Dagblaðið Vísir - DV - 26.07.2019, Blaðsíða 6

6 FRÉTTIR 26. júlí 2019
J
óhann Jónas Ingólfsson,
dæmdur nauðgari og fíkni-
efnasmyglari, hefur stofnað
nýtt félag í kringum verktaka-
fyrirtæki sitt, Já Iðnaðarmenn. DV
hefur fjallað ítarlega um viðskipta-
hætti Jóhanns Jónasar undanfarin
misseri og greint frá tveimur gjald-
þrotum rekstrarfélaga Já Iðnaðar-
manna. Fram hefur komið að Jó-
hann hefur skilið eftir sig sviðna
jörð í viðskiptum en ávallt haldið
rekstrinum áfram með kennitölu-
flakki.
Þann 2. júlí síðastliðinn var
einkahlutafélagið Málning Múr og
Meira ehf. skráð í fyrirtækjaskrá og
er Jóhann Jónas Ingólfsson skráð-
ur sem stjórnarmaður þess. Er
starfsemi félagsins flokkuð undir
múrhúðun.
DV hefur undanfarna daga
borist ábendingar um að auglýs-
ingabæklingi frá Já Iðnaðarmönn-
um hafi verið dreift á heimili á víðs
vegar á höfuðborgarsvæðinu. Um-
ræður hafa sprottið upp á Face-
book þar sem einstaklingar hvetja
fólk til að vara sig á viðskiptum við
fyrirtækið.
„Mér finnst alveg furðulegt að
svona menn geti haldið áfram að
stofna nýja kennitölu, nýtt VSK-
-númer. Er ekkert í kerfinu sem
getur komið í veg fyrir þetta? Ég
get ekki ímyndað mér annað en
að hann sé bara við sama hey-
garðshornið. Hann er að pretta.
Hann rukkar fólk og gengur hart
eftir því að fá fyrirframgreiðsl-
ur. Hann er gjörsamlega siðlaus,“
segir Elías Vífilsson, eigandi og
framkvæmdastjóri Múr og Mál
ehf. í samtali við DV. Elías er einn
af þeim sem segja farir sínar ekki
sléttar af viðskiptum sínum við Jó-
hann.
26 milljóna þrot
Í marslok 2017 stefndi félag Jó-
hanns, Já Iðnaðarmenn ehf. í
gjaldþrot. Var nafni félagsins þá
breytt í Verktakar og endurbæt-
ur ehf. Félagið var síðan úrskurð-
að gjaldþrota nokkrum vikum síð-
ar eða þann 12. apríl og lauk þar
með rúmlega tveggja ára rekstrar-
sögu þess. Á þeim tíma hafði félag-
ið komið að margs konar verktaka-
starfsemi.
Þá var rekstur félagsins fluttur
yfir í félagið Já iðnaðarmenn Art2b
verkstæði ehf. Félagið hélt áður
utan um rekstur listagallerís í and-
dyri Bónusverslunarinnar í Kaup-
túni en tilgangi félagsins var síðar
breytt í fyrirtækjaskrá á þann veg
að fyrirtækið væri einnig í verk-
takastarfsemi.
Í júlí 2017 skrifaði Jóhann
undir leigusamning við eigend-
ur atvinnuhúsnæðis að Þverholti
18 í Reykjavík. Var leiguverðið
1.650.000 krónur á mánuði. Fast-
eignin var þó aðeins að litlu leyti
notuð sem skrifstofa félagsins, þar
gistu einnig erlendir verkamenn
sem komu til starfa hjá Já Iðnaðar-
mönnum.
Þann 11. desember sama ár
lauk skiptum í þrotabúinu. Lýstar
kröfur voru um 126 milljónir króna
en engar eignir fundust í búinu.
Jóhann færði því Já Iðnaðar-
menn yfir á aðra kennitölu og
hélt áfram rekstri. DV greindi frá
því í desember 2017 að Jóhann
hefði undanfarna mánuði aug-
lýst grimmt eftir starfsmönnum,
til dæmis smiðum, málurum, bif-
vélavirkjum, verkstjóra og traust-
um og ábyggilegum fjármála-
stjóra.
Fram kom í frétt DV á sínum
tíma að samkvæmt heimildum
blaðsins hefðu margar kvartanir
vegna starfseminnar borist til eft-
irlitsaðila mánuðina á undan. Þá
hafi fyrirtækið verið kært til lög-
reglu vegna meints brots á iðnað-
arlögum. Fólust brotin í því að
ófaglærðir starfsmenn hefðu sinnt
verkefnum sem þeir höfðu engin
réttindi til að vinna.
Fram kom að margir viðskipta-
vinir sætu eftir með sárt ennið eftir
viðskipti sín við Já Iðnaðarmenn,
og birgjar sömuleiðis.
