Skessuhorn - 04.03.2015, Síða 10
10 MIÐVIKUDAGUR 4. MARS 2015
Fullur kraftur að færast í risalíkans verkefnið
Fyrir rúmu ári fór Ketill M Björns-
son flugvirki á Akranesi að vinna að
hugmynd um nýstárlegt verkefni í
uppbyggingu á ferðaþjónustu. Það
er framleiðsla og uppsetning gríð-
arstórs líkans af Íslandi þar sem
ferðamenn gætu upplifun stærð og
hlutfall landsins ásamt helstu nátt-
úruperlum. Ketill sagði í samtali
við Skessuhorn að margt hvetjandi
hefði gerst síðasta árið í sambandi
við verkefnið. Þar á meðal að áhugi
fyrir verkefninu, einkum í ferða-
þjónustugeiranum, væri enn meiri
en hann hafi gert sér grein fyrir
í upphafi. Margt benti til þess að
þær áætlanir sem settar voru fram
myndu standast og hefðu verið var-
lega áætlaðar. Ketill segir að ýmis-
legt hefði þokast á þessu ári og núna
um þessar mundir væri að færast
aukinn kraftur í verkefnið. Það sem
helst hefði breyst væri að upplifun-
arþátturinn yrði enn sterkari með
breyttum útfærslum og eins hitt að
nú væri ekki unnið með það að lík-
anið yrði endilega staðsett í sem-
entsþrónni á Akranesi, heldur hefði
verið rætt við fulltrúa nágranna-
sveitarfélaga um áhuga þeirra fyr-
ir verkefninu. Ketill sagði að það
væri hreinlega gert til þess að hægt
væri að halda áfram með verkefnið.
Það væri þó ekkert launungarmál
að sér fyndist til dæmis álitlegt að
geta tengt þetta verkefni spenn-
andi afþreyingu sem er í uppbygg-
ingu í Borgarfirði, svo sem ísgöng-
in í Langjökli og náttúrulaugar við
Deildartunguhver.
Farið af fullum krafti í
fjármögnun
Það var eftir að Akraneskaupstað-
ur fékk umráð yfir Sementsreitn-
um fyrir rúmu ári sem Ketill setti
hugmyndina fram. Hann horfði þá
til þess að hluti sementsþróarinnar
yrði heppileg staðsetning fyrir lík-
anið og unnt yrði að spara bygg-
ingarkostnað með því að nýta veggi
þróarinnar. Ketill segir að kostn-
aðaráætlun hafi ekki breyst mikið
á þessu ári, áætlað sé að uppkomið
líkan og 16 þúsund fermetra stál-
grindarhús kosti rúmlega einn og
hálfan milljarð króna. Þessa dagana
sé verið að ljúka gerð rekstrar- og
viðskiptaáætlunar. „Við erum svo að
fara af fullum krafti í fjármögnunar-
þáttinn. Það sem hefur verið skoðað
þar lítur mjög vel út,“ segir Ketill.
Hann segir að margt bendi til þess
að áætlanir um gestafjölda séu mjög
varlega áætlaðar. Talan sem nefnd
var í upphafi, um 150 þúsund gest-
ir á ári, sé ekki há þegar litið er til
þess að talning ferðamálastofu sýni
að yfir 40% ferðamanna greiði fyrir
sýningar og söfn og yfir 90% komi
til Íslands vegna landsins og náttúr-
unnar. Þá sé þessi gestafjöldi bara
hluti þess mikla fjölda gesta sem
komi á fjölförnustu ferðamanna-
staðina á Vesturlandi.
Sýndarveruleiki hluti af
upplifuninni
Ketill segir að öflugt margmiðlun-
ar- og kynningarfyrirtæki sé meðal
þeirra sem unnið hafi að verkefninu.
Það sé einmitt upplifunarþátturinn
sem hafi breyst hvað mest í ásýnd
verkefnisins. „Sýndarveruleikinn
kemur meira inn í upplifunarþátt-
inn hjá gestunum en við reiknuð-
um með. Mynd og hljóð kemur
sterkt inn og meðal hugmynda hjá
okkur er að verða til dæmis með
Holuhraun í sem næst sínum tign-
arleika, rennandi hraunið í sýnd-
arveruleikanum. Það er ótrúlegt
hvað er hægt að framkalla með
honum,“ segir Ketill. Hann seg-
ir að þegar fjármögnun ljúki megi
búast við að það taki tvö til tvö og
hálf ár að byggja húsið og smíða
líkanið auk annarrar aðstöðu sem
tengist verkefninu. „Ég býst við
að bjartsýnustu vonir að þetta geti
orðið að veruleika, séu vorið eða
snemma árs 2018.“
Gengið með strönd og
inn á land
Hugmynd Ketils byggir á því að
gera líkan af Íslandi í skalanum
1:4000, á einum hektara lands, sem
er nokkru stærra en fótboltavöllur í
fullri stærð. Yrði það langstærsta lík-
an af heilu landi í heiminum og al-
gerlega einstakt á heimsvísu. Það
líkan sem er stærst í dag er af fylk-
inu Bresku kólumbíu í Canada, um
14x25m. Líkanið yrði gert úr mjög
þéttu frauðefni, Pólýúretani foam.
