Dagblaðið Vísir - DV - 09.11.2018, Qupperneq 2

2 9. nóvember 2018FRÉTTIR
Icelandair keypti WOW air í vik-
unni, búast má við að því ferli ljúki
á næstu þremur vikum. Líklegast
mun Skúli Mogensen, forstjóri
WOW, snúa sér að öðrum hlutum.
Tekið við IKEA
Skúli er alinn upp
í Svíþjóð og talar
reiprennandi sænsku.
Það liggur beint við
að Skúli taki við IKEA.
Spurning hvort hann
taki fjólubláa WOW-
-litinn með sér.
Orðið ofurstílisti
Skúli hefur breyst
mikið á undanförnum
árum og segja má að
hann hafi yngst um
20 ár á 20 árum. Hann
myndi skara fram úr
sem stílisti hinna ríku
og frægu sem vilja
gera slíkt hið sama.
Gerst málari
Það vita ekki margir
að Skúli hafði mikinn
áhuga á að mála þegar
hann var ungur að
árum. Hann sagði að
síðustu dagar hefðu
verið þeir erfiðustu á
ævinni, það er spurn-
ing hvort Skúli beini
því í listina og gerist
málari.
Endurreist
Pokémon
Skúli, ásamt félaga
sínum, gerði fót- og
körfuboltamyndir
að æði hér á landi
á fyrri hluta tíunda
áratugarins. Nú er
byrjað að fjara undan
Pokémonmynda-
æðinu, aftur. Ef það
er einhver sem getur
endurreist Pokémon í
þriðja skiptið þá er það
Skúli.
Byrjað upp á nýtt
Skúli kann að setja
flugfélag á laggirnar
og reka það, hann gæti
alveg byrjað upp á nýtt
og farið í samkeppni
við Icelandair. Það
gæti heitið FUN air eða
eitthvað álíka.
hlutir sem Skúli Mogensen getur farið að gera
Á þessum degi,
9. nóvember
1520 – Meira en 50 manns eru dæmdir
og teknir af lífi í Stokkhólmsblóðbaðinu.
Síðustu orðin
„Þeir gætu ekki hitt fíl úr
þessari fjarl…“
– John Sedgewick (1813–1864),
hershöfðingi í her Norðurríkjanna
í borgarastyrjöldinn þar í landi.
Hann var skotinn af leyniskyttu.
1729– Spánn, Frakkland og Bretland
staðfesta Sevillesamninginn.
1872 – Eldsvoðinn mikli í Boston á sér
stað.
1953 – Kambódía fær sjálfstæði frá
Frakklandi.
1965 – Roger Allen LaPorte ber eld
að sjálfum sér, fyrir framan byggingu
Sameinuðu þjóðanna, til að mótmæla
stríðinu í Víetnam.
1998 – Dauðarefsing er afnumin með
öllu í Bretlandi, fyrir hafði hún verið af-
numin í morðmálum. Mynd sýnir þegar
dauðadómur yfir Frederick Seddon var
kveðinn upp árið 1912.
O
mar og 16 ára sonur hans
eru á götunni og vita ekki
hvar þeir munu sofa í nótt.
Omar, sem er frá Marokkó,
hefur búið á Íslandi í 27 ár og
sonur hans er fæddur á Íslandi.
Omar, sem heitir fullu nafni Omar
Abenbi Mariachi, hefur greitt
skatta og skyldur á Íslandi allan
sinn tíma hér og er enginn óreglu-
maður. Hann er því skiljanlega
ósáttur við þetta hlutskipti.
Omar kom til Íslands árið
1990 og starfaði við sjómennsku
til 1993 og við fiskvinnslu fram til
aldamóta. Vinnuslys sem hann
lenti í árið 1994 leiddi til þess að
hann varð óvinnufær um alda-
mótin og hefur verið öryrki síðan.
Tekjur Omars úr lífeyrissjóði og
almannatryggingum eru samtals
um 240.000 krónur á mánuði.
Þann 25. október þurftu
feðgarnir að yfirgefa leiguhúsnæði
sem þeir hafa búið í undanfarið
vegna þess að eigandinn vildi nota
það til annars. Þá hófust vand-
ræði Omars. Velferðarferðarsvið
Kópavogsbæjar greiddi undir þá
feðga nokkrar nætur á gistiheimili
þar sem hver nótt kostaði 12.000
krónur. Skömmu eftir mánaða-
mót tilkynnti velferðarsvið Omar
hins vegar að ekki yrði greitt frekar
undir þá feðga. „Komið ykkur út,
sagði starfskonan við mig,“ segir
Omar og þótti honum það að von-
um kaldar kveðjur.
Segir að félagsmálayfirvöld vilji
stía feðgunum í sundur
„Ég hef búið hér í 27 ár, ég er
enginn hælisleitandi. Ég hef greitt
hér skatta og skyldur allan minn
tíma á Íslandi,“ segir Omar og er
afar ósáttur við stöðuna. Hann
telur sig eiga rétt á leiguhúsnæði
og neitar að líta á sig sem ölm-
usumann. En það gengur afar
illa að finna laust húsnæði. Hon-
um bauðst lítil herbergi á 140.000
krónur þar sem aðgangur að sal-
erni var langt frá herberginu. Að
öðru leyti hefur hann alls staðar
komið að lokuðum dyrum.
