Dagblaðið Vísir - DV - 15.03.2019, Page 22

22 FÓKUS - VIÐTAL 15. mars 2019
Hjónin Ingileif
og María í einlægu
viðtali um lífið, áföllin,
fordómana og ástina
MYNDIR: HANNA ANDRÉSDÓTTIR/DV
B
laðakona kíkti í heimsókn
til fjölskyldunnar á björtum
laugardegi, fékk að knúsa
nýjasta fjölskyldumeðlim-
inn, hundinn Míló, og ræddi við
þær um lífið og tilveruna. Til að
grennslast örlítið nánar um hverj-
ar þær eru bað blaðakona hjónin
að lýsa hvor annarri.
Ingileif: „María er að verða þrí-
tug á árinu, hún er á miklu brekku-
ári eins og hún segir sjálf. Hún er
algjör hugsjóna- og baráttukona
sem hefur starfað við ýmislegt
sem tengist málefnum sem hún
brennur fyrir. Var formaður stúd-
entaráðs í háskólanum, talskona
druslugöngunnar og starfaði hjá
innanríkisráðuneytinu. Hún þarf
alltaf að vera með mikinn metn-
að fyrir því sem hún er að gera.
Hún fór út í pólitík, sem kom eng-
um á óvart, og starfar í dag sem
aðstoðarmaður Þorgerðar Katrín-
ar, formanns Viðreisnar. Hún er
algjör neglukona, frábær mamma
og eiginkona.“
María: „Ingileif er að verða
26 ára og ég myndi segja að hún
sé svona „alt muligt“-mann-
eskja; fjölmiðlakona, söngkona,
þáttastjórnandi og aktívisiti. Hún
hefur sjálf verið mikið í alls kon-
ar baráttu og hefur verið virk í
hinsegin fræðslu. Stofnaði Hinseg-
inleikann og er að mínu mati frá-
bær fyrirmynd fyrir allt ungt fólk
og hinsegin fólk. Frábær mamma,
geggjuð hundamamma og fyrst og
fremst rosalega góð manneskja
sem má aldrei neitt aumt sjá.“
Ást við fyrstu sýn
María og Ingileif kynntust fyrir
tilstilli sameiginlegrar vinkonu
og má segja að þær hafi orðnar
ástfangnar við fyrstu sýn.
Ingileif: „Við hittumst fyrst 30.
ágúst árið 2013, við vorum búnar
að vera í hvor í sínu partíinu og ég
var að fara með sameiginlegri vin-
konu okkar niður í bæ. Hún ákvað
að koma við í partíinu sem Mar-
ía var í og kippa henni með okkur
niður í bæ. Þannig að við hittumst
í fyrsta skiptið í leigubíl. Við áttum
svo eitthvert augnablik í leigubíln-
um.“
María: „Ég var á þessum tíma
algjörlega búin að gefast upp á
þessu stefnumótalífi og nennti
engan veginn að opna hjarta mitt
fyrir einum eða neinum.“
Ingileif: „Svo kem ég og skemmi
allt!“
Fljótlega eftir komuna niður
í bæ urðu þær viðskila en hittu-
st svo í lok kvölds aftur heima hjá
umræddri sameiginlegri vinkonu.
María: „Við fórum bara að
spjalla og enduðum í sleik. Mjög
beisik. Eldhússleikur heima hjá
vinkonu okkar. Ég vissi ekkert
hvort hún var lesbía eða ekki.“
María ræður ekki við hláturinn
þegar hún rifjar þetta upp.
Sambandið var aldrei spurning
Á þessum tíma var Ingileif ekki
komin út úr skápnum en hafði yfir
sumarið verið að fikra sig nær því.
Hún segir að þegar María kom inn
í líf hennar hafi hlutirnir smollið
saman og að samband þeirra hafi
aldrei verið nein spurning í henn-
ar huga. María sem þá átti fimm
ára gamlan son reyndi að telja
Ingileif á að njóta lífsins, en ekki
festa sig í sambandi með einstæðri
móður.
Ingileif: „María var alltaf að
segja hvað hún væri mikill pakki,
hún ætlaði bara að hrekja mig í
burtu. En henni tókst það ekkert
sérstaklega vel.“
María: „Nei, sem betur fer
ekki. Ég er náttúrlega fjórum árum
eldri og var búin að vera út úr
skápnum í alveg þrjú ár þegar við
kynntumst. Ég ætlaði að hafa eitt-
hvert vit fyrir Ingileif; að ég væri
svo gömul og ætti barn og að hún
þyrfti nú að lifa lífinu. Ég skildi
ekki af hverju þessi tvítuga stelpa
myndi vilja verða stjúpmamma og
taka ábyrgðina á því. En hún bað
mig bara vinsamlegast að virða að
hún gæti ákveðið þetta sjálf. Svo
þetta gekk bara ótrúlega vel, engar
flækjur og aldrei nein spurning.
Það var í raun Ingileif sem róaði
mig svo niður en ekki öfugt.“
Börn fæðast fordómalaus
Þorgeir, sonur Maríu, úr fyrra
sambandi hefur frá þriggja ára
aldri þekkt þekkt móður sína sem
lesbíu. Þær segja hann aldrei hafa
pælt neitt í því enda fæðist börn
fordómalaus.
María: „Börn fæðast ekki með
fordóma og ef maður kynnir fjöl-
breytilekann fyrir þeim þá kippa
þau sér minnst upp við þetta.
Svo finnst honum líka stórfurðu-
leg tilhugsun að ég hafi einhvern
tímann verið með karlmanni. Það
finnst honum óeðlilegt.“
Ingileif: „Eins og með Þorge-
ir, mamma hans hafði átt kær-
ustu þegar hann var pínu lítill og
svo eignast hún aftur kærustu og
honum fannst ekkert óeðlilegt við
það. Þegar þau alast upp við eitt-
hvað þá skiptir það þau engu máli.
En svo var fjöldi krakka, þegar
hann byrjaði í skóla, sem að voru
ekki alveg að skilja þetta. Hann
hefur sem betur fer alltaf svarað
því mjög vel og okkur finnst okkar
fjölskylda alveg jafn eðlileg og allra
Hjónin Ingileif Friðriksdóttir og María Rut
Kristinsdóttir eru mörgum Íslendingum kunn.
Báðar hafa þær verið ötulir talsmenn fyrir baráttu
hinsegin fólks hérlendis, verið áberandi í fjölmiðl-
um sem og samfélagsmiðlum í gegnum störf sín
og aktívisma ásamt því að taka að sér hlutverk
talskonu verðugra málefna.
Aníta Estíva Harðardóttir
anita@dv.is