Morgunblaðið - 17.04.2019, Blaðsíða 58

58 MENNING
MORGUNBLAÐIÐ MIÐVIKUDAGUR 17. APRÍL 2019
fyrir heimilið
Sendum
um
land allt
Tjarnargötu 2 | 230 Reykjanesbæ | Sími 421 3377 | bustod@bustod.is | www.bustod.is
Fallegar vörur
Stóll á snúningsfæti
í ítölsku nautsleðri
75 cm á breidd
Verð frá 120.000 kr.
Árni Matthíasson
arnim@mbl.is
Alþjóðleg bókmenntahátíð verður
haldin í Reykjavík í fjórtánda sinn
í næstu viku, hefst miðvikudaginn
24. apríl og stendur til 27. apríl.
Hátíðin verður haldin í Iðnó, Nor-
ræna húsinu og Veröld – húsi Vig-
dísar, en næstkomandi þriðjudag,
degi fyrir setningu hátíðarinnar
hér fyrir sunnan, verður sérstök
bókmenntadagskrá með íslenskum
og erlendum höfundum í menning-
arhúsinu Hofi á Akureyri. Aðgang-
ur að hátíðinni norðan heiða og
sunnan er ókeypis, en einnig er
hægt að fylgjast með dagskrá há-
tíðarinnar í streymi á vefsetri
hennar.
Svipað umfang
Stella Soffía Jóhannesdóttir
stýrir hátíðinni líkt og undanfarin
ár og segir að umfang hennar sé
svipað og áður, en hún hafi þó
heldur verið að stækka síðustu ár-
in. „Það er sambærilegur höfunda-
fjöldi og dagskrárviðburðir, en það
sem ber nýtt við núna eru alþjóð-
legu bókmenntaverðlaunin sem
kennd eru við Halldór Laxness.“
Hún segir að aðstandendur há-
tíðarinnar hleri hjá útgefendum
hvað sé að koma út af þýddum
bókum þegar valdir eru höfundar
á hátíðina, enda finnist þeim alltaf
skemmtilegt ef það tekst að fá
hingað höfund sem er að koma út
á íslensku eða nýlega kominn út.
„Það er þó allur gangur á því
hve margir af þeim höfundum sem
eru að koma á hátíðina eru að
koma út eða nýkomnir út og það
koma líka erlendir höfundar hing-
að sem ekki hafa verið þýddir. Það
er nefnilega líka mikilvægt til að
kynna lesendum eitthvað þeir
þekkja ekki fyrirfram, einhvað
sem er nýtt fyrir þeim.“
Ekki sækja bara erlendir höf-
undar hátíðina heim, því þrettán
íslenskir höfundar taka þátt í dag-
skrá hennar eins og nánar er tí-
undað hér fyrir neðan. Stella segir
að mikilvægi hátíðarinnar fyrir ís-
lenskar bókmenntir sé umtalsvert,
til að mynda fyrir innlegg hennar í
almenna bókaumræðu, enda sé
nauðsynlegt að tala meira um
bækur. „Persónulega finnst mér
við aldrei tala nóg um bækur; við
erum feimin við að tala um bækur
sem við höfum ekki lesið en erum
hins vegar óhrædd að tala um
Netflix-þætti sem við höfum ekki
horft á. Það sama ætti að gilda um
bækur og meðal annars vegna þess
er hátíð eins og þessi mjög mikil-
væg. Íslensku höfundarnir fá líka
tækifæri til að lesa upp úr sínum
verkum á óvenjulegum tíma að
þessu sinni, að vori, og svo er líka
mikilvægt fyrir þá að hitta og um-
gangast erlenda kollega sína og
ekki síst alla þá erlendu útgef-
endur og blaðamenn sem eru að
koma til að kynna sér íslenska bók-
menntasenu.“
Eins og Stella nefnir verða á há-
tíðinni afhent í fyrsta sinn alþjóð-
leg bókmenntaverðlaun sem kennd
eru Halldór Laxness. Að verðlaun-
unum standa forsætisráðuneytið,
mennta- og menningarmálaráð-
herra, Íslandsstofa, Forlagið, sem
er útgefandi verka Halldórs Lax-
ness, og Gljúfrasteinn, auk Bók-
menntahátíðar í Reykjavík. „Til-
gangur verðlaunanna er að halda á
lofti verkum Halldórs Laxness
bæði hér á landi og erlendis, og að
varpa ljósi á íslenskar bókmenntir
og menningu í leiðinn. Svo eru
verðlaunin náttúrlega til að heiðra
höfundinn sjálfan sem hlýtur verð-
launin.“
Sautján erlendir,
þrettán innlendir
Sautján erlendir höfundar verða
gestir hátíðarinnar að þessu sinni:
Maja Lunde, Iain Reid, Samanta
Schweblin, Roy Jacobsen, Lily
King, Tom Malmquist, Yoko Ta-
wada, David Foenkinos, Golnaz
Hashemzadeh Bonde, Hakan
Gunday, Simone Van der Vlugt,
John Freeman, Carolina Setter-
wall, Merete Pryds Helle, An-
uradha Roy, Hannelore Cayre og
Roskva Koritzinsky.
