Morgunblaðið - 02.02.2019, Side 18

18 FRÉTTIRInnlent
MORGUNBLAÐIÐ LAUGARDAGUR 2. FEBRÚAR 2019
160,2 m2 endaraðhús á einni hæð með bílskúr
innst í botlanga. Skemmtilegt skipulag. Mikil
lofthæð og innfelld lýsing.
Gólfhiti. Steypt bílaplan
með hitalögn og steypt
verönd. Timburverönd með
heitum potti og útisturtu.
Fallegt útsýni er frá
húsinu. V. 70,0 m.
Einar Páll Kjærnested, löggiltur fasteignasali
Þverholti 2 // Mosfellsbæ // Sími 586 8080
fastmos.is // fastmos@fastmos.is
Sigurður Gunnarsson
Löggiltur fasteignasali
S. 899 1987
Svanþór Einarsson
Löggiltur fasteignasali
S. 698 8555
Vel staðsett 267,8 m2 einbýlishús á einni hæð. Eignin er
skráð 267,8 m2, íbúð 194,7 m2, garðstofa 22,8 m2, bílskúr
50,3 m2 og skiptist í stofu, borðstofu, eldhús, geymslu, tvö
baðherbergi, sjónvarpshol, fjögur svefnherbergi og þvotta-
hús. Einnig er til staðar 32,6 m2 sólskýli sem ekki er skráð í
fermetratölu. Stórt bílaplan er fyrir framan húsið með
snjóbræðslu og gönguleið að húsi og meðfram húsi að
austanverðu og aftan við
hús að sunnanverðu.
V. 99,5 m.
Opið hús mánudaginn 4. febrúar frá kl. 17:00 til 18:00
Vogatunga 82 - 270 Mosfellsbær
Opið hús þriðjudaginn 5. febrúar frá kl. 17:30 til 18:00
Hamratangi 15 - 270 Mosfellsbær
Eltak sérhæfir sig í sölu
og þjónustu á vogum
Bjóðum MESTA úrval
á Íslandi af smáum
og stórum vogum
VIÐTAL
Guðni Einarsson
gudni@mbl.is
Björn Zoëga, fyrrverandi forstjóri
Landspítalans, tekur við starfi for-
stjóra Karólínska sjúkrahússins í
Stokkhólmi fyrir mitt árið. Hann
sótti ekki um starfið en var beðinn að
hitta stjórn sjúkrahússins á fundi. Í
framhaldi af því fór hann í ákveðið
ferli, gekkst undir próf og var síðan
ráðinn í starfið.
Björn er annar Íslendingurinn
sem verður forstjóri sjúkrahússins.
Birgir Jakobsson, fyrrverandi land-
læknir og nú aðstoðarmaður heil-
brigðisráðherra, var forstjóri Karól-
ínska sjúkrahússins 2007-2014. Björn
telur að það sé algjör tilviljun að tveir
Íslendingar hafi verið ráðnir til að
gegna stöðunni.
Karólínska stofnunin er mjög virt
vísindastofnun og með þeim merkari
á Norðurlöndum. Hún fellur ekki
beint undir forstjóra sjúkrahússins.
Mikið samstarf er þó á milli sjúkra-
hússins og stofnunarinnar og mikið
af vísindavinnu hennar byggist á því
starfi sem unnið er á sjúkrahúsinu,
að sögn Björns.
Við stjórnun og aðgerðir
Björn lét af starfi forstjóra Land-
spítalans 2013. Fyrst eftir það rak
hann ásamt öðrum NextCode Health
í Reykjavík og Boston í 14 mánuði.
Þá keypti stórfyrirtæki NextCode
Health. Eftir það kom Björn að verk-
efni í heilbrigðisráðuneytinu í um
hálft ár. Það snerist um skipulag
heilbrigðisþjónustu og stefnumótun.
Björn var ráðinn forstjóri sérhæfðs
einkasjúkrahúss GHP á sviði hryggj-
arskurðlækninga í Stokkhólmi í des-
ember 2015 . Hann hefur starfað þar
í rúm þrjú ár. Auk þess tók hann að
sér önnur verkefni innan GHP-
samstæðunnar og er m.a. í fram-
kvæmdastjórn móðurfélagsins.
