Ófeigur - 15.04.1948, Blaðsíða 14

14
ÖFEIGUR
sent sýnishorn til Ameríku, til að auka á þann hátt
hróður þeirra feðga. En um það bil sem friður var sam-
inn, er talið að gerður hafi verið kistill utan um þessi
bein og þau fengin til varðveizlu kaþólska trúboðinu í
Landakoti.
XXI.
Dr. Guðbrandi varð órótt, er hann vissi, að málið
yrði rætt opinberlega. Þóttist hann hafa fengið leyfi
hjá Jóni Magnússsyni, Pálma Pálssyni og Sigurði bún-
aðarmálastjóra, þá kirkjubónda á Hólum. En hér varð
sama reyndin og um doktorshattinn í Greifswald. Hin
skrifuðu fyrirmæli fundust ekki. Börn Pálma og Sig-
urðar höfðu aldrei heyrt feður sína minnast á slíkar
leyfisgjafir, og um Jón Magnússon er vitað, að hann
var bæði gætinn og formfastur embættismaður. Hann
mundi aldrei hafa gefið slíka heimild, og engum síður
en Guðbrandi. Varð Jón um þessar mundir að líta á
Guðbrand sem ógæfusaman einstæðing, í sambandi
við ádeilu Jóns Dúasonar og hlaut að þykja nóg um
athafnasemi þessa einkennilega vísindamanns. Vakti
það almenna eftirtekt, að Guðbrandur stefndi sem vitn-
um þrem mönnum, sem allir voru dánir og höfðu ekki
skilið eftirt neinar heimildir um þessi furðulegu helgi-
spjöll
XXII.
Öllum málsmetandi Skagfirðingum, innan héraðs og
utan, brá mjög í brún, er þeir fengu að vita hið sanna
í málinu. Er Jón biskup hin frægasta og mest dáða
söguhetja í hinu sagnauðga héraði. Höfðu Skagfirð-
ingar sótt líkami þeirra feðga að vetri til suður yfir
öræfi og jarðsett þau á Hólum. Slík líkför hefur aldrei
verið farin á Islandi, hvorki fyrr eða síðar. Skagfirð-
ingar hafa haft uppi mikla fjársöfnun um land allt, til
að byggja voldugan turn hjá Hólakirkju á fjögra alda
dánarafmæli þeirra feðga. En nú hafði Guðbrandur
Jónsson haft bein þessara þjóðardýrlinga að leik-
fangi um 30 ára skeið. Þótti dugandi Skagfirðingum
héraðinu gerð mikil skömm með öllu þessu athæfi og
fóm þeirra við byggingu minnismerkis um þá feðga á
Hólum, snúið upp í fíflskaparmál, ef gröf þeirra var
jafnframt saurguð og það af manni, sem ekki hefði