Ófeigur - 15.04.1948, Blaðsíða 8
8
ÓFEIGUR
og fús að leggja á sig margháttað erfiði fyrir málefni,
sem hann taldi verðskulda stuðning. Hefir enginn einn
maður lagt jafnmikið fé fram úr eigin sjóði til héraðs-
skólabygginga eins og Vigfús, en næstur honum kom
Magnús Torfason. Nú kom Vigfús fram með reikninga
Tímans og voru þeir ekki glæsilegir. Hann sendi mikið
út af blaðinu en þegar hann bað um borgun buðu flestir
nýliðarnir að láta hann fá sinn pappír heim aftur. Lík-
aði honum ekki sem bezt starfið og dró ekki dulur á,
að eftir næstu lok mundi hann ekki vera lengur í þeirri
vist.
XII.
Ef Vigfús hefði sagt hug sinn allan, mundi hann hafa
bætt því við, að baráttan fyrir Tímanum sem dag-
blaði væri vonlaus. Mönnum þætti blaðið leiðinlegt í
bænum og allt af þunglamalegt fyrir sveitafólk. Menn
vildu hvorki gefa því fé eða borga óumbeðið pappírs-
magn. Forsprakkar flokksins virtust hvorki hafa áhuga-
mál eða getu til að skrifa í blaðið, á þann hátt að sú
vinna bætti fyrir. Prentararnir í Eddu væru ekki ánægðir
við blaðið og héldist á þeim miður en skyldi. Þó að
blaðið væri stór byrði á prentsmiðjunni væri ótrúlega
erfitt að láta enda mætast. Þá var lítil ástæða fyrir
Vigfús að gleðjast yfir vinnubrögðum Halldórs sálma-
skálds eða hinu almenna forystuleysi við blaðið. Verður
Vigfúsi oft þungt í lund, er hann minnist fyrri tíma,
þegar bændur á Mýrunum tóku Tímann á kvöldin að
endaðri vinnu og nutu þeirrar ánægju, að sjá málefni
stéttarinnar túlkuð með nokkrum röskleik og án þess
að undirmál fylgdu.
XIII.
Eftir að fyllilega var komið í ljós, bæði í Tékkósló-
vakíu og Finnlandi, hvað vakti fyrir Rússum með land-
vinningaáformum þeirra og ógnarkúgun í þessum lönd-
um, hófust fundarhöld allmikil í Reykjavík út af þess-
um málum. Er helzt svo að sjá, sem Bjarni Benedikts-
son hafi talið heppilegt að gefa liði kommúnista tækifæri
til að útskýra á opinberum fundum hinn austræna krist-
indóm. Gengu ungir Mbl.-menn fram fyrir skjöldu í þess-
um umræðum. Voru fundir stúdenta tveir. Annar fyrir
eldri háskólaborgara og hinn fyrir nemendur í háskól-