Morgunblaðið - 20.06.2019, Qupperneq 4

4 FRÉTTIRInnlent
MORGUNBLAÐIÐ FIMMTUDAGUR 20. JÚNÍ 2019
Hefur þú prófað nýju
kjúklingasteikurnar?
NÝTT OG
SPENNANDI
FRÁ HOLT
A
Teitur Gissurarson
teitur@mbl.is
Ljóst er að kaupmenn í miðbænum
hafa ekki farið varhluta af tíðum
framkvæmdum þar og dæmi eru
um að birgir hreinlega neiti að
keyra vörur í verslun sökum erfiðs
aðgengis. Anna Þóra Björnsdóttir,
annar eigenda gleraugnaverslunar-
innar Sjáðu við Hverfisgötu, segir í
samtali við Morgunblaðið að hún sé
ein þeirra sem fundið hafa fyrir
framkvæmdum og götulokunum.
„Fyrirtækið sem keyrir til okkar
vörur var að koma og segja okkur
að í framtíðinni yrðum við að sækja
hlutina sjálf. En ástæðan er sú að
það kemst ekki með vörur hingað til
okkar,“ segir hún.
Í gær hófst vinna við gatnamót
Hverfisgötu og Ingólfsstrætis og er
það hluti af endurnýjun Hverfis-
götu sem unnið hefur verið að
undanfarin ár. Vegna þessa verða
gatnamótin lokuð fram til loka
ágúst hið minnsta og verður umferð
beint um hjáleiðir. Þá var einnig
nýverið sú breyting gerð að Lauga-
veg skal aka upp að hluta í stað
niður, eins og greint hefur verið frá.
Umræðuefnið við alla kúnna
Spurð hvort hún telji aðgengi að
verslun sinni erfitt fyrir viðskipta-
vini svarar hún: „Já. Þetta er um-
ræðuefnið við hvern einasta kúnna.
Það eru allir að tala um hvað það er
erfitt að komast í bæinn.“ Anna
Þóra segist vel gera sér grein fyrir
nauðsyn framkvæmda, en að skyn-
samlegra hefði verið að ráðast ekki
í nýhafnar framkvæmdir á sama
tíma og breytt akstursstefna gildir
á Laugaveginum í bland við götu-
lokanir og -þrengingar.
„Viðskiptavinurinn lítur þannig á
að það taki því ekki lengur að koma,
þetta sé orðið svo mikið vesen. En
mér finnst eiginlega verst þegar
birgjar eru farnir að segja okkur að
sækja vörurnar sjálf vegna erfiðs
aðgengis,“ bætir hún við.
Sindri Snær Jensson, einn eig-
enda Húrra Reykjavík við Hverfis-
götu, segist ekki hafa fundið fyrir
framkvæmdunum sem slíkum.
„Ég hef í raun ekkert út á þessar
framkvæmdir að setja,“ segir hann
í samtali við Morgunblaðið.
Segist hann telja að viðskipta-
vinir muni áfram sækja þangað sem
finna má vinsæl vörumerki og eft-
irsóttar vörur sem erfitt er að finna
annars staðar. Sindri Snær segist
hins vegar finna fyrir því þegar lok-
að er fyrir umferð eða bílastæði í
námunda við verslanir. „Þá breytist
einhvern veginn mynstrið,“ segir
hann, en leggur áherslu á að sín til-
finning sé sú að kúnnar finni samt
leiðir til að sækja verslanirnar
heim.
Nóg af stæðum á Skúlagötu
Aðspurður segir Sindri Snær að
kúnnar verslananna ferðist með
mjög fjölbreyttum hætti. Margir
þeirra komi á reiðhjólum, fótgang-
andi og með strætó. Stór hluti kem-
ur þó með einkabílnum.
„Það er feikinóg af bílastæðum,
til dæmis á Skúlagötu og nálægt
Skuggahverfi og víðar,“ segir hann.
Bjarni Brynjólfsson er upplýs-
ingastjóri Reykjavíkurborgar.
Hann segir framkvæmdirnar á
Hverfisgötu enga stórframkvæmd.
„Þetta er svo sem ekki nein stór-
framkvæmd miðað við það sem
áður hefur gengið á á Hverfis-
götunni,“ segir Bjarni og bætir við
að verkið verði unnið eins hratt og
unnt er.
Þá segir hann alltaf svolítið erfitt
þegar framkvæmdir standa yfir.
„En á eftir verður þetta allt betra,“
bætir hann við.
Birgir neitar að koma með vörur
 Kaupmenn og viðskiptavinir finna mjög fyrir erfiðu aðgengi í miðborg Reykjavíkur  Stór fram-
kvæmd hófst í gær  Þetta er umræðuefnið við hvern einasta kúnna, segir verslunareigandi í bænum
Morgunblaðið/RAX
Sundurgrafin Miklar framkvæmdir standa yfir neðarlega á Hverfisgötu og verður hluti götunnar lokaður í sumar.
Kaupmenn hafa lengi kvartað yfir erfiðu aðgengi í bænum vegna framkvæmda, götulokana og götuþrenginga.
