Dagblaðið Vísir - DV - 26.07.2019, Blaðsíða 4

4 FRÉTTIR 26. júlí 2019
Þegar alvaran verður grín
S
varthöfða finnst sniðugt
að setningin „það má ekk-
ert lengur“ heyrist í hvert
sinn sem eitthvað er gagn-
rýnt. Í hvert sinn sem réttlætis-
riddararnir móðgast fyrir hönd
annarra. Steininn tók úr í þessum
efnum að mati Svarthöfða í vik-
unni þegar að einföld skopmynd
setti allt á annan endann.
Skopmynd Morgunblaðsins
hristi svo upp í fólki að það lá við
að þræða ætti teiknarann upp á
tein, stinga epli í munninn á hon-
um og grilla hann jafnt og þétt við
lágan hita á meðan mölbúarnir
bentu og tístu. Slík var geðshrær-
ingin. Myndin var víst transfó-
bísk – holdgervingur forréttinda-
vímunnar sem allir miðaldra,
hvítir karlar svífa brosandi um í.
Svarthöfði skiptir ekki oft
skapi. Svarthöfði er oftast bara
frekar hress og kippir sér lítið upp
við rétttrúnaðinn sem ætlar hér
allt lifandi að drepa. En þessi mú-
gæsing út af skitinni skopmynd
gerði Svarthöfða hvumsa. Grín
er eitt öflugasta vopnið í baráttu
við ill öfl. Grín hefur verið notað
frá örófi alda til að benda á órétt-
læti, níða skóinn af valdafólki og
afhjúpa fáránleika lífsins. Það má
allt í gríni. Eða hvað?
Svarthöfði veit varla hvað
transfóbía er, hvað þá að hann
gæti lesið slíka fóbíu út úr skít-
sæmilegri skopteikningu í nú
musteri Miðflokksins. Svarthöfði
veit bara að samfélagið er vissu-
lega á villigötum þegar að grín
er orðið að alvöru og alvaran er
orðin grín. Þá fyrst fer Svarthöfði
að óttast um framtíð sína og íhuga
að hugsanlega sé bara betra að
smíða sér fleka til að dóla um höf
heimsins frekar en að lifa í sam-
félagi mannanna. Langt, langt í
burtu frá hrópum og heykvíslum
við hringborð rétttrúnaðar.
Svarthöfði
Það er
staðreynd að…
Blóm vaxa hraðar þegar tónlist er spiluð
nálægt þeim.
Einnar mínútu koss brennir 26 kaloríum.
O.J. Simpson reyndi við hlutverk
Terminator, en leikstjórinn
James Cameron taldi hann ekki
sannfærandi sem morðingi.
Vörumerkið Nokia fékk nafn sitt eftir
stað í Suður-Finnlandi.
Central Park-garðurinn í New York
var opnaður árið 1876.
Hver er
hún?
n Hún nam iðngrein
og vann með föður
sínum.
n Hún fær aldrei nóg
af þér.
n Hún varð fyrst vinsæl
árið 1984 þegar hún söng viðlag í
þekktu popplagi.
n Hún hefur keppt þrisvar í
Eurovision.
n Afmælisdagur hennart er 26. júlí.
SVAR: SIGGA BEINTEINS
É
g svelti mig, en ég vil að
börnin mín borði. Ég veit
ekki hvernig mér hefur tek-
ist þetta, án gríns,“ segir
einstæð, fimm barna móðir, sem
glímt hefur við fátækt í fjölda ára.
Fjölskyldan býr í leiguíbúð á höf-
uðborgarsvæðinu og eftir að hafa
greitt leigu og aðra reikninga í
byrjun hvers mánaðar er lítið eftir.
Þrjú barnanna eru á skólaaldri,
yngri en 16 ára, og búa hin börn-
in einnig hjá móðurinni að mestu.
Yngsta barnið er langveikt. Fjöl-
skyldan hefur flust á milli íbúða
og einnig reynt hvernig er að vera
heimilislaus, en býr eins og áður
sagði í leiguíbúð.
