Dagblaðið Vísir - DV - 28.12.2018, Síða 36

36 28. desember 2018
BILASALA
REYKJAVIKUR
BILASALA
REYKJAVIKUR
SÍMI: 587 8888 / BÍLDSHÖFÐI 10 / WWW.BR.IS
LAND ROV R DISCOVERY SPORT HSE LUXURY
DYNAMIC BLACK PACK Árgerð 2018, ekinn 7
Þ.KM, dísel, BÍLL MEÐ ÖLLU! sjálfskiptur 9 gírar.
Verð 7.690.000. Rnr.436035.
HYUNDAI IX35. Árgerð 2014, ekinn 129
Þ.KM, dísel, sjálfskiptur 6 gírar. Verð
2.190.000. Rnr.435948.
SKODA OCTAVIA G-TEC BENSIN/METAN
Árgerð 2016, ekinn 36 Þ.KM, bensín, 6
gírar. Verð 2.690.000. Rnr.436087.
ANNÁLL - DESEMBER
Klaustursmál, kratar í
klípu og köld drottning
Tveir þingmenn Flokks fólksins, Ólafur Ísleifsson og Karl Gauti
Hjaltason, voru reknir úr flokknum. Ólafur og Karl sátu á Klaustri og
tóku þátt í umtali um Ingu Sæland, formann flokksins, og nutu ekki
trausts eftir það. Ákváðu þeir eftir þetta að sitja áfram á þingi sem
óháðir þingmenn.
Lilja Dögg Alfreðsdóttir menntamálaráðherra steig
fram í viðtali í Kastljósi og lýsti upplifun sinni á
Klaustursmálinu. Fjölmörg ummæli þriggja Mið­
flokksmanna beindust að henni með mjög klúrum
hætti. Lilja lýsti sínum fyrri félögum sem ofbeldis­
mönnum sem mættu ekki hafa dagskrárvald yfir
umræðunni. Hreyfði viðtalið við mjög mörgum.
Margrét Þórhildur Danadrottning kom til Ís­
lands til að vera viðstödd fullveldishátíðina. Bar
það helst á góma að öldruð drottningin hafi ver­
ið látin dúsa úti í miklum kulda og roki á meðan
löng athöfn fór fram. Urðu margir Danir móðg­
aðir vegna meðferðar á hennar hátign.
Bára Halldórsdóttir steig fram sem uppljóstrarinn á Klaustri. Bára er samkynhneigð kona með fötlun og
blöskraði það tal sem hún heyrði hjá þingmönnunum. Eftir að Bára steig fram stefndu fjórir þingmenn
Miðflokksins henni fyrir dóm. Héldu þeir fram að Bára hefði haft vitorðsmenn við að hljóðrita samtalið.
Ágúst Ólafur Ágústsson, þingmaður Samfylkingarinnar, var settur í
tveggja mánaða straff af flokk sínum. Bára Huld Beck, blaðamaður
Kjarnans, tilkynnti kynferðislega áreitni af hans hálfu til flokksins
og var það tekið fyrir hjá siðanefnd.
Upplýst var að siðanefnd Samfylkingarinnar hefði verið verið
stofnuð vegna mála sem upp komu tengd þingmanninum Helga
Hjörvari sem sat árin 2003 til 2016. Var hann sakaður um alvarlega
kynferðislega áreitni af nokkrum konum.
Mikil reiði braust út vegna meðferðar ungs manns, Jóhanns Þórs
Arnarssonar, á kattarhræi. Félagi hans hafði keyrt á köttinn fyrir
slysni og tekið upp óviðeigandi myndskeið af leik með hræið. Athæf­
ið varðaði ekki við lög en þeir sem komu við sögu fengu að kenna á
reiði netverja og fengu margar hótanir.