Dagblaðið Vísir - DV - 08.06.2018, Blaðsíða 42

8. júní 2018KYNNINGARBLAÐVið þjóðveginn
Fólk fréttir af því að
hér sé góður matur
NORTH WEST HOTEL & RESTAURANT Í VÍÐIGERÐI:
Flestir kannast við matsölustað-inn Víðigerði í Húnaþingi vestra. Eftir að hafa áratugum saman
verið með frægari vegasjoppum varð
Víðigerði gjaldþrota árið 2013. Nýir
eigendur keyptu húsnæðið vorið 2014
og hófu markvissa uppbyggingu undir
heitinu North West Hotel & Restaur-
ant. Í dag er þar rekið hótel og
veitingastaður af miklum myndarskap
og orðspor matarins á nýja veitinga-
staðnum veldur því að sífellt fjölgar
Íslendingum sem staldra þar við.
„Við höfum enn ekki breytt neinu í
ytra útliti staðarins enda margt ann-
að sem var brýnna þegar við komum
að þessu, en stefnt er á endurbætur
í upphafi næsta árs. Við höfum hins
vegar mikið endurnýjað innviðina og
fórum strax í miklar framkvæmdir
á efri hæð aðalbyggingarinnar og
erum þar með níu hótelherbergi
með sérbaði og sameiginlegri setu-
stofu. Yfirgnæfandi meirihluti þeirra
sem gista er erlendir ferðamenn en
á veitingastaðnum eru Íslendingar
mjög stór hluti viðskiptavinanna og
þeim fer sífellt fjölgandi,“ segir Kristinn
Bjarnason sem rekur staðinn ásamt
móður sinni, Guðlaugu Jónsdóttur, og
stjúpföður, Hallgrími Hallgrímssyni.
Kristinn segir að orðspor veitinga-
staðarins í breyttri mynd berist víða.
„Þetta er snjóbolti sem er farinn
að rúlla, fólk fréttir af því að hér sé
góður matur og við leggjum okkur
fram við að gera betur á hverju ári,“
segir Kristinn en fjölskyldan hefur
lagt áherslu á hægfara uppbyggingu
staðarins:
„Við vildum ekki skuldsetja okkur of
mikið strax og höfum tekið fyrir eitt ár
í einu og gert þetta af yfirvegun og
það hefur borgað sig.“
Matseðillinn er fjölbreyttur. Ham-
borgararnir seljast alltaf vel og er lagt
upp úr því að þeir séu eins góðir og
mögulegt er. Meðal annarra rétta eru
grillaðar lambakótelettur sem njóta
gífurlegra vinsælda, hægeldaðar
kjúklingabringur og grísarif, íslensk
kjötsúpa með heimabökuðu brauði,
djúpsteiktur þorskur og fleira. Svo má
einnig finna smárétti á seðlinum fyrir
þá sem eru bara að leita að snarli.
Þar má nefna reyktan silung frá
Mývatni, grafinn lax sem er gerður á
staðnum og beikonvafðar döðlur. Svo
er réttur dagsins á kvöldin alla virka
daga.
Annað sem breyst hefur í mat-
reiðslunni á staðnum er áhersla á
besta mögulega hráefni. „Við erum í
langhlaupi í þessu, við kaupum bestu
vöruna sem við teljum okkur komast í
og trúum því að það skili sér á end-
anum, sem það er að gera. Enda
mikil aukning á hverju ári. Við finnum
að margir Íslendingar eru meira en
til í að að stoppa annars staðar en á
bensínstöð á ferð sinni um landið og
fá sér að borða. Við vonum bara að
fólk sýni okkur þolinmæði á meðan
við erum að klára að dusta rykið af
þessum stað.“
Einn ónefndur kostur við að snæða
á North West Hotel í Víðigerði er nátt-
úrufegurðin allt í kring og einstaklega
fallegt útsýni úr matsalnum. „Hér er
ofboðslega fallegt útsýni og við erum
með Víðidalinn og Víðidalsfjallið á
glugganum. Þessi staður á alveg að
geta blómstrað ef við höldum áfram
að þróa hann í rétta átt. Við erum að
velta fyrir okkur ýmsum möguleikum,“
segir Kristinn.
Sjá nánar á Facebook-síðunni
North West Hotel & Restaurant.