Hann sleit þó aldrei tengslin við Ís-
land.
„Frá því ég hætti sem forstjóri á
Landspítalanum gerði ég aðgerðir á
Íslandi og var með móttöku alveg
þangað til í nóvember 2018. Það
hentaði ekki spítalanum lengur hvað
ég varð að vinna óreglulega við
þetta,“ sagði Björn. Hann kvaðst
hafa haldið sér í þjálfun sem bækl-
unarskurðlæknir og gert aðgerðir í
Svíþjóð allan tímann sem hann
stjórnaði heilbrigðisstofnunum bæði
í Stokkhólmi og Gautaborg.
„Á síðasta ári gerði ég til dæmis
160 tiltölulega flóknar aðgerðir með-
fram stjórnunarstörfum. Það voru
töluvert fleiri aðgerðir en ég gerði á
Íslandi þegar ég var að halda mér við
þar,“ sagði Björn. „Það var sagt þeg-
ar ég tók við forstjórastarfinu á
Landspítalanum að ég ætti ekkert að
vera í læknisverkunum áfram. Ég
gerði það nú samt.“ Hann kvaðst
ekki reikna með að hafa tíma til að
gera aðgerðir fyrstu mánuðina eftir
að hann tekur við nýja forstjórastarf-
inu. Svo mun tíminn leiða í ljós
hvernig framhaldið verður.
Stór verkefni bíða á nýjum stað
Stór verkefni bíða nýs forstjóra
Karólínska sjúkrahússins. Það er
rekið á tveimur aðalstöðum og svo
nokkrum minni. Spítalinn var að
flytja í glænýtt húsnæði í miðborg
Stokkhólms sem hefur verið í bygg-
ingu í allmörg ár. Það er að margra
mati fullkomnasta sjúkrahúsbygging
á Norðurlöndum. Húsið rúmar um
helming starfsemi spítalans. Björn
sagði það vera stórt verkefni að fá
starfsemina til að virka sem best í
nýja húsinu. Um það hefur ekki verið
fullkomin sátt á meðal starfsfólksins.
Hinn meginhluti spítalans er í hús-
næði sem var byggt um 1970. Ráðist
verður í miklar endurbætur á því.
Hitt stóra verkefnið sem bíður
Björns er að glíma við reksturinn en í
fyrra var halli á spítalanum upp á ríf-
lega 10 milljarða íslenskra króna.
Björn mun leiða aðgerðir sem miða
að því að ná jafnvægi í rekstrinum.
Heilbrigðiskerfið á stór-Stokk-
hólmssvæðinu hefur gengið í gegn-
um mikla endurskipulagningu. Íbú-
um hefur fjölgað mikið á starfssvæði
spítalans á síðasta áratug. Karól-
ínska sjúkrahúsið gegnir lykilhlut-
verki í endurskipulagningunni.
Líklega ákært í plastbarkamáli
Plastbarkamálið kemur upp í hug-
ann þegar minnst er á Karólínska
sjúkrahúsið. Björn segir að málinu sé
ekki lokið þótt bæði sjúkrahúsið og
háskólahlutinn telji að málinu sé að
mestu lokið af þeirra hálfu. Skipt hef-
ur verið um stjórnir og stjórnendur
sem komu að málinu.
„Það sem er ólokið hér, samkvæmt
fjölmiðlum, er að saksóknari er enn
með málið hér í Svíþjóð. Hann hefur
sagt að líklega verði gefnar út saka-
málaákærur í málinu einhvern tíma á
næstunni. Málið verður þá rifjað upp
enn og aftur og reynt að læra af þeim
mistökum sem virðast hafa orðið
þarna,“ sagði Björn.
Hann var spurður álits á stöðunni í
íslenska heilbrigðiskerfinu. Björn
kvaðst hafa reynt að halda sig utan
við umræðuna um það enda haft nóg
á sinni könnu. Hann kvaðst oft hafa
sagt það þegar hann var forstjóri
Landspítalans að það þyrfti að huga
vel að því að þjóðin væri að eldast,
þau orð væru í fullu gildi. „Það er
hvernig hægt er að hugsa vel um
gamla fólkið. Það þarf að huga að
opnun fleiri hjúkrunarheimila og
hvernig við ætlum að þjónusta aldr-
aða. Það þarf skýra stefnu um hvern-
ig við ætlum að þróa heilbrigðiskerfið
og hver á að gera hvað,“ sagði Björn.
