Morgunblaðið - 20.06.2019, Síða 10

10 FRÉTTIRInnlent
MORGUNBLAÐIÐ FIMMTUDAGUR 20. JÚNÍ 2019
E
N
N
E
M
M
/
S
ÍA
/
N
M
9
2
1
4
5
PRÓFAÐU 100%
RAFBÍL Í 24 TÍMA!
RENAULT ZOE
Renault ZOE – verð: 3.790.000 kr.
TIL AFGREIÐSLU STRAX!
Hafðu samband við sölumenn Renault og tryggðu þér 100% rafdrifinn ZOE til reynslu í 24 tíma.
Renault ZOE hefur algjöra sérstöðu í þessum stærðarflokki rafbíla með 300 km uppgefið drægi.*
ZOE er að auki, eins og aðrir nýir Renault bílar, með ríkulegan staðalbúnað.
Taktu græna skrefið og prófaðu Reanult ZOE 100% rafbíl.
BL ehf
Sævarhöfða 2 / 110 Reykjavík
525 8000 /www.bl.is
Bílasalan Bílás
Akranesi
www.bilas.is
431 2622
Bílasala Akureyrar
Akureyri
www.bilak.is
461 2533
Bílaverkstæði Austurlands
Egilsstöðum
www.bva.is
470 5070
IB ehf.
Selfossi
www.ib.is
480 8080
BL söluumboð
Vestmannaeyjum
481 1313
862 2516
*Uppgefið drægi miðast við WLTP staðal.
Ragnhildur Þrastardóttir
ragnhildur@mbl.is
„Skemmdirnar eru mjög alvarlegar vegna þess
að þetta er það víðfeðmt, það er mikið um pár,“
segir Björn Þorláksson, upplýsingafulltrúi
Umhverfisstofnunar, um skemmdarverk sem
unnin voru á Helgafelli í Hafnarfirði nýlega.
Þar hafa skemmdarvargar greypt myndir af
getnaðarlimum og skrifað nöfn sín í berg fjalls-
ins. Krot þetta er afar áberandi öllum sem leið
eiga um.
Umhverfisstofnun hefur kært málið til lög-
reglu en óvíst er til hvaða aðgerða stofnunin
mun grípa í framhaldinu, enda ekki um friðlýst
svæði að ræða. Brotin skilja eftir sig skemmdir
sem tekur náttúruna tugi eða hundruð ára að
afmá.
Hugsanlega börn að verki
„Það eru alla jafna til leiðir til þess að
minnka svona skaða. Þær duga misvel eftir því
hvernig bergið er svo við getum kannski ekki
alveg sagt neitt með fullri vissu um aðgerðir.
Það verður á valdi sveitarfélaganna sem eiga
Reykjanesfólksvang að meta framhaldið en við
munum aðstoða eftir föngum ef þess verður
óskað,“ segir Björn. Um það hvort ekki verði
erfitt að hafa uppi á skemmdarvörgunum segir
Björn: „Áletranirnar eru í einhverjum tilvikum
býsna einkennandi.“
Hann bendir á að skynsamlegast sé fyrir þá
sem ábendingar kunna að hafa út frá áletr-
ununum að snúa sér beint til lögreglu. Mögu-
leiki sé á að skemmdarvargarnir séu börn og
því varar Björn við of miklu hatri gagnvart
spjöllunum.
Vaxandi vandamál
Annað stórt umhverfisspjallamál kom upp
fyrr í þessum mánuði þegar rússneskur ferða-
maður og samfélagsmiðlastjarna ók utan vegar
skammt frá Jarðböðunum við Mývatn og skildi
eftir sig miklar skemmdir. Um það hvort
náttúruspjöll séu að færast í aukana hérlendis
segir Björn:
„Á tilteknum landsvæðum eins og á Friðlandi
á Fjallabaki hefur utanvegaakstur sannarlega
verið vaxandi vandamál svo á einhverjum stöð-
um á landinu virðist þetta því miður hafa færst
í aukana. Í öðrum tilvikum getur verið að það
sé bara meiri samkennd á meðal íbúa og ferða-
manna um að láta vita af svona brotum.“
Björn bendir á að nýr hópur skemmdar-
varga sé orðinn meira áberandi. „Það má segja
að það sé fólk sem fer sínu fram og virðist ekki
skammast sín fyrir það heldur gerir í því að
markaðssetja sjálft sig sem einstaklinga sem
vilja fara sínu fram og jafnvel setja sitt mark á
náttúruna með hætti sem varðar við lög.“ Sá
hópur líti jafnvel á sektargreiðslur fyrir nátt-
úruspjöll sem markaðskostnað þar sem það að
brjóta reglurnar veki athygli og geti stækkað
fylgjendahópa á samfélagsmiðlum.
Reðurtákn rist í berg Helgafells
 Tekur náttúruna tugi eða hundruð ára að lagfæra skemmdarverkin  Áletranirnar á fjallinu
„býsna einkennandi“  Athæfið kært til lögreglu  Nýr hópur skemmdarvarga að ryðja sér til rúms
Skemmdarverk Ummerki þeirra sem léku sér að því að rista stafi og tákn í náttúruna eru vel sýnileg öllum sem ferð eiga um. Sár sem þessi geta tekið mjög langan tíma að hverfa.
Ljósmynd/María Elíasdóttir