Skessuhorn - 04.03.2015, Side 13
13MIÐVIKUDAGUR 4. MARS 2015
Býr með kindur í Ögri
og smíðar í Hólminum
Fólk við Breiðafjörð, svo sem í
Stykkishólmi, stundar gjarnan
fjölbreytta atvinnu. Lárus Franz
Hallfreðsson bóndi og smiður
á bænum Ögri, eina sveitabæn-
um sem telst til Stykkishólms, er
ágætt dæmi um það. Lárus Franz
fæddist og ólst upp hjá foreldrum
sínum í Hólminum. Hann var frá
barnsaldri æðimikið hjá afa sín-
um og ömmu í Ögri og eignaðist
helming í jörðinni þegar hann var
16 ára gamall. Lárus hefur lengst
af unnið við búskap og stundað
grásleppuveiðar og sjómennsku.
Seinni árin hefur hann unnið við
smíðar og í desember síðastlið-
inn lauk hann sveinsprófi frá Fjöl-
brautaskóla Vesturlands á Akra-
nesi. Lárus er einn af þeim sem
notið hefur góðs af helgarnámi í
iðnmenntun sem FVA hefur boðið
upp á í nokkur ár, einmitt fyrir þá
sem eiga að baki starfsreynslu við
iðn og fara í gegnum raunfærni-
mat, þar sem metin er kunnátta og
færni viðkomandi nemanda þegar
hann kemur til náms.
Systurnar gáfu honum
Franz nafnið
Lárus kom í heiminn undir hand-
leiðslu systranna á St Franciskus-
spítalanum. Hann fæddist einmitt
á degi heilags Franz 4. október árið
1960. „Systurnar kölluðu mig því
Franz litla og það festist við mig.
Lárusar nafnið bættist svo framan
við þegar ég var skírður. Ég heiti í
höfuðið á Lárusi afa mínum Guð-
mundssyni en hann og amma mín
Elín Bjarnadóttir fluttu í Ögur frá
Drangsnesi 1952. Ég fór snemma
að vera hjá þeim í Ögri að hugsa
um búskapinn með afa og svo á
grásleppunni með honum að vor-
inu. Þegar ég var sextán ára keypti
ég svo hálfa jörðina og á hana í
dag á móti föðursystkinunum sem
voru fimm með pabba. Þegar ég
gifti mig 1993 fluttum við í Ögur
og höfum átt þar heima síðan,“
segir Lárus, en kona hans er Guð-
rún Hauksdóttir lögreglukona í
Stykkishólmi. Hún er ættuð norð-
an úr Brekku í Húnaþingi. „Ég var
strax ákveðinn í því að verða bóndi
og fór því á Hvanneyri í búfræði-
nám. Meðan skelveiðarnar voru
hér á fullu var ég á sjónum. Það
var sældarlíf, frekar róleg vinna
miðað við sjómannsstarf og mjög
góðar tekjur. Eftir að skelveiðum
var hætt var ekki lengur eftir miklu
að slægjast á sjónum. Þá fór ég að
vinna mikið við smíðar með föður
mínum og sótti mér síðan réttind-
in á síðasta ári.“
Kindurnar vilja
halda sig úti
Lárus segir að það fari ágætlega
saman að stunda sauðfjárbúskap
og smíðar. Þegar blaðamaður átti
leið út í Ögur í vetur vegna fréttar
um lagningu ljósleiðara keyrði
hann einmitt upp að bænum og
tók þar mynd af hraustlegum og
ullarmiklum kindum sem gefið
var úti við bæinn. Svo höfðu þær
líka fjörubeitina fyrir neðan bakk-
ann. „Ég læt liggja við opið og gef
þeim eina gjöf að kvöldinu. Þær
vilja miklu frekar halda sig úti þó
það sé grimmdar frost og gjóla,
enda sástu að þær eru skjóllegar.
Það er ekki fyrr en þær blotna í
slyddu og kalsa sem þær leita inn.