Útkoman væri svo nákvæm eftirlík-
ing af Íslandi í sumarlitunum. Hæð
á hæstu fjöllum verður í réttum hlut-
föllum og um það bil í mittishæð, en
hæð er venjulega ýkt á svona kort-
um um allt að þrefalt eða fjórfalt, að
sögn Ketils. Hugmyndin er að vatn
verði í stærstu vötnum, ám og foss-
um og heitt vatn undir hitasvæð-
um. Hægt verður að ganga á sjónum
meðfram ströndinni og inn á landið
eftir gönguleiðum að helstu náttúru-
perlum landsins og mannvirkjum. þá
Sýndarveruleika verður beitt við sýninguna af Íslandi á risalíkaninu. Teikning: Batteríið arkitektar.
Ketill M. Björnsson.
Fólk á ferð um landið á líkaninu. Teikning: Batteríið arkitektar.
Skólamáltíðir hlutfallslega ódýrar á Akranesi
Verðlagseftirlit ASÍ kannaði nýver-
ið breytingar á gjaldskrá fyrir skóla-
dagvistun ásamt hressingu og verði
á hádegismat fyrir yngstu nemend-
ur grunnskólanna hjá 15 fjölmenn-
ustu sveitarfélögum landsins, þar
með talið Akraneskaupstað. Ellefu
sveitarfélög af þeim fimmtán sem
skoðuð voru hafa hækkað hjá sér
gjaldskrár milli ára fyrir skóladag-
vistun með hressingu. Einungis eitt
sveitarfélag hafði lækkað verð milli
ára. Hæsta gjaldið er í Garðabæ,
24.976 krónur á mánuði, en lægst
er það í Vestmannaeyjum, 14.165
kr./mán. Á Akranesi er gjaldið
20.055 kr. á mánuði eftir hækk-
unina, sem nam þremur prósentum
á milli ára og er Akraneskaupstað-
ur með sjöttu dýrustu gjaldskrána
af þessum fimmtán. Mesta hækk-
un á gjaldskránni var á Seltjarnar-
nesi, eða um 26%. Ellefu sveitar-
félög af þeim fimmtán sem skoð-
uð voru höfðu hækkað gjaldskrár
fyrir hádegismat á milli ára. Mesta
hækkunin er hjá Reykjanesbæ, þar
sem gjald fyrir staka máltíð hækk-
aði um 17%. Mjög misjafnt er hvað
foreldrar þurfa að greiða fyrir há-
degisverðinn og munar allt að 39%
á milli sveitarfélaganna. Hæst er
gjaldið á Ísafirði, þar sem máltíðin
kostar 450 krónur en lægsta gjald-
ið er í Reykjavík eða 324 krónur.
Á Akranesi er skólamáltíðin næst
ódýrust og kostar 325 krónur, sem
er 4% hækkun frá því í fyrra.
Þegar skoðaður er heildarkostn-
aður fyrir skóladagvistun með hress-
ingu og hádegismat í skólum lands-
ins er lægsta verðið í Skagafirði,
21.777 krónur á mánuði, en dýrasta
er 56% hærri, eða 33.964 krónur í
Garðabæ. Hjá Akraneskaupstað er
heildarkostnaðurinn 26.880 krónur
á mánuði og nam hækkunin þrem-
ur prósentum á milli ára. Systkina-
afsláttur er mjög misjafn eftir sveit-
arfélögum. Afsláttur fyrir annað
barn er frá 25% upp í 75% og af-
sláttur fyrir þriðja barn frá 25%
upp í 100%. Hjá Akraneskaupstað
er veittur 50% afsláttur fyrir annað
barn og 75% fyrir þriðja.
grþ
Á Akranesi hefur gjald fyrir staka máltíð í hádeginu hækkað um 4% frá því í fyrra.
Máltíðin er samt sem áður næst ódýrust þar af fimmtán stærstu sveitarfélögum
landsins. Ljósm. Sigurður Arnar Sigurðsson.
Þegar þér hentar á:
www.skessuhorn.is
Samfés á Vesturlandi.
Breiðfirski trébáturinn Kári.
Háskólasamfélagið.
Skipavík í Stykkishólmi.