Ófeigur - 15.04.1948, Blaðsíða 10

10
ÓFEIGUR
anlandsmál og í öðru lagi átta þeir sig ekki á að þeir
eru sjálfir kapítalistar í smáum stíl og mundu beita
sér með jafnmikilli hörku gegn því, að láta svifta sig
heimilum og atvinnutækjum eins og ríkari menn, er þeir
verja auð sinn. Ef ríkisvaldið léti taka Hreðavatns-
húsið af Vigfúsi eða hreppstjóri Mývetninga kæmi að
rússneskum sið með erindisbréf frá kommúnistastjórn
í Reykjavík í því skyni að yfirtaka alla bústjórn og
heimilishald í Vogum, þá myndu báðir þessir vösku
Framsóknarmenn minnast upprunans og þúsund ára
sjálfsmennsku bænda á íslandi. Þeir myndu verja eign
og óðul með jafnmiklum sannfæringarkrafti eins og
Sveinn timburhlaða Völundar eða Ólafur fiskhús Kveld-
úlfs. Ef byltingarliðið hefði hér sömu aðstöðu eins og
austan við járntjaldið, mundu hraustir búþegnar eins
og Sigfús í Vogum og Vigfús á Hreðavatni missa lífið
sem fyrstu fórnarlömb hins austræna kristindóms, er
eitt sinn var mjög rómaður í Tímanum.
XV.
Eysteinn Jónsson varð í vetur, eins og nú hefur ver-
ið drepið á, að berjast heila viku á miðstjórnarfundi
þess flokks, sem hann notar nú sér til framdráttar,
við að sanna fyrir samherjum sínum, að ég hafi að
öllu leyti haft á réttu að standa um viðhorfið til bolsi-
vismans, síðan hann og Hermann brugðu heitum og
stefnu flokksins og tóku að sækjast eftir bræðralagi
við fimmtu herdeild Russa hér á landi. Ef Eysteinn
hefði þá látið vera að rjúfa heit og fastmarkaða
stefnu, þá hefði hann nú ekki þurft að beita allri orku
til að bæla niður í hugum gamalla og góðra samherja
út um allt land, þann átrúnað, sem hann hefir átt mest-
an þátt í að skapa á undangengnum sex árum. Þær
raunir, sem hann hefir gengið í gegnum í þessu efni
og sú sorg, sem hann á eftir að hafa af öllu sínu háska-
lega leynibralli við lið Stalins hér á landi, er hin óhjá-
kvæmilega hegning fyrir drýgðar misgerðir. Sagan
um yfirlýsing Vigfúsar og allar afleiðingar þess máls
eiga að geta sannfært leiðtoga ,,gistivina“ um hið ó-
rjúfanlega samband milli orsaka og afleiðinga.
XVI.
Síðasti fundurinn út af yfirgangi bolsivika, var hólm-