Omar segist hafa skynjað vilja
til að stía feðgunum sundur af
hálfu Velferðarsviðs Kópavogs-
bæjar. „Þau sögðu að þau gætu
komið syni mínum í húsnæði en
mér ekki. Þau vilja aðskilja okkur.
Það kemur ekki til greina. Á fund-
um okkar með starfsfólkinu reyndi
það að fá að tala einslega við hann
en ég þvertók fyrir það. Hann er
bara 16 ára og það á ekki að taka
viðtöl við hann án þess að foreldri
sé viðstatt,“ segir Omar.
„Starfskona spurði mig líka
einu sinni hvers vegna ég sendi
drenginn ekki til Marokkó og þá
varð ég reiður. Drengurinn er
fæddur hér, hann er Íslendingur!“
Þess má geta að móðir drengsins
býr í Marokkó ásamt systur hans.
Velferðarsvið: Samband haft
við barnavernd ef börn eiga í
engin hús að venda
DV hafði samband við Velferðar-
svið Kópavogs sem hefur með mál
Omars að gera. Vel þekkt er að fé-
lagsþjónustuaðilar svari ekki fyrir-
spurnum um málefni einstaklinga
en DV sendi nokkrar almennar
spurningar um meðferð mála af
þessu tagi sem mál Omars vekur.
Svar Velferðarsviðs er svohljóð-
andi:
„Einstaklingar og fjölskyld-
ur sem missa húsnæði og leita til
velferðarsviðs fá upplýsingar og
ráðgjöf um hvar er helst að finna
húsnæði á leigumarkaði eins og
t.d. hjá leigufélögum, eftir aug-
lýsingum eða á samfélagsmiðl-
um og jafnframt er þeim bent á að
nýta sitt félagslega net í húsnæð-
isleitinni.
Ef viðkomandi er á biðlista eft-
ir félagslegri leiguíbúð er hann
upplýstur um stöðu umsóknar
varðandi stigafjölda og biðtíma
á biðlista og hvers er að vænta
varðandi úthlutun. Meðal bið-
tími eftir félagslegri leiguíbúð er
þrjú ár. Farið er yfir skattskyldar-
og óskattskyldar tekjur og eigna-
stöðu í þeim tilgangi að kanna
hvort til staðar séu ósótt réttindi
varðandi greiðslur bóta eða
launa og er viðkomandi boðin að-
stoð við að sækja ósóttan rétt. Þá
kann að vera að viðkomandi eigi
rétt á fjárhagsaðstoð skv. reglum
Kópavogsbæjar um fjárhagsað-
stoð, til framfærslu eða skv. sérs-
tökum heimildum. Í síðarnefnda
tilvikinu er vísað til heimildar
að veita vaxtalaust lán til fyrir-
framgreiðslu húsaleigu allt að kr.
500.000,- ef fyrir liggur þinglýstur
húsaleigusamningur. Þá er við-
komandi upplýstur um fjárhæðir
og leiðbeint með hvar sótt er um
húsnæðisbætur og sérstakan hús-
næðisstuðning ef fyrir liggur þing-
lýstur leigusamningur.
Velferðarsvið veitir einstakling-
um og fjölskyldum sem missa hús-
næði og eiga í engin hús að venda
styrk til að greiða dvöl á gistiheim-
ili í 12 nætur á meðan þeir sinna
markvissri húsnæðisleit. Styrkur
er kr. 5.000,- á dag og er að há-
marki kr. 60.000,-. Gistikostnað
umfram þá fjárhæð greiðir við-
komandi sjálfur.
Viðkomandi er upplýstur um að
hluti af hans ráðstöfunarfé verði
að fara í að greiða fyrir gistingu
eða húsnæði, óháð því hvort hann
gistir hjá ættingjum eða vinum,
á gistiheimili, leigi svart eða með
þinglýstan leigusamning.
Þegar um er ræða mál þar sem
barn eða börn eru í fjölskyldu sem
á í engin hús að venda er send til-
kynning til barnaverndar.“
Mótmælastaða í miðbænum
Omar og sonur hans voru með
mótmælastöðu í miðbæ Reykja-
víkur á þriðjudag til að vekja
athygli á máli sínu.
Omar hefur leitað ásjár í sam-
félögum múslima á Íslandi þar
sem reynt er að greiða götu hans
en hann getur ekki fengið að sofa
í moskunum. Í augnablikinu er
hann alveg bjargarlaus. Omar er
enginn óreglumaður, hreinn og
snyrtilega klæddur, kurteis og
vingjarnlegur. Hann hefur fastar
en lágar tekjur og leitar að litlu
húsnæði sem hann gæti búið í
með syni sínum, á viðráðanlegum
kjörum. n
Þeir sem gætu mögulega greitt
götu Omars varðandi húsnæð-
isleit eru beðnir um að hringja
í Omar í símanúmer hans, 788-
5329.
OMAR OG 16 ÁRA SONUR
HANS ERU Á GÖTUNNI
„Ég hef búið hér í 27 ár, ég er enginn hælisleitandi“
Ágúst Borgþór Sverrisson
agustb@dv.is