Skessuhorn - 27.01.2016, Side 17
MIÐVIKUDAGUR 27. JANÚAR 2016 17
hlær við. „Þetta er mitt aðal áhuga-
mál og ekkert annað sem ég myndi
frekar vilja verja tíma mínum í.“
Hann tekur þó fram að mikilvægt
sé að hafa hausinn í lagi, vera agað-
ur og skipulagður.
Eins segist hann hafa verið hepp-
inn með þjálfara. „Eftir að ég kom
til Fram hef ég verið með snilld-
ar þjálfara, Lárus Grétarsson og
Vilhjálm Þór Vilhjálmsson. Þeir
tóku mér gríðarlega vel sem og all-
ir í félaginu. Fyrst um sinn komst
ég náttúrulega ekki á allar æfing-
ar, á meðan ég bjó uppi í Reyk-
holti. Ég fékk samt alltaf að spila
þó ég æfði bara tvisvar í viku og
það eru ekkert öll félög eða þjálf-
arar sem hefðu leyft það,“ segir
hann þakklátur. Hann reyndi þó að
mæta oftar á æfingar til Reykjavík-
ur ef aðstæður leyfðu en auk þess
æfði hann á körfubolta, sund og
hlaup í sveitinni. Liðsfélögum sín-
um ber Helgi einnig vel söguna,
sem og landsliðsþjálfurum sínum,
þeim Frey Sverrissyni og Halldóri
Björnssyni.
Alltaf fengið
mikinn stuðning
Áður en Helgi ákvað að leggja
knattspyrnuna fyrir sig prófaði hann
ýmsar aðrar íþróttir, ekki síst fyr-
ir tilstuðlan föður síns, Guðjóns
Guðmundssonar íþróttakennara og
móður sinnar Magneu Helgadóttur.
Þau hafi alltaf hvatt hann til að prófa
sem flestar íþróttagreinar og allt-
af staðið við bakið á honum. Þann-
ig æfði hann körfuknattleik með
Umf. Reykdæla fram á unglingsár
og var valinn í U-15 landsliðið og
spilaði fimm landsleiki. Hann var
auk þess gríðarlega efnilegur í bæði
sundgreinum og frjálsum íþróttum.
„Meðan ég var á leikskóla fékk ég
stundum að fylgja pabba þegar hann
var að þjálfa og að kenna í grunn-
skólanum. Þá kviknaði áhuginn á
íþróttum og urðu þær fljótt mitt
aðal áhugamál,“ segir hann. „Ég hef
alltaf fengið mjög mikla hvatningu
bæði frá mömmu og pabba. Þau
hafa verið alveg ótrúleg. Þau skutl-
uðu mér á æfingar og á leiki með
Fram á meðan ég bjó í Reykholti,“
segir hann þakklátur. „Að fjölskyld-
an hafi trú á manni og styðji við bak-
ið á manni skiptir gríðarlega miklu
máli upp á að geta haldið áfram og
enst í íþróttagreininni,“ segir Helgi
Guðjónsson að lokum.
kgk
Gunnhildur Gunnarsdóttir var á
dögunum valin Íþróttamaður Snæ-
fells árið 2015. Hún er einn lykil-
leikmanna Snæfells, en liðið varð
Íslandsmeistari í körfuknattleik síð-
astliðið vor. Þegar þessi orð eru rit-
uð trónir liðið á toppi úrvalsdeild-
arinnar og hefur tryggt sér sæti í
bikarúrslitaleiknum. Gunnhildur
var einnig einn af burðarstólpum
íslenska landsliðsins í verkefnum
þess á árinu sem er að líða. Hún hóf
snemma að leika körfuknattleik.
„Ég byrjaði að æfa níu ára göm-
ul og æfði með Snæfelli upp alla
yngri flokkana þangað til 2006. Þá
stofnuðum við meistaraflokkslið
Snæfells, þegar ég var 16 ára,“ seg-
ir Gunnhildur í samtali við Skessu-
horn. Hún segir að á þeim tíma hafi
góður kjarni á breiðum aldri lagt
stund á körfuknattleik í Stykkis-
hólmi. „Við vorum því hvorki með
stúlkna- né unglingaflokk held-
ur fórum við bara beint í meistara-
flokk. Ég held við yngri leikmenn-
irnir höfum grætt helling á því,“
segir hún.
Nýstofnaður meistaraflokk-
ur Snæfells keppti í 1. deild Ís-
landsmótsins árið 2006 og tveim-
ur árum síðar var liðið komið upp
í úrvalsdeild og hefur verið þar síð-
an. Gunnhildur hefur þó ekki leikið
alla tíð með Snæfelli. Hún lék um
fjögurra ára skeið með Haukum
meðan hún nam íþróttafræði í höf-
uðborginni. „Ég tapaði einmitt á
móti Snæfelli í úrslitaviðureigninni
um Íslandsmeistaratitilinn 2014.
En ég vann þær allavega í bikarn-
um,“ segir hún og hlær við. „En svo
flutti ég heim fyrir síðasta tímabil
og varð Íslandsmeistari með Snæ-
felli,“ bætir hún við.
Vill komast eins
langt og hægt er
Aðspurð hvort hún hafi alla tíð ver-
ið góður eða efnilegur körfuknatt-
leiksmaður kveðst hún eiginlega
ekki vita hvernig hún eigi að svara
því. „Ég var í unglingalandsliðun-
um, bæði 16 og 18 ára landsliðun-
um, og ætli ég hafi ekki verið al-
veg ágæt,“ segir hún. „Þetta er erf-
ið spurning, ég er mjög hógvær að
eðlisfari,“ bætir Gunnhildur við.
