Dagblaðið Vísir - DV - 26.07.2019, Blaðsíða 2

2 FRÉTTIR 26. júlí 2019
Datt óvart í hagfræði
Ásgeir skráði sig upprunalega
í líffræði í háskóla en hætti
eftir eina önn. Hann ætlaði að
verða læknir eins og langafi
sinn, Páll Kolka, og fékk
vinnu sem aðstoðarmaður á
deild 14G á Landspítalanum,
sem var sérhæfð í gigtar­
sjúkdómum.
Saga skeggsins
Eftir að hafa flosnað úr líf­
fræðinámi kallaði hagfræðin.
Til þess náms má rekja
uppruna skeggsins sem Ásgeir
skartar. Því byrjaði hann að
safna í prófum á öðru ári í
hagfræði árið 1993 og hefur
ekki rakað það af síðan.
Samfélagsmiðlaseinn
Ásgeir byrjaði ekki á Facebook
fyrr en í fyrra og hélt upp á
fyrsta afmælisdaginn sinn
á Facebook þann 21. júní
síðastliðinn þegar hann varð
49 ára.
Hann hefur gefið út
geisladisk
Ásgeir gaf út geisladiskinn
Jón Arason in Memoriam
árið 2003 ásamt þáver­
andi eiginkonu sinni, Gerði
Bolladóttur söngkonu.
Geisladiskurinn innihélt
lög við ljóð Jóns Arasonar
biskups, en Gerður er systir
Jónu Hrannar Bolladóttur
prests.
hlutir sem þú vissir ekki um nýjan seðlabankastjóra
Á þessum degi,
26. júlí
1895 – Eðlis­ og efnafræðingurinn
Marie Curie giftist efnafræðingnum
Pierre Curie í Sceaux í Frakklandi.
1917 – J. Edgar Hoover var ráðinn
til starfa í bandaríska dómsmála­
ráðuneytinu.
1945 – Winston Churchill sagði sig
úr embætti sem forsætisráðherra
Bretlands.
1952 – Eva Perón, forsetafrú
Argentínu, lést úr krabbameini.
Óleikskólagenginn
Ásgeir er sonur Jóns Bjarnasonar, fyrrver­
andi þingmanns Vinstri grænna. Ásgeir
ólst upp í Bjarnarhöfn á Snæfellsnesi og
á Hólum í Hjaltadal. Vegna þess að hann
sleit barnsskónum í sveit gekk hann aldrei
í leikskóla.
Þriggja daga ganga á Íslandi
til að vekja athygli á mergæxli
„Krabbameinið á mig ekki. Ég
mun halda áfram að lifa mínu
lífi alveg sama hvað verður um þetta
krabbamein.
n John fann skyndilega fyrir bakverk
n Reyndist vera ólæknandi mergæxli
1775 – Bandaríska póstkerfinu komið
á laggirnar, Benjamin Franklin var fyrsti
póstmeistarinn.
Síðustu orðin
„Komdu mér á óvart“
– Bandaríski leikarinn og skemmti­
krafturinn Bob Hope aðspurður
af eiginkonu sinni hvar hann vildi
verða jarðaður.
Ásgeir Jónsson var skipaður
seðlabankastjóri í vikunni og tekur
við af Má Guðmundssyni. Ásgeir
er hagfræðingur að mennt, en
hér eru fimm hlutir sem þú vissir
hugsanlega ekki um hann.
M
ergæxli er sjúkdómur
sem á upptök sín í
beinmerg. Krabba­
meinið má rekja til
plasmafrumna, hluta ónæmis­
kerfisins, sem eru staðsettar í
beinmergnum.
„Þetta bókstaflega truflar alla
starfsemi beinmergjarins,“ segir
Bandaríkjamaðurinn John Klatt
í samtali við The Daily News.
John er greindur mergæxli sem
er þó sem betur fer í rénun.
John Klatt ætlar til Íslands
í ágúst í tæplega þriggja daga
göngu til að vekja athygli á
merg æxli. Hann er hluti af 15
manna hóp sem gengur á veg­
um samstarfsverkefnisins Fær­
um fjöll fyrir mergæxli, en það er
samstarfsverkefni milli Banda­
rísku mergæxlis­rannsóknar­
stofnunarinnar og fjölmiðilsins
CURE. Markmið verk efnisins er
að afla styrkja og auka meðvit­
und og von meðal mergæxlis­
sjúklinga.
„Ég hef í gegnum tíðina verið
fremur heilbrigður maður. Ég
var að vesenast í byggingar­
framkvæmdum árið 2016 – við
hjónin vorum að gera upp húsið
okkar – þegar ég fór að finna til í
bakinu,“ segir John.
John hélt að hann hefði
fengið tak í bakið við að klífa
stiga eða lyfta einhverju þungu
í framkvæmdunum, og kippti
sér ekki mikið upp við verkinn.
Þarna hafði hins vegar rauðu
blóðkornum hans fækkað mikið
sem leiddi til þess að John
varð verulega þreyttur og bein­
in hans brothætt. „Síðan byrj­
uðu sprungur að myndast í
hryggjarliðunum. Þaðan kom
sársaukinn þótt ég hafi ekki
komist að því fyrr en nokkru síð­
ar.“
Þegar læknir tilkynnti John
að hann væri með mergæxli
voru horfur hans metnar slæm­
ar. „Læknirinn var ekki bjart­
sýnn og tilkynnti mér að ég ætti
kannski þrjú til fjögur ár eftir
ólifað. En þetta var fyrir þremur
og hálfu ári.“ Krabbamein Johns
er nú í rénun, en það er þó ekki
læknað.
„Mergæxli er svolítið eins og
hlaupabóluvírusinn. Sá vírus er
alltaf í líkama þínum og getur
skotið aftur upp kollinum sem
ristill síðar á lífsleiðinni. Þetta
er eins með mergæxli – það er
þarna ennþá og gæti orðið virkt
aftur. […] Krabbameinsgreining
er hörmuleg og sorgleg. Hins
vegar tel ég það mikilvægt að
láta ekki krabbameinið yfirtaka
líf sjúklingsins. Krabbameinið
á mig ekki. Ég mun halda áfram
að lifa mínu lífi alveg sama hvað
verður um þetta krabbamein.“
Í gönguhópnum eru fjórir
aðrir krabbameinssjúklingar,
læknir og stuðningsfulltrúar.
Gangan mun taka tæplega þrjá
daga. Gengur verður í um 7–8
klukkustundir á dag og svo gist
í fjallakofum. Gönguleiðin hef­
ur verið kölluð eldur og ís því
gengið verður bæði á eldvirkni­
svæðum og framhjá jöklum. n
John Klatt Mynd TheDailyNews
Göngugarparnir Mynd: TheDailyNews
Færum fjöll fyrir mergæxli