Morgunblaðið - 29.11.2018, Page 52

Þóra Sigurðardóttir
thora@mbl.is
Nautaþynnur með
sesamsojadressingu
600 g nautalund
olía til að pensla með
salt og pipar
Snyrtið nautalundina og þerrið
hana vel með pappír. Penslið
hana með olíu og kryddið með
salti og pipar. Hitið pönnu þar til
hún er blússandi heit og steikið
kjötið í 1 mínútu á báðum hliðum.
Vefjið kjötið inn í eldhúspappír
og plastfilmu og geymið í kæli í
a.m.k. 2 klst en það má geyma
það yfir nótt eða jafnvel tvær.
Skerið kjötið svo eins þunnt og
þið getið. Kjötið á að skera þvert
á kjötþræðina eins og lundin
liggur.
Sesam-sojadressing
4 skalottlaukar, fínt saxaðir
1 msk. hrísgrjónaedik
1 msk. vatn
½ msk. sykur
Svolítill svartur pipar
4 msk. olía
4 msk. sesamolía
3 msk. sojasósa
Söxuð fersk kóríanderlauf eftir
smekk
Blandið öllu saman í skál.
Á diskinn:
2 nashi-perur (eða venjulegar perur),
fínt skornar
100 g parmesanostur, rifinn
4 msk. salthnetur, muldar
Raðið kjötinu á disk og setjið
dressinguna yfir. Dreifið perunum,
parmesanostinum og salthnetunum
yfir og berið fram.
Út er komin bókin Grillmarkaðurinn,
sem inniheldur úrval bestu og þekkt-
ustu uppskrifta veitingastaðarins vin-
sæla. Í bókinni er jafnframt að finna
uppskriftir sem eru ekki lengur á mat-
seðli og hefur verið sárt saknað. Nokk-
uð ljóst er að þessi bók er mikill hval-
reki fyrir aðdáendur Grillmarkaðarins.
Ljósmynd/Björn Árnason
Jólabókin í ár?
Bókin um Grill-
markaðinn er
komin í verslanir.
Jólaforrétturinn í
ár Líklegt má
telja að aðdá-
endur Grillmark-
aðsins muni bjóða
upp á þennan for-
rétt um jólin.
Nautaþynnur með
sesam-sojadressingu
Vinsæl Hrefna
Rósa Sætran á
fjölda aðdáenda
um land allt.
MORGUNBLAÐIÐ FIMMTUDAGUR 29. NÓVEMBER 2018