Eins og áður kom fram hef-
ur hún leikið með landsliðinu síð-
astliðin ár. „Ég hef fengið stærra
hlutverk í landsliðinu með hverju
árinu sem líður. Ég var mest í því
að fylla vatnsbrúsana sem nýliði á
sínum tíma en held ég sé í þokka-
lega stóru hlutverki núna,“ segir
hún létt í bragði og bætir því við að
töluverður munur sé á því að leika
fyrir landslið og félagslið, þó hvoru
tveggja hafi hún ánægju af. „Lands-
liðið er skipað tólf bestu leikmönn-
um á landinu. Það spilar við erfið-
ari lið og stærri þjóðir, hávaxnar og
stórar stelpur svo það er töluverður
munur þar á. Að spila fyrir Íslands
hönd er eitthvað sem vonandi alla
dreymir um. Ef maður er í þessu á
annað borð þá vill maður komast
eins langt og hægt er.“
Hefur alltaf haft
góða þjálfara
Um þessar mundir kveðst Gunn-
hildur æfa alla daga vikunnar með
meistaraflokki, að undanskildum
leikdögum. Alla tíð hefur hún léð
íþróttinni stóran hluta af tíma sín-
um. „Upp yngri flokkana vorum við
meira og minna alltaf í íþróttahús-
inu. Ef ekki á æfingum þá fórum
við þangað og lékum okkur,“ seg-
ir hún og bætir því við að hún hafi
alltaf haft mjög góða þjálfara, bæði í
Snæfelli og eins á árum sínum með
Haukum. „Þjálfarar geta verið mjög
misjafnir en við fengum alltaf mjög
fína þjálfara, líka í yngri flokkun-
um. Það er mjög mikilvægt að yngri
krakkarnir fái góða þjálfara sem eru
áhugasamir og tilbúnir að leggja
ýmislegt á sig til að þetta gangi upp
hjá krökkunum,“ segir hún. Það sé
mikilvægur þáttur í að búa til góðan
einstakling. „Allir fæðast með ein-
hverja hæfileika en að sjálfsögðu fer
það mikið eftir því hversu dugleg-
ur maður er að æfa hversu góður
maður verður. Liðsfélagarnir skipta
einnig máli, sem og þjálfararnir. Allt
spilar þetta saman og þarf að ganga
upp til að búa til góðan íþrótta-
mann.“
Skiptir máli að
trúa á sjálfan sig
Þegar hér er komið sögu víkjum
við að andlegu hlið íþróttamanns-
ins sem Gunnhildur telur að skipti
að minnsta kosti jafn miklu máli
og líkamlegi þátturinn. „Fyrst og
fremst held ég að maður verði að
hafa trú á því sem maður er að
gera,“ segir hún; „en ég held að al-
mennt mættu íþróttamenn að vera
duglegri en þeir eru að þjálfa and-
legu hliðina. Ég er viss um að við
sinnum henni almennt ekki nægi-
lega vel, hún spilar svo hrikalega
stórt hlutverk. Bara það að hafa
trú á sjálfum sér getur fleytt manni
ótrúlega langt,“ bætir hún við.
Gott skipulag segir Gunnhild-
ur vera mikilvægt öllum þeim sem
vilja iðka íþrótt sína af kappi. Aftur
á móti telur hún að það lærist með
tíð og tíma. „Sjálf er ég í mast-
ersnámi, körfunni og vinnu og ég
kæmist ekki í gegnum þetta nema
vera vel skipulögð. En ég held að
maður læri helling á því að vera í
svona mörgu í einu. Íþróttamenn
eru oft skipulagðari en annað fólk
einfaldlega vegna þess að þeir
þurfa þess, það er svo mikið að
gera hjá þeim,“ segir hún. Gunn-
hildur ráðleggur ungum og upp-
rennandi íþróttamönnum að trúa
á sjálfa sig, æfa meira en aðrir og
skipuleggja sig vel en alltaf hafa já-
kvæðnina að leiðarljósi.
Aðspurð um lífsstíl íþrótta-
mannsins segist hún hugsa vel um
sig og vera dugleg að æfa. Aftur á
móti sé hún ekki öfgafull í þeim
efnum. „Ég borða ekki hafragraut
í öll mál,“ segir hún og hlær við.
„Allt er gott í hófi. Auðvitað hugsa
ég um hvað ég læt ofan í mig, sér-
staklega í kringum leiki og æfingar
en ég er ekkert að missa mig í því.
Það skiptir mestu máli að manni
líði vel og að maður sé ánægður
með sjálfan sig og hafi ánægju af
því sem maður er að gera. Það held
ég að sé leiðin að árangri,“ segir
Gunnhildur Gunnarsdóttir.
kgk
„Bara það að hafa trú á sjálfum sér geturfleytt manni ótrúlega langt“
-segir Gunnhildur Gunnarsdóttir, Íþróttamaður Snæfells
Gunnhildur Gunnarsdóttir ber upp boltann í leik með landsliðinu.
Hlýjar hamingjuóskir fékk Gunnhildur frá systur sinni Berglindi. Ljósm. eb.
Gleðilegt heilsuræktarár 2016
Morguntrimm • spinning • hádegispúl • átakstímar • sundleikfimi • leiðsögn í þreksal
Opið alla virka daga kl. 6.00 – 22.00 • Laugardaga og sunnudaga kl. 9.00 – 18.00
Verið velkomin
Íþróttamiðstöðin í Borgarnesi - www.borgarbyggd.is
S
K
E
S
S
U
H
O
R
N
2
01
6
Helgi í leik með Fram. Ljósm. Fram.
Helgi (lengst til hægri) fangar einu af mörkum sínum á Ólympíuleikum æskunnar
sem fram fóru í Kína á síðasta ári. Ísland hafnaði í þriðja sæti á því móti.