Dagblaðið Vísir - DV - 09.11.2018, Qupperneq 20

20 9. nóvember 2018FRÉTTIR
Verð frá € 136,000
Fáðu sendan bækling í tölvupósti og
kynntu þér hvað er í boði á Costa
Blanca á Spáni
SÉRHÆÐ Í EL RASO ÍBÚÐ Í VILLAMARTIN
Verð frá € 128,000
Hafðu samband 555 0366
masaiceland@gmail.com
Jón Bjarni & Jónas
Hafa ekki greitt í
félagið í meira en 20 ár
n Aldnir heiðursfélagar í trúnaðarmannaráði Sjómannafélagsins
n Ráku Heiðveigu Maríu n Neituðu flestir að tala
M
ikið umstang hefur átt sér
stað innan Sjómannafé-
lags Íslands undanfarið
eftir að Heiðveigu Maríu
Einarsdóttur var vísað úr félaginu.
Vísaði trúnaðarráð félagsins Heið-
veigu Maríu úr félaginu með 18 at-
kvæðum gegn 4. Í trúnaðarráðinu
eru 48 manns, allt karlmenn. DV
hafði samband við stóran hluta
þeirra manna sem sitja í ráðinu
og spurði þá sem voru á fundin-
um hvaða afstöðu þeir tóku vegna
brottvikningar Heiðveigar Maríu.
Eingöngu einn af þeim fjölmörgu
sem DV ræddi við vildi gefa upp
afstöðu sína. Sá einstaklingur
kaus um að vísa Heiðveigu úr fé-
laginu. Blaðamaður ræddi einnig
við meðstjórnanda í félaginu, en
öll stjórnin situr í trúnaðarráðinu.
„Ég hef ekkert að segja um þetta
mál, Jónas talar fyrir okkar hönd,“
sagði hann. Þegar blaðamaður
spurði hvort hann sem meðstjórn-
andi væri ekki með sjálfstæða
skoðun á málinu þar sem hann
tók afstöðu, svaraði hann með því
að skella á.
„Heiðursfélagar“ með kosn-
ingarétt hafa ekki borgað í
félagið í yfir 20 ár
Stjórn Sjómannafélagsins ákvað
að vísa Heiðveigu Maríu úr fé-
laginu vegna meintra niðrandi
ummæla hennar um félagið. Hafa
fjórir meðlimir í félaginu gefið út
yfirlýsingu þar sem þeir lýsa á mjög
furðulegan hátt hvernig Gunnar
Smári Egilsson væri að reyna taka
yfir félagið með baktjaldamakki.
Byrjaði sú vegferð Gunnars þegar
hann átti víst að hafa hringt inn á
á skrifstofu félagsins til að spyrj-
ast fyrir um hvenær kosningar
yrðu í Sjómannafélaginu. Í yfirlýs-
ingunni vitna þeir einnig í blaða-
greinar og Facebook-ummæli máli
sínu til stuðnings. Niðurstaðan í
þessari tilkynningu er sú að Heið-
veig María sé að vinna fyrir Sósíal-
istaflokkinn og Gunnar Smára og
er markmið hennar að taka yfir
félagið með baktjaldamakki og
áhlaupi utanaðkomandi fólks.
Eins og kemur fram hér að fram-
an ræddi DV við allmarga einstak-
linga innan félagsins og kom þá
í ljós að margir þeirra hafa ekki
greitt í félagið í mörg ár. Í einu til-
felli meira en 20 ár. Sitja þeir samt
sem áður í trúnaðarráði félagsins
ásamt því að mæta á aðalfundi og
hafa þar atkvæðisrétt. DV ræddi
við einn meðlim trúnaðarráðs og
spurði hann hversu langt væri síð-
an hann hafi verið starfandi: „Það
eru að fara verða 10 til 12 á … Ég
þarf ekkert að segja þér hvenær ég
hætti að vinna, vertu blessaður.“
„Þú hefur ekkert að
gera með þá“
DV hefur undanfarna fjóra daga
reynt ítrekað að ná tali af Jónasi
Garðarssyni, formanni Sjómanna-
félags Íslands. Hefur blaðamaður
ítrekað hringt í farsímann hans,
skilið eftir skilaboð á skrifstofu fé-
lagsins ásamt því að fara niður á
skrifstofuna sjálfa. Blaðamaður
beið í rúman klukkutíma á skrif-
stofu Sjómannafélags Íslands þar
sem honum var tjáð að Jónas hefði
skroppið frá til að grípa sér eitt-
hvað að borða. Eftir um klukku-
tíma bið var honum tjáð að hann
hlyti nú að hafa skroppið í eftirlits-
ferð. Á meðan heimsókn blaða-
manns stóð náði hann tali af Bergi
Þorkelssyni, gjaldkera félagsins
og stjórnarmeðlimi sambandsins,
sem einnig situr í trúnaðarmanna-
ráði.
Heiðveig María hafði kallað
eftir ársreikningum félagsins hjá
Bergi til að geta kynnt sér fjárhag
félagsins og svaraði Bergur henni
þá: „Þú hefur ekkert að gera með
þá.“ Spurði blaðamaður hann út í
þessi orð hans og staðfesti hann
að hafa látið þessi orð falla. Segir
Bergur að honum sé ekki heimilt
að veita henni ársreikninga félags-
ins frá þessum árum þar sem hún
hafi ekki verið meðlimur í félaginu
þegar ársreikningarnir voru gefn-
ir út. Blaðamaður spurði þá hvort
hann mætti fá afrit af þessum árs-
reikningum. „Ég hef bara enga
heimild til að afhenda þér þá.“
Er eitthvað í lögum félagsins
sem bannar þér að afhenda mér
þá?
„Já, þeir eru aðeins afhentir fé-
lagsmönnum og liggja fyrir á aðal-
fundi. Ég þarf að fá leyfi stjórnar-
innar til að afhenda þér þá.“
Ekkert kemur fram í lögum Sjó-
mannafélagsins um að ekki megi
afhenda ársreikninga. Hvað þá að
eingöngu megi afhenda félögum
þá.
Spurður út í svokallaða
heiðursfélaga sagði Bergi ekkert
athugavert við það að menn sitji í
trúnaðarráði og kjósi á aðalfundi
félagsins þrátt fyrir að hafa ekki
greitt í félagið árum saman. Sam-
kvæmt yfirlýsingu frá félaginu
segja þeir að samkvæmt lögum fé-
lagsins þurfi einstaklingur að vera
búinn að vera í félaginu í þrjú ár
en samkvæmt lögum félagsins er
talað um að hafa greitt í félagið
síðastliðin þrjú ár.
Drífa Snædal, nýkjörinn for-
seti Alþýðusambands Íslands, hef-
ur opinberlega gagnrýnt brott-
reksturinn harðlega. Þá hafa mörg
önnur verkalýðsfélög gagnrýnt
þessa ákvörðun Sjómannafélags
Íslands. Segir lögfræðingur Heið-
veigar Maríu að brottreksturinn sé
kolólöglegur og að málið fari fyrir
Félagsdóm. n
Bjartmar Oddur Þeyr Alexandersson
bjartmar@dv.is
Jónas Garðars-
son DV hefur
ítrekað reynt að ná
tali af formann-
inum.