Hann kvaðst vera ánægður með
alla áfanga sem nást við nýjan Land-
spítala. „Við erum orðin allt of sein
með þessar framkvæmdir. Ég er viss
um að þetta kostar meira eftir því
sem tíminn líður. Það kallar á alls
konar endurbætur á eldra húsnæð-
inu um leið og það nýja verður byggt.
Það hefur oft verið sýnt fram á að
það er dýrara að reka spítalann í
tvennu lagi. Það hefði verið hægt að
spara mikið fé með því að gera þetta
hraðar og byrja fyrr að byggja. En
það á að fagna því að loksins er byrj-
að að byggja, sjúkrahótelið tilbúið og
líka búið að koma upp jáeindaskann-
anum sem Íslensk erfðagreining
gaf.“
Með fangið fullt af verkefnum
 Björn Zoëga verður forstjóri Karólínska sjúkrahússins  Stór verkefni bíða nýja forstjórans
 Gerði 160 aðgerðir í fyrra meðfram stjórnunarstörfum  Fagnar framkvæmdum við Landspítala
Morgunblaðið/Ómar
Forstjórinn Björn Zoëga var forstjóri Landspítalans og tekur nú við stjórn
Karólínska sjúkrahússins í Stokkhólmi, sem er mun stærri stofnun.
Björn Zoëga bæklunarskurðlæknir er fæddur 1964 í Reykjavík. Hann lauk
læknaprófi frá HÍ 1990, nam bæklunarskurðlækningar við Sahlgrenska
háskólasjúkrahúsið í Gautaborg og lauk doktorsprófi 1998.
Karólínska sjúkrahúsið í Stokkhólmi, þar sem Björn verður forstjóri, er
annað af tveimur stærstu sjúkrahúsum Svíþjóðar. Sahlgrenska háskóla-
sjúkrahúsið í Gautaborg er ámóta stórt. Bæði eru þau mjög stór á evr-
ópskan mælikvarða. Við Karólínska sjúkrahúsið starfa um 16 þúsund
manns og þar eru um 1.400 rúm. Ársvelta spítalans er um 18 milljarðar
sænskra króna sem er jafnvirði 239 milljarða íslenskra króna. Til sam-
anburðar má nefna að á Landspítalanum starfa um 5.500 manns og í árs-
lok 2017 voru þar 669 sjúkrarúm. Rekstrarkostnaður Landspítalans 2017
var um 65 milljarðar króna.
Stórt á evrópskan mælikvarða
KARÓLÍNSKA SJÚKRAHÚSIÐ Í STOKKHÓLMI
Á fundi umhverfis- og heilbrigðis-
ráðs Reykjavíkur í vikunni var
lögð fram tillaga um að selir
fengju friðhelgi á strandsvæðum
og við árósa í Reykjavík, en af-
greiðslu málsins var frestað.
Í tillögunni er gert ráð fyrir að
allri veiði á bæði land- og útsel
verði hætt innan lögsögu borg-
arinnar. Einnig eru aðilar sem
stunda netaveiði í Faxaflóa hvatt-
ir til að gera sitt besta til að
koma í veg fyrir að selir lendi
óvart í netum. Í greinargerð er
bent á að staða beggja stofnanna
sé bágborin og eru báðar teg-
undir á válista.
Borgarlandið verði
griðasvæði sela
Endurbótum á fiskmjölsverksmiðju
HB Granda á Vopnafirði er lokið
og allt er klárt til að taka á móti
fyrstu fiskförmum ársins, segir á
heimasíðu fyrirtækisins. End-
urbæturnar fólust í því að eiming-
artæki verksmiðjunnar voru end-
urnýjuð. Nýju tækin munu hafa
raforkusparnað í för með sér og
einnig er vonast til að afköst auk-
ist.
Á heimasíðu HB Granda segir að
vonir standi til að kolmunnaveiðar
vestur af Írlandi hefjist fljótlega og
það verði því væntanlega kolmunni
sem fyrst verði unninn í endur-
bættri verksmiðju á Vopnafirði.
Endurbætt verk-
smiðja á Vopnafirði