Morgunblaðið - 09.11.2018, Side 14

14 FRÉTTIRInnlent
MORGUNBLAÐIÐ FÖSTUDAGUR 9. NÓVEMBER 2018
Ágúst Ingi Jónsson
aij@mbl.is
Staðsetning nýrra íbúðarhúsa á
reitnum við Sjómannaskólann nær
langt út fyrir þann reit sem afmark-
aður var í auglýsingu borgarinnar í
sumar samkvæmt kynningu fyrir-
tækisins Vaxtarhúsa fyrr í haust. Á
þetta er bent á Facebókarsíðu Salt-
fiskmóans, sem eru íbúasamtök
fólks í nágrenninu er vilja m.a.
vernda gamalt stakkstæði efst á
Rauðarárholti. Á fundi í skipulags-
og samgönguráði borgarinnar í
fyrradag óskuðu fulltrúar
Sjálfstæðisflokksins eftir skýringum
á málinu.
Forsaga málsins er sú að í vetur
auglýsti Reykjavíkurborg eftir hug-
myndum til þess að auka framboð af
hagkvæmu húsnæði fyrir meðal ann-
ars ungt fólk og fyrstu kaupendur.
Gert ráð fyrir íbúabyggð
í þróunarvinnu á svæðinu
Sextíu og átta aðilar sendu inn er-
indi, samkvæmt því sem fram kemur
í auglýsingu frá skrifstofu eigna- og
atvinnuþróunar um næsta stig verk-
efnisins. Þar var óskað eftir sam-
starfsaðilum um uppbyggingu á
völdum reitum í borginni og með
fylgdu útlínur byggingarreita. Á
Sjómannaskólareit segir að gert sé
ráð fyrir um 40 íbúðum á fjölbýlis-
húsalóðum. Samþykkt deiliskipulag
frá 1996 gerir ekki ráð fyrir íbúða-
byggð þarna.
Um reitinn segir meðal annars í
auglýsingunni: „Þróun svæðisins er
nýhafin en gert er ráð fyrir því að
þar bætist íbúabyggð. Í aðalskipu-
lagi segir meðal annars um svæðið:
Þéttleiki nýrrar byggðar taki al-
mennt mið af yfirbragði núverandi
byggðar og nýtingarhlutfalli á að-
liggjandi lóðum, sbr. ákvarðanir þar
um í hverfis- og eða deiliskipulagi.
Í þeirri vinnu sem er að hefjast
verða skilgreindir nýjir reitir fyrir
íbúðauppbyggingu. Þegar er búið að
gefa vilyrði til Félags eldri borgara í
Reykjavík og byggingarfélags
námsmanna. Þriðji byggingaraðilinn
á þróunarreitnum mun byggja hag-
kvæmt húsnæði.“
Matsnefnd á vegum borgarinnar
fór yfir innsendar tillögur og að því
loknu voru samstarfsaðilar valdir til
að hanna og byggja á reitunum sam-
kvæmt ákveðnum gefnum for-
sendum. Rík áhersla er lögð á að
framkvæmdir hefjist sem fyrst og
gangi hratt fyrir sig, samkvæmt því
sem fram kemur á heimasíðu borg-
arinnar. Á fundi 2. nóvember, fór
Dagur B. Eggertsson borgarstjóri
yfir verkefnið en síðan kynntu sam-
starfsaðilar frumhugmyndir sínar. Í
kynningu fyrirtækisins Vaxtarhús,
sem er aðgengileg á vef borgar-
innar, má sjá hvernig 18 húsum er
raðað á reitinn norðvestan við Stýri-
mannaskólann.
Sjö byggingar af 18 innan
framkvæmdasvæðis
Við það hafa Íbúasamtökin Vinir
saltfiskmóans ýmislegt að athuga
eins og lesa má á Facebooksíðu
hópsins. Segir þar að samkvæmt til-
lögu Vaxtarhúsa nái staðsetning
bygginga langt út fyrir það landrými
sem afmarkað hafi verið í auglýs-
ingu skrifstofa eigna- og atvinnu-
þróunar sem birtist 1. júní.
Samkvæmt tillögunni lendi aðeins
sjö byggingar af 18 innan þess land-
svæðis sem skilgreint var sem fram-
kvæmdasvæði í auglýsingunni, en
níu byggingar lendi inni í Salt-
fiskmóanum, þar af fjórar byggingar
í stakkstæði frá 1920. Bent er á að
það sé hið síðasta sinnar tegundar í
Reykjavík en aðeins örfáir mánuðir
séu þar til það teljist til fornminja
samkvæmt lögum um menning-
arminjar og nyti þar með friðunar.
Tvö húsanna vestast á svæðinu,
lendi inni á lóð Háteigskirkju.
Íbúasamtökin Vinir Saltfiskmóans
voru sett á laggirnar í fyrravetur er
fréttist af áformum um byggingu á
gamla saltfiskreitnum. Markmið
hópsins er að standa vörð um Salt-
fiskmóann, en þar var saltfiskur
þurrkaður frá því um 1920 og fram
eftir síðustu öld. Einnig til að vernda
þetta útivistarsvæði í þéttri byggð á
þessum slóðum.
