Morgunblaðið - 09.11.2018, Síða 8
8 FRÉTTIRInnlent
MORGUNBLAÐIÐ FÖSTUDAGUR 9. NÓVEMBER 2018
rmúla 24 • S. 585 2800Á
Picasso
Nokkrir háttvirtir þingmennSamfylkingar og Pírata telja
að borið hafi „á því að ávarpsorðin
„háttvirtur þingmaður“ og „hæst-
virtur ráðherra“ séu notuð til að
hæðast að stjórnmálamönnum“ og
hafi þá snúist upp í andhverfu sína.
Meðal annars af
þeim sökum beri að
hætta að nota þessi
ávarpsorð á Alþingi.
Þetta er auðvitaðgrafalvarlegt
mál og víst að óhug
setur að lands-
mönnum að þeir séu
til sem hæðist að
þingmönnum.
En að einhverjirhafi notað orðið háttvirtur til
að hæðast að háttvirtum varaþing-
mönnum og þingmönnum Margréti
Tryggvadóttur, Loga Einarssyni og
Smára McCarthy er langt gengið.
Þá er ekki annað að gera en hættanotkun orðanna.
Það verður líka að hafa í huga aðsíðast þegar slakað var á
reglum sem fram að því þóttu heldur
hafa stuðlað að háttvísi í þingsal náði
breytingin fyllilega markmiði sínu.
Nú geta þingmenn klæðst þvísem þeim sýnist og þingið hef-
ur ekki í annan tíma verið ómál-
efnalegra og uppteknara af inn-
antómu þrasi og aukaatriðum.
Og það hentar málefnalausum Pí-rötum vel.
Eftir að háttvirtir þingmenn Sam-fylkingar fengu aukaaðild að
Pírötum hentaði breytingin þessum
háttvirtu þingmönnum ekki síður.
Logi Einarsson
Fyrrum háttvirtir
alþingisþingmenn
STAKSTEINAR
Smári McCarthy
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Guðrún Erlingsdóttir
ge@mbl.is
Um hádegisbil í gær höfðu um 30%
félagsmanna SFR stéttarfélags og
16% félagsmanna Starfsmanna-
félags Reykjavíkurborgar kosið um
sameiningu félaganna. Rafræn at-
kvæðagreiðsla hófst klukkan 12
þriðjudaginn 6. nóvember og lýkur
klukkan 12 í dag. Ef af sameiningu
félaganna verður mun nýtt félag
telja 10.300 félagsmenn, sem er nær
helmingur félagsmanna BSRB.
„Atkvæðagreiðslan gengur vel og
að mínu mati er kosningaþátttakan
ansi góð,“ segir Árni Stefán Jóns-
son, formaður SFR stéttarfélags.
Kosningu lýkur um hádegi í dag og
að sögn Árna Stefáns ættu niður-
stöður, ef ekkert óvænt kemur upp
á, að liggja fyrir milli klukkan eitt
og tvö.
„Þátttakan er betri og meiri stíg-
andi í henni heldur en við þorðum
að vona. Enn er hægt að kjósa og ef
fram heldur sem horfir þá verður
ekki annað hægt að fagna góðri
kosningaþátttöku,“ segir hann.
„Ég hefði viljað sjá meiri þátt-
töku félagsmanna í kosningu um
sameiningu við SFR en þau 16%
sem komin voru um hádegi. En fé-
lagsmenn hafa tækifæri til þess að
kjósa til hádegis á föstudag og ég
vona að við fáum sem flesta til þess
að kjósa,“ sagði Garðar Hilmarsson,
formaður Starfsmannafélags
Reykjavíkurborgar um hádegisbil í
gær, en hann var í óðaönn ásamt
starfsmönnum félagsins að ýta við
félagasmönnum að kjósa.
Garðar segir að það ætti ekki að
taka langan tíma að fá niðurstöður
úr rafrænu kosningunum en fé-
lagsmönnum stóð einnig til boða að
kjósa á skrifstofu félagsins.
„Ég vonast til þess að félagsmenn
taki afstöðu og kjósi um samein-
inguna. Við getum leitt hestinn að
vatnsbólinu en ekki neytt hann til
þess að drekka,“ segir Garðar
Meiri kjörsókn
félagsmanna SFR
10.300 manns yrðu í sameinuðu félagi
Garðar
Hilmarsson
Árni Stefán
Jónsson
Borgaraþjónusta utanríkisráðuneyt-
isins hefur verið í sambandi við
Íslendingana tvo sem handteknir
voru í Ástralíu nýverið. Eru þeir
grunaðir um stórfelldan innflutning á
kókaíni til landsins, eða hátt í sjö kíló
alls. Mennirnir eru 30 ára og 25 ára.
Sveinn H. Guðmarsson, upplýs-
ingafulltrúi utanríkisráðuneytisins,
segir hlutverk borgaraþjónustunnar
að veita aðstoð Íslendingum sem lent
hafa í vandræðum erlendis. Hafa
starfsmenn ráðuneytisins einnig ver-
ið í samskiptum við fjölskyldur
beggja manna. Sveinn vildi ekki stað-
festa hvort borgaraþjónustan ynni
einnig að því að útvega mönnunum
lögmenn, en það er meðal þjónustu
sem ráðuneytið getur veitt í tilfellum
þar sem Íslendingar komast í kast við
lögin á erlendri grundu. Íslending-
arnir voru handteknir síðastliðinn
mánudag. Í tilkynningu frá áströlsk-
um yfirvöldum kemur meðal annars
fram að annar þeirra hafi verið hand-
tekinn á alþjóðaflugvellinum í Melbo-
urne eftir að landamæraverðir fundu
mikið magn fíkniefna falið í ferða-
tösku hans. Var hann þá nýkominn til
Ástralíu með flugi frá Hong Kong.
Hinn maðurinn var handtekinn á hót-
elherbergi. Við leit þar fundu lög-
reglumenn einnig talsvert magn
fíkniefna.
Borgaraþjónustan veitir aðstoð
Hafa verið í sambandi við hina hand-
teknu í Ástralíu og fjölskyldur þeirra
Ljósmynd/Australian Boarder Force
Gómaðir Fíkniefni voru falin í
ferðatösku annars mannanna.