„Eftir að hafa skoðað margar
íbúðir og alltaf fengið nei, þá fékk
ég loksins já og ég pældi ekkert
í verðinu eða neitt, þar sem ég
þurfti að koma börnunum mín-
um í skóla og leikskóla. Ég end-
aði á að leigja íbúð á 310 þúsund
kronur á mánuði með hita sem ég
stend engan veginn undir, þetta er
bara ógeðslega erfitt,“ segir móð-
irin og bætir við að eftir að hafa
greitt leigu, leikskólagjöld og mat-
arkostnað fyrir skólabörnin þegar
skólinn er, þá sé ekki mikið eftir og
allur peningur mjög fljótur að fara.
„Ég get ekki unnið þótt mig
langi mikið til þess,“ segir móðir-
in sem hefur vegna sjúkdóms ver-
ið óvinnufær og á bótum í mörg ár.
Hefur ekki tök á að sækja að-
stoð sem er í boði
Komið hefur fram í fréttum að
Fjölskylduhjálp Íslands sé lokuð í
sumar vegna slæmrar stöðu. Líkt
og fleiri hefur móðirin leitað þang-
að eftir aðstoð. „En maður þarf að
komast á staðinn til að fá hjálpina
þegar hún er í boði og ekki á ég
pening fyrir strætó eða þvíumlíku.
Ef ég hef tök á þá reyni ég að sækja
hjálp, en stundum dugar þetta svo
ósköp lítið fyrir okkur og stund-
um fæ ég ekki úthlutun í samræmi
við stærð fjölskyldunnar. Stundum
er til dæmis bara ein jógúrt, hvað
eiga þá hin börnin að fá? Börnin
borða kannski ekki allt og við höf-
um fengið skrýtna hluti sem ég
kann ekki að matreiða, þótt ég vilji
alls ekki hljóma vanþakklát.
Ég reyni alltaf í byrjun mánað-
arins að kaupa það mesta sem
ég get keypt og geymt, en svo um
miðjan mánuðinn, eða fyrr, er
allur peningurinn búinn. Ég hef
fengið 10 þúsund kall hjá henni
Helgu minni, en hún á bara nóg
með sig.“
Vísar móðirin þar til Helgu
Bjarkar Magnúsar Grétu-
dóttur sem birti ákall fyrir hönd
móðurinnar í fjölda Facebook-
-hópa í vikunni.
Ekkert bakland eða stuðningur
Móðirin á ekkert bakland í fjöl-
skyldu og getur því ekki leitað
neins stuðnings þar. Feður barn-
anna hafa heldur ekki bolmagn
til að aðstoða mikið meira en sem
lögbundnu meðlagi nemur.
Eitt barnið fær greiddar um-
önnunarbætur en þrátt fyrir það
þarf móðirin að greiða hluta af
kostnaði við hjálpartækin sjálf
og er núna í þeirri stöðu að geta
ekki sótt og greitt hjálpartæki sem
barnið þarf á að halda. „Að eiga
langveikt barn, það er hörmulegt
að geta ekki sótt þá hluti sem barn
mitt þarf á að halda. Maður reynir
að nýta allt eins og mögulegt er. Til
dæmis í þessum mánuði og þeim
síðasta þá þurfti eitt barnanna að
byrja á nýjum lyfjum og það kostar
sitt og það er eitthvað sem er alls
ekki hægt að sleppa.“
Hvernig ferðu að þegar pen-
ingurinn er búinn?
„Það er ótrúlegt hvað mað-
ur getur skrapað smáaura saman
og búið til mat úr næstum engu.
Maður er orðinn snillingur í því
enda verið í krísu í mörg ár. Svo hef
ég þurft að leita hjálpar, eins og til
dæmis matarhjálpar. Einhvern
veginn nær maður að skrimta,“
segir móðirin. „Ég er hrædd alla
daga, svefnlaus og kvíðin. Hvað á
ég að gera á morgun, hvað á ég að
gera næsta dag?“
Ragna Gestsdóttir
ragna@dv.is
n Einstæð, fimm barna móðir n Hefur ekki efni á hjálpartækjum fyrir langveikt barn
„Ég svelti mig, en ég vil að börnin mín borði“
„Það er ótrúlegt hvað
maður getur skrapað
smáaura saman og búið til
mat úr næstum engu“