Dagblaðið Vísir - DV - 28.12.2018, Qupperneq 23

28. desember 2018 23ANNÁLL - ÁGÚST
Kynferðisbrot séra
Þóris og Siggi hakkari
á Reykjavíkurflugvelli
Margrét Friðriksdóttir greindi
frá því á samfélagsmiðlum að
hún hefði ráðist að Semu Erlu
Serdar fyrir utan veitingastað
við Grensásveg. Þær hafa eldað
grátt silfur saman um árabil út
af mismunandi skoðunum sín-
um á þjóðfélagsmálum. Sema
Erla kærði Margréti fyrir lík-
amsárás og morðhótanir í kjöl-
farið. Margrét lýsti yfir iðrun
sinni og kvaðst ætla að hætta
að drekka í kjölfarið.
Ronja Auðunsdóttir var í hjólatúr ásamt dóttur sinni þegar þær mægður
fundu kött sem misþyrmt hafði verið með hrottalegum hætti í Hellisgerði
í Hafnarfirði. Kötturinn hafði verið hengdur við tré með netaböndum auk
þess sem hann hafði verið beittur margvíslegur ofbeldi. „Hér var algjört
illmenni að verki,“ sagði Ronja í samtali við DV. Hún kom kettinum, sem
var örmerktur og hét Lísa, til dýralæknis og náði kötturinn sér að mestu
leyti eftir raunina.
DV fjallaði um starfsemi fyrirtækja í eigu athafnamannsins Hilmars Ágústs Hilmarssonar á Reykjavíkur-
flugvelli . Sigurður Ingi Þórðarson, betur þekktur sem Siggi hakkari, hafði nýverið verið skráður stjórnar-
formaður og framkvæmdastjóri eins félagsins og var í krafti starfstitilsins með nánast ótakmarkað aðgengi
inn og út af haftasvæðum. Í stjórn með Sigurði sat síðan dæmdur barnaníðingur, Robert Tomaz Czarny.
Þá vakti athygli að náinn samstarfsmaður Sigurðar, Dan Somers, sá um öryggisgæslu fyrir fyrirtækin en í
staðinn fékk hann að starfrækja tilbeiðslustað fyrir sértrúarsöfnuð sinn í flugskýli á Reykjarvíkurflugvelli.
DV greinir frá því að séra Þórir Stephensen hafi viðurkennt á sátta-
fundi á Biskupsstofu að hafa brotið kynferðislega á tíu ára gamalli
stúlku. Brotin áttu sér stað á sjötta áratug síðustu aldar þegar Þórir
nam til prests. Meðal þeirra sem sátu sáttafundinn með Þóri og fórn-
arlambi hans, þar sem presturinn baðst afsökunnar, var Agnes M.
Sigurðardóttir biskup. Þrátt fyrir að hún vissi af brotum Þóris þá fékk
hann áfram að taka að sér margs konar verkefni fyrir kirkjuna auk
þess sem hann sat í öndvegi þegar nýr vígslubiskup var vígður í Skál-
holti. Í kjölfar umfjöllunarinnar bað biskup séra Þóri um að draga sig
alfarið í hlé.
SS stöðvar vinsælar aug-
lýsingar fyrirtækisins þar
sem Kjartan Guðjónsson
leikari fer á kostum sem
Árni pylsusali. Ástæðan
er sú að umræða um
gamlan nauðgunardóm
Kjartans kemur upp á
yfirborðið á Twitter en
forsvarsmenn fyrirtækis-
ins voru ekki meðvitaðir
um hann.
Dragháls 14-16 Sími 412 1200
110 Reykjavík www.isleifur.is
Straumhvörf
í neysluvatnsdælum
Grundfos Scala 3-45
Álagsstýrð, heldur jöfnum þrýsting og
hljóðlát. Dregur vatn allt að 8 metra
Innbyggð þurrkeyrsluvörn
Afkastar 8 aftöppunar stöðvum