Fyrirspurn sjálfstæðismanna
Fyrir nokkru var af hálfu borg-
arinnar settur upp standur með
myndum og upplýsingum um fisk-
reitinn í Saltfiskmóanum og fisk-
þurrkun víða um borgina á árum áð-
ur. Í móanum efst á Rauðarárholti
var fiskur m.a. þurrkaður á vegum
Kveldúlfs en flestir aðrir þurrkreitir
í borgarlandinu eru nú komnir undir
vegi, hús og önnur mannvirki.
Á miðvikudag lögðu fulltrúar
Sjálfstæðisflokks í skipulags- og
samgönguráði borgarinnar fram
beiðni þar sem óskað er eftir skýr-
ingum vegna þess ósamræmis sem
birtist í kynningu Vaxtarhúsa ann-
ars vegar og auglýsingu borgarinnar
frá 1. júní hins vegar. Er hún efn-
islega svipuð athugasemdum Vina
saltfiskmóans. Erindinu var vísað til
umsagnar fjármáladeildar umhverf-
is- og skipulagssviðs.
Húsin staðsett utan auglýsts reits
 Íbúasamtök segja aðeins sjö hús af 18 vera á afmörkuðu landrými  Skýringa óskað í skipulags-
og samgönguráði  Vaxtarhús hyggjast byggja hagkvæmt húsnæði á reitnum við Sjómannaskólann
Saltfiskmóinn Rauðar útlínur sýna auglýst byggingasvæði í kynningu borgarinnar í júní. Húsunum er raðað á
svæðið við Sjómannaskólann samkvæmt kynningu fyrirtækisins Vaxtarhúsa 2. nóvember. Myndin er sótt á Face-
book-síðu Vina saltfiskmóans og af hálfu íbúasamtakanna hafa þau hús verið lituð rauð sem eru utan reitsins.
Ljósmynd/Vinir saltfiskmóans
Fræðsla Guðjón Friðriksson, sagnfræðingur, segir frá söguminjum og
merkum byggingum á Sjómannaskólareitnum á menningarnótt í sumar.
„Það hefur ekkert verið neglt niður hvað okkur varðar og það er eftir að
semja um alla þætti,“ segir Hreinn Loftsson, stjórnarformaður fyrirtæk-
isins Vaxtarhúsa, sem hyggst byggja um 40 íbúðir á Sjómannaskóla-
reitnum í samvinnu við borgaryfirvöld. Hann segir að vinna við deiliskipu-
lag sé eftir og sömuleiðis grenndarkynningar. „Ef okkur verður hins vegar
afmarkaður reitur norðvestast á svæðinu við Sjómannaskólann þá göng-
um við út frá því að verja hluta af móanum og sýna sögunni og gömlum
atvinnuháttum virðingu,“ segir Hreinn.
Hann segir að Vaxtarhús hafi sent borginni ýmsar hugmyndir um íbúð-
arhús við Sjómannaskólann og ekki hafi verið fest endanlega niður hvar
hver þeirra þriggja aðila verði sem rætt hafi verið um að byggi á svæðinu.
Í raun hafi verið um að ræða sýnishorn og skissur á því hvernig byggingar
Vaxtarhúsa gætu litið út og hugmyndafræði að baki verkefninu.
Spurður um staðsetningu þeirra 18 húsa sem sjá má á teikningum frá
Vaxtarhúsum ítrekar Hreinn að ekkert sé endanlegt í þeim efnum. Hvorki
staðsetning, fjöldi húsa né fjöldi íbúða í hverju þeirra. „Það er búið að
gefa út að það verði gengið til viðræðna um þessa lóð, en eftir er að
semja um alla þætti þessa verkefnis,“ segir Hreinn. Væntanlega komi
fyrirtækið að vinnu við deiliskipulag og frekari útfærslu á þessum þróun-
arreit ásamt fulltrúum þeirra annarra sem hafa fengið vilyrði fyrir lóð við
Sjómannaskólann.
Sýnum sögunni virðingu
EFTIR ER AÐ SEMJA UM ALLA ÞÆTTI VERKEFNISINS, SEGIR
STJÓRNARFORMAÐUR VAXTARHÚSA
Borgarsögusafn vinnur nú að úttekt á minjum á svæðinu við Sjómanna-
skólann, meðal annars í Saltfiskmóanum. „Áður en teknar verða ákvarð-
anir um byggingarreiti við Sjómannaskólann eða deiliskipulag þarf
skýrsla safnsins að liggja fyrir og formleg umfjöllun í nefndum og ráðum
borgarinnar,“ segir Björn Axelsson, skipulagsfulltrúi Reykjavíkur.
Hann segir að eftir sé að afmarka móann betur og hvaða minjar séu
þar. Verkefnið framundan sé síðan að vinna að því með Vaxtarhúsum, Fé-
lagi eldri borgara og Byggingafélagi námsmanna að þróa deiliskipulag á
reitnum. Um allstórt svæði sé að ræða sem rúmi margar byggingar. Burt-
séð frá Saltfiskmóanum séu önnur tækifæri á reitnum við Sjómannaskól-
ann sem verði þá frekar horft á til að byrja með.
Unnið að skráningu minja
VINNA VIÐ DEILISKIPULAG FRAMUNDAN