„Ég er búinn að vera í þessum
bransa í þrjátíu ár og ég hef aldrei
kynnst öðrum eins siðblindingja,“
sagði Ingólfur Steingrímsson, eig-
andi Kvarna ehf. ,sem leigir með-
al annars út vinnupalla fyrir verk-
taka. Hann fordæmdi einnig
framgang lögreglu og eftirlitsað-
ila í málinu. „Ég kærði Jóhann fyr-
ir löngu en hann er ekki einu sinni
kallaður til skýrslutöku. Á meðan
fær hann að halda áfram óáreittur
og skilja eftir sig sviðna jörð,“ seg-
ir Ingólfur.
Í júní 2018 var nafni fyrirtækis-
ins breytt í Verktakar Já Art2b ehf.
Þremur mánuðum síðar var félag-
ið lýst gjaldþrota. DV hafði á sín-
um tíma samband við Jóhann
vegna gjaldþrotsins og tók hann
fyrirspurn blaðamanns óstinnt
upp. Vildi hann meina að blað-
ið hefði kippt fótunum undan
rekstrinum með því að fjalla um
fyrra gjaldþrot og rifja upp langan
og skuggalegan afbrotaferil hans.
Svikinn um laun
Í lok júlí 2018 var greint frá því að
sérsveit lögreglunnar hefði hand-
tekið einstakling sem var vopnað-
ur hnífi í húsnæði við Þverholt 18.
Húsnæðið sem um ræðir var fyrr-
greint atvinnuhúsnæði sem Jó-
hann hafði á leigu undir skrifstofu
Já Iðnaðarmanna. Maðurinn sem
var handtekinn var egypskur hæl-
isleitandi sem taldi sig hafa verið
svikinn um laun af vinnuveitanda
sínum, Já Iðnaðarmönnunum.
Í byrjun nóvember 2018 var
reksturinn kominn á þriðju kenni-
töluna: yfir í Já iðnaðarmenn verk-
stæði ehf. Það félag hét áður Diddi
annar ehf. en heitinu var breytt
yfir í núverandi nafn fyrirtækisins
í lok desember 2017, skömmu eftir
að fyrsta fyrirtækið var úrskurðað
gjaldþrota.
Um miðjan desember 2018
greindi DV frá því að eigendur at-
vinnuhúsnæðisins að Þverholti 18
hefðu höfðað mál gegn Jóhanni
fyrir Héraðsdómi Reykjavíkur í
þeim tilgangi að fá hann borinn
út úr fasteigninni. Hafði þá leigu-
samningnum verið rift vegna van-
efnda.
Þegar hér var komið sögu var
Jóhann skráður í Þjóðskrá með
óþekkt heimilisfang í Danmörku.
Dæmdur nauðgari
Jóhann hefur margoft komið við
sögu lögreglu undanfarna ára-
tugi, meðal annars vegna þjófn-
aða. Í frétt Pressunnar í september
1992 kemur fram að Jóhann, sem
þá var 35 ára gamall, hefði komist
yfir tuttugu sinnum í kast við lögin
á átján árum.
Í upphafi tíunda áratugarins
hlaut hann sex mánaða fangels-
isdóm fyrir nauðgun og sat inni í
Hegningarhúsinu við Skólavörðu-
stíg í þrjá mánuði.
Í afplánuninni kynntist hann
afbrotamanninum Steini Ármanni
Stefánssyni og tókst með þeim
vinskapur. Steinn Ármann trúði
Jóhanni fyrir því að hann ætti von
á stórri kókaínsendingu til lands-
ins. Þær upplýsingar ákvað Jóhann
að nýta sér til hins ítrasta.
Hann var í erfiðri stöðu því
í febrúar 1991 hafði hann verið
handtekinn með þrjú kíló af hassi.
Ákæra í málinu hafði verið gefin út
og átti Jóhann því þungan dóm yfir
höfði sér. Um leið og hann lauk af-
plánun nauðgunardómsins gaf
hann sig fram við lögreglu, sagði
allt af létta og tók að sér að þykj-
ast ætla að kaupa efnið með það
að markmiði að grípa Stein Ár-
mann með það undir höndum.
Áætlunin gekk upp og var málið,
sem fékk mikla fjölmiðlaumfjöll-
un, þekkt sem Stóra Kókaínmálið.
Fram kom að Jóhann hafi freistað
þess að fá mildari dóm í hassmáli
sínu í staðinn fyrir uppljóstrunina.
Árið 1993 var Jóhann dæmdur í
sjö mánaða fangelsi fyrir innflutn-
ing á fíkniefnum og kynferðisbrot.
Í kjölfarið ákvað hann að yfirgefa
landið.
Í mars 1999 greindi DV síðan
frá því að Jóhann væri aftur kom-
inn til Íslands eftir að dómurinn
gegn honum hafði fyrnst. Starfaði
hann þá fyrir breskt heildsölufyrir-
tæki sem lét til sín taka hérlendis. Í
frétt blaðsins kom fram að íslensk
yfirvöld hefðu leitað til Interpol til
þess að hafa uppi á Jóhanni en án
árangurs. n
Auður Ösp Guðmundsdóttir
audur@dv.is
„Hann er gjörsamlega siðlaus“
Árið 1993 var Jóhann dæmdur í sjö mánaða fang-
elsi fyrir innflutning á fíkniefnum og kynferðis-
brot. Í kjölfarið ákvað hann að yfirgefa landið.