Ég tek þær svo inn núna í mán-
uðinum þegar komið er að því að
taka af þeim ullina,“ segir Lárus.
Hann er með um 220 lambær fyrir
utan geldneyti. „Þetta er á margan
hátt mjög þægilegur búskapur. Svo
erum við með hundrað kinda fjár-
hús sem byggt var fyrir tæplega 30
árum til viðbótar gömlu húsunum.
Þar er ég með 70 stíur tilbúnar
fyrir lambærnar að vorinu,“ seg-
ir Lárus. Aðspurður segir hann að
frjósemin sé yfirleitt ágæt, á bilinu
svona 85-88% tvílembt. Þegar
blaðamaður hitti Lárus var hann
að dytta að gluggum gamals húss
skammt frá Vatnasafninu í Stykk-
ishólmi. „Það hefur verið meira en
nóg að gera í smíðunum hérna og
mér skilst að það verði áfram. Ég
er að vinna hjá fyrirtæki sem heit-
ir Narfeyri og Baldur Þorleifsson á
og starfrækir. Verkefnin hafa mik-
ið til verið að gera upp og dytta að
gömlum húsum hérna í Stykkis-
hólmi og það hefur verið nóg að
gera í því.“ þá
Lárus Franz Hallfreðsson við smíðar í Stykkishólmi.
Kindurnar eru ullarmiklar og bera sig vel þar sem þeim er gefið úti í Ögri.
BEIÐNI UM
UPPLÝSINGAR (RFI)
LJÓSLEIÐARAHRINGTENGING
SNÆFELLSNESS
Snæfellsnes er tengt landsneti fjarskipta með einfaldri ljósleiðara
tengingu. Til að auka öryggi fjarskipta á Snæfellsnesi er fyrir-
hugað að tvöfalda tenginguna með ljósleiðarastrengjum sem
færu aðra leið en núverandi strengir þannig að til verði hringtenging.
Auglýst er eftir:
A. Aðila eða aðilum sem sannanlega ætla að koma á tvöföldun
ljósleiðaratenginga á Snæfellsnesi á næstu þremur árum.
eða
B. Hæfum aðila eða aðilum til að taka að sér að byggja og reka til
framtíðar tvöföldunina með opinberum stuðningi, komi til þess að
enginn ætli að gera það án opinbers stuðnings.
Innanríkisráðherra hefur falið fjarskiptasjóði að styrkja verkefnið,
sé þess þörf.
Aðilar sem óska eftir opinberum stuðningi skulu uppfylla tilteknar
kröfur um fjarskiptaleyfi, fjárhagslegan styrk, reynslu af uppbyggingu
og rekstri sambærilegra kerfa, raunhæfa verkáætlun o.fl.
Áhugasamir aðilar skulu senda tilkynningu til Ríkiskaupa á netfangið
utbod@rikiskaup.is fyrir kl. 12:00 þann 06.03.2015. Í tilkynningunni
skal koma fram nafn og kennitala aðila, auk upplýsinga um ofan-
greint eftir því sem við á.
Hægt er að óska eftir nánari upplýsingum/skýringum og skulu slíka
fyrirspurnir sendar á netfangið utbod@rikiskaup.is.
Nánari upplýsingar er að finna á vef Ríkiskaupa, www.rikiskaup.is.
Þeir sem geta sótt um styrk eru einstaklingar
og lögaðilar sem:
stunda framleiðslu á vörum sem falla
undir c-bálk íslensku
atvinnugreinaflokkunarinnar ÍSAT2008.
Sjá nánar á vef Hagstofu Íslands.
flytja þurfa framleiðsluvöru sína meira
en 245 km frá framleiðslustað á
innanlandsmarkað.
Opnað verður fyrir umsóknir 1. mars og
er umsóknafrestur til og með 31. mars.
Nánari upplýsingar má finna á heimasíðu
Byggðastofnunar og í síma 455-5400.