hef heyrt getið um. Sá hann jafnt ef hann vildi,
eins um nætur og daga og engu að síður atburði sem voru
að gerast í órafjarlægð en atvik á næstu grösum. Þó Þor-
leifur sæti á rúmi sínu heima í Bjarnarhöfn tautandi við
sjálfan sig að lýsa því sem var að gerast um borð í strönd-
uðu skipi hinumegin við Breiðafjörð, svo dæmi séu tekin.
Frásagnarsnilld Jóhönnu var frábær, er hún tók sér orð
Þorleifs í munn. Þeim frásögnum hennar gleymir enginn
sem heyrði. Frásagnir af Þorleifi í Bjarnarhöfn er að finna
í bókum Oscars Clausen. Mér er líka í minni sögur henn-
ar af Sigurbirni Guðmundssyni hómopata sem átti heima
í Útgörðum í Ólafsvík. Hann tíndi alls konar grös og sauð
saman, notaði þau síðan til meðalagjafa sem margir lækn-
uðust af. Hann hafði kynnt sér mikið um sjúkdóma og
þótti takast vel við lækningar, þar sem meðalagjafir hans
áttu við.
Jóhanna taldi Sigurbjörn stórmerkilegan mann. Hún
trúði sjálf á lækningamátt grasa og blóma og notaði grasa-
seyði sér til heilsubótar eftir að hún var orðin gömul og
gigtveik. f3. mars J960 átti Jóhanna í Bifröst 90 ára af-
mæli. Börn hennar og tengdabörn héldu henni veglega
veislu heima í Bifröst. Fjöldi fólks heiðraði hana með
heimsóknum og gjöfum. Torfhildur dóttir hennar og
tengdasynirnir Matti og Sigurberg komu frá Keflavík þó
hávetur væri til að gleðjast með henni á þessum heiðurs-
degi í lífi hennar. Auk þess að vera elsti íbúi Ólafsvíkur
var hún einnig merkasta kona staðarins, eins og var um
hana skrifað í afmælisgrein. Séra Magnús Guðmundsson
flutti ávarp afmælisbarninu og' mæltist vel að vanda.
Sungið var og dansað. Árni Helgason í Stykkishólmi
sendi henni frumort afmælisljóð sem hér er birt.
Jóhanna var hrókur alls fagnaðar meðal sinna vina.