Íslensku höfundarnir eru þrett-
án, eins og getið er: Einar Kára-
son, Friðgeir Einarsson, Fríða Ís-
berg, Jónas Reynir Gunnarsson,
Halldór Laxness Halldórsson, Hall-
grímur Helgason, Kamilla Einars-
dóttir, Mazen Maarouf, Ragnar
Helgi Ólafsson, Sigríður Hagalín
Björnsdóttir, Steinunn Sigurðar-
dóttir, Steinunn G. Helgadóttir og
Þóra Hjörleifsdóttir.
Erlendu höfundarnir eru úr
ýmsum áttum, þrír frá Noregi,
þrír frá Svíþjóð, tveir frá Banda-
ríkjunum og eins tveir frá Frakk-
landi og síðan frá Danmörku, Hol-
landi, Argentínu, Kanada,
Tyrklandi, Indlandi og Japan.
Bækur flestra þeirra hafa verið
þýddar á íslensku: á síðasta ári
komu út bækurnar Sæluvíma eftir
Lily King, Það sem að baki býr
eftir Merete Pryds Helle, Ég er
að spá í að slútta þessu eftir Iain
Reid, Etýður í snjó Yoko Tawada
og Hvert andartak enn á lífi eftir
Tom Malmquist. Á þessu ári hafa
komið út Vonum það besta eftir
Carolina Setterwall, Hin ósýnilegu
eftir Roy Jacobsen, Meira eftir
Hakan Günday, Þar sem ekkert
ógnar þér eftir Simone van der
Vlugt, Blá eftir Maja Lunde,
Þakkarskuld eftir Golna Has-
hemzadeh Bonde og Múttan eftir
Hannelore Cayre.
Málþing og meira
Á dagskrá Bókmenntahátíðar
eru ýmsir viðburðir, höfundar
munu lesa upp úr verkum sínum
og ræða um þau, alþjóðlegt mál-
þing verður um Halldór Laxness,
sérstök barnadagskrá á íslensku
og einnig á arabísku, svo dæmi
séu tekin. Bókmenntaverðlaun
Halldórs Laxness verða afhent á
málþinginu um hann, en fyrir-
lestra á því flytja Gerður Kristný,
John Freeman, Mímir Kristjáns-
son, Auður Jónsdóttir, Halldór
Guðmundsson, Karin Haugen og
Tore Renberg.
Sunnudagurinn verður helgaður
þýðendum og þá verður viður-
kenningin Orðstír afhent í þriðja
sinn, en þar er heiðursverðlaun
fyrir þýðendur íslenskra bók-
mennta á erlendar tungur. Einnig
fer verður fjallað um pólskar bók-
menntir í Menningarhúsinu Gerðu-
bergi í samstarfi við Borgar-
bókasafnið og dagskrá með
verðlaunahöfunum verður í Veröld
– húsi Vigdísar.
Tölum ekki nóg um bækur
 Bókmenntahá-
tíð í Reykjavík
hefst í næstu viku
 Bókmennta-
verðlaun Halldórs
Laxness veitt í
fyrsta sinn
Ljósmynd/Gassi
Kamilla
Einarsdóttir
Steinunn G
Helgadóttir
Fríða
Ísberg
Yoko
Tawada
Merete Pryds
Helle
Lily
King
Hannelore
Cayre
Roskva
Koritzinsky
Menningarviðburður
Stella Soffía Jóhannes-
dóttir segir Alþjóðlega
bókmenntahátíð í
Reykjavík mikilvæga
fyrir íslenskar bók-
menntir.
Maja
Lunde
Golnaz H.
Bonde
Þóra
Hjörleifsdóttir
Sigríður Hagalín
Björnsdóttir
Steinunn
Sigurðardóttir
Carolina
Setterwall