Rósa Margrét Tryggvadóttir
rosa@mbl.is
Sýning Félags íslenskra hjúkrunar-
fræðinga, „Hjúkrun í 100 ár“, var
formlega opnuð í Árbæjarsafni í
gær þegar Guðni Th. Jóhannesson,
forseti Íslands, og Vigdís Finnboga-
dóttir, fyrrverandi forseti Íslands
og heiðursfélagi í félaginu, klipptu á
borða við hátíðlega athöfn á safninu.
Guðbjörg Pálsdóttir, formaður
Félags íslenskra hjúkrunarfræð-
inga, segir sýninguna vera lið í 100
ára afmælishátíð félagsins sem
haldin er í ár og að hún muni standa
öllum opin þar til í lok október.
Lög undirrituð þennan dag
Guðbjörg segir að sýningin reki
sögu hjúkrunar á Íslandi frá því í
byrjun 20. aldar, þegar smitsjúk-
dómar og skortur á mat og almennu
hreinlæti voru helstu ógnir við
heilsu bæjarbúa, og fylgi þróun
hennar eftir fram í sérhæfðan og
tæknivæddan heim hjúkrunar í nú-
tímanum.
Hún segir að dagurinn 19. júní
hafi verið sérvalinn vegna kvenrétt-
indadagsins en einnig vegna þess að
það var þennan dag árið 1933 sem
Kristján X. konungur skrifaði í
fyrsta skipti undir svokölluð hjúkr-
unarkvennalög, sem gerðu starf
hjúkunarfræðinga á Íslandi lög-
verndað.
Guðbjörg segir fjölskylduhátíð til-
einkaða börnum hjúkrunarfræðinga
og börnum sem þeir hafa sinnt á
síðustu 100 árum verða haldna á
safninu 15. ágúst næstkomandi.
„Þar með erum við komin með alla
landsbyggðina. Ég held að enginn
fari í gegnum lífið án þess að vera
sinnt af hjúkrunarfræðingi á þessu
tímabili frá vöggu til grafar,“ segir
hún.
Segja má að kvenréttindadagur-
inn eigi vel við í sögu hjúkrunar-
fræðinga, en stéttin, sem er 97%
kvennastétt, hefur lengi barist fyrir
auknum réttindum.
Með 20% lægri grunnlaun
Guðbjörg segir að þótt Ísland sé
framarlega í réttindabaráttu kvenna
sé landið ekki framar en svo að
hjúkrunarfræðingar telji sig vera
með 20% lægri grunnlaun en aðrar
stéttir með sambærilega menntun
og ábyrgð. Auk þess sé mun meiri
kynjaskipting í hjúkrun hér á landi
en í mörgum öðrum löndum. „Ein-
hverra hluta vegna er menning okk-
ar þannig að við erum ekki að sýna
karlmönnum nógu mikið svigrúm til
að fara í hjúkrun eins og við sjáum í
öðrum löndum. Við erum 97%
kvennastétt í dag, sem er mjög ólíkt
öðrum löndum þar sem karlar eru
allt upp í 20% af stéttinni.“
Morgunblaðið/Hari
Forsetar Guðni Th. Jóhannesson og Vigdís Finnbogadóttir opnuðu sýninguna „Hjúkrun í 100 ár“ í Árbæjarsafni.
100 ára saga hjúkrunar
rakin á Árbæjarsafni
 Kvenréttindadagurinn sérvalinn fyrir opnunina
Fleiri hælisleitendur hafa sótt um al-
þjóðlega vernd það sem af er ári mið-
að við sama tíma í fyrra, samkvæmt
nýjustu tölum Útlendingastofnunar.
Þar kemur fram að 322 einstaklingar
hafi sótt um alþjóðlega vernd hér á
landi fyrir lok maí sl., sem er meiri
fjöldi en á sama tíma í fyrra, þegar
talan var alls 235.
Eitthvað hefur þó hægst á á fjölgun
hælisleitenda á árinu miðað við tölur
Útlendingastofnunar fyrir apríl og
maí. Fjöldi einstaklinga sem sóttu um
alþjóðlega vernd á fyrstu þremur
mánuðum ársins var 222, eða að
meðaltali 74 á mánuði. Í apríl sóttu 44
einstaklingar um alþjóðlega vernd á
Íslandi en 56 í maí. Þórhildur Ósk
Hagalín, upplýsingafulltrúi Útlend-
ingastofnunar, segir fjölda umsókna á
fyrstu þremur mánuðum ársins svipa
til ársins 2017, en í lok mars á því ári
voru umsóknir 226. Segir hún að fjöldi
umsókna í apríl og maí á þessu ári
svipi frekar til gagna frá 2018, en þá
bárust stofnuninni 43 umsóknir í apríl
og 54 í maí.
Flestir frá Írak og Afganistan
Flestar umsóknir á árinu eru frá
einstaklingum frá Írak, 42, og Afgan-
istan, 28. Á sama tíma í fyrra höfðu 43
einstaklingar frá Írak sótt um alþjóð-
lega vernd en 14 frá Afganistan.
Þriðju algengustu ríkisföng hælis-
leitenda eru Nígería og Venesúela, en
24 einstaklingar frá hvoru landinu
hafa sótt um alþjóðlega vernd á árinu.
Er það fjölgun frá því í fyrra, þegar
fimm einstaklingar frá Venesúela
sóttu um hæli á fyrstu fimm mánuð-
um ársins 2018 og enginn frá Nígeríu.
Fleiri hafa sótt um
hæli nú en í fyrra