Skessuhorn - 10.02.2016, Side 31
MIÐVIKUDAGUR 10. FEBRÚAR 2016 31
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Eins og Skessuhorn hefur áður
greint frá tryggði Snæfell sér sæti í
úrslitum Powerade-bikars kvenna
í körfuknattleik með sigri á Kefla-
vík í undanúrslitaleiknum í lok janú-
ar. Úrslitaleikurinn fer fram um
helgina, laugardaginn 13. febrúar og
þar mæta Snæfellskonur liði Grinda-
víkur. Spilað verður í Laugardals-
höllinni í Reykjavík og hefst leikur-
inn klukkan 14:00. Í karlaflokki spila
til úrslita KR og Þór Þorlákshöfn og
hefst sá leikur klukkan 16:30.
Snæfell og Grindavík hafa mæst
einu sinni í deildinni það sem af er
vetri. Þann leik vann Snæfell með
sex stiga mun. Snæfell trónir á toppi
deildarinnar en Grindvíkingar eru í
þriðja sæti. Það er því ljóst að í bik-
arúrslitaleiknum mætast tvö sterk
lið og áhorfendur mega búast við
hörkuleik.
Athygli er vakin á því að stuðn-
ingsfólki er boðið upp á fríar rútu-
ferðir fram og til baka frá Stykk-
ishólmi. Skráning liggur frammi í
íþróttamiðstöðinni og eru áhuga-
samir hvattir til að skrá sig sem fyrst.
Hægt er að kaupa miða á báða úr-
slitaleikina. Áætlað er að rútan leggi
af stað klukkan tíu að morgni laugar-
dags frá íþróttamiðstöðinni. kgk
Snæfell leikur í úrslitum
bikarsins á laugardaginn
Haiden Palmer tekur sniðskot í leik Snæfells og Grindavíkur í deildinni í byrjun árs.
Liðin mætast í úrslitaleik Powerade-bikarsins næstkomandi laugardag. Ljósm. sá.
Skallagrímur heimsótti botn-
lið Reynis frá Sandgerði í 1. deild
karla í körfuknattleik á föstudaginn.
Liðin fylgdust að í upphafi leiks
en Skallagrímsmenn enduðu fyrsta
leikhluta á góðum spretti og náðu
að slíta sig frá heimaliðinu. Borg-
nesingar bættu í og höfðu afgerandi
23 stiga forystu í hálfleik, 30-53.
Leikmenn Skallagríms komu mjög
ákveðnir til síðari hálfleiks. Ef þeir
réðu ekki lögum og lofum í leiknum
fyrir þriðja leikhluta þá gerðu þeir
það sannarlega eftir hann. Þeir lok-
uðu á allar sóknaraðgerðir heima-
liðsins, sem skoraði aðeins sjö stig
allan leikhlutann og útlit fyrir stór-
sigur Skallagríms. Sú varð einmitt
raunin. Þegar flautað var til leiks-
loka höfðu Borgnesingar skorað
meira en tvöfalt fleiri stig en heima-
liðið. Lokatölur í Sandgerði 52-105,
Skallagrími í vil.
Sigtryggur Arnar Björnsson var
atkvæðamestur Skallagrímsmanna
með 27 stig og 13 fráköst. Næstir
honum komu Kristófer Gíslason og
Davíð Guðmundsson með 14 stig
hvor. Þá skoraði Hamid Dicko ell-
efu stig og tók sex fráköst.
Næsti leikur Skallagríms fer fram
föstudaginn 19. febrúar þegar liðið
fær nágranna sína í ÍA í heimsókn.
kgk
Skallagrímur gersigraði Reyni
Eftir góðan heimasigur á Grindvík-
ingum, 75-69 síðastliðið miðviku-
dagskvöld var komið að næsta leik
Snæfells í Domino‘s deild kvenna í
körfuknattleik þegar liðið mætti Val
á útivelli síðastliðinn föstudag. Jafnt
var á með liðunum í upphafi leiks en
með góðum varnarleik náðu Snæ-
fellskonur yfirhöndinni undir lok
upphafsfjórðungsins. Áfram leiddi
Snæfell en Valsliðið elti þar til hálf-
leiksflautan gall. Þá hafði Snæfell
þriggja stiga forskot, 27-24. Í síðari
hálfleik herti Stykkishólmsliðið tök
sín á leiknum. Vörnin þeirra hafði
verið sterk allan leikinn en sóknar-
leikur þeirra lifnaði heldur betur
við í þriðja leikhluta. Skemmst er
frá því að segja að Íslandsmeistar-
arnir stungu heimaliðið af og unnu
að lokum öruggan 19 stiga sigur,
46-65. Gunnhildur Gunnarsdótt-
ir var stigahæst í liði Snæfells með
19 stig. Næst henni kom Haiden
Palmer með 17 stig, sex fráköst og
fimm stoðsendingar.
Snæfell er á toppi deildarinnar
með 32 stig eftir 18 leiki, jafn mörg
stig og Haukar en ofar á innbyrðis
viðureignum. Næst leikur Snæfell
í deildinni sunnudaginn 28. febrú-
ar næstkomandi þegar liðið mætir
Hamri í Hveragerði.
Í millitíðinni munu Snæfellskon-
ur hins vegar leika gegn Grindavík
í úrslitum Powerade-bikarsins. Bik-
arúrslitaleikurinn fer fram í Laugar-
dalshöllinni laugardaginn 13. febrú-
ar næstkomandi. kgk
Sterkur varnarleikur lagði grunn að góðum sigri
Gunnhildur Gunnarsdóttir var atkvæðamest leikmanna Snæfells í sigurleiknum
gegn Val á föstudag. Mynd úr safni.
Snæfell tók á móti toppliði KR í
Domino‘s deild karla í körfuknatt-
leik síðasta sunnudag. Gestirnir
byrjuðu af miklum krafti, réðu lög-
um og lofum á vellinum og höfðu
afgerandi forystu eftir fyrsta leik-
hluta, 42-20. En Snæfellingar
spyrntu við fótum og minnkuðu
muninn jafnt og þétt í öðrum fjórð-
ungi en komust ekki nær en tólf
stigum þegar flautað var til hálf-
leiks. Þá var staðan 48-60, KR-ing-
um í vil.
Snæfellingar börðust áfram í
upphafi síðari hálfleiks en ko-
must aldrei nær en sem nam ellefu
stigum. KR-ingar reyndust einfald-
lega of stór biti og hleyptu leikmön-
num Snæfells aldrei nálægt sér. Þe-
gar lokaflautan gall munaði 21 sti-
gi á liðunum. Lokatölur
í Stykkishólmi urðu 96-
117.
Stefán Karel Torfason
kláraði með risatvennu,
19 stig og 19 fráköst en
Sherrod Wright var sti-
gahæstur með 30 stig
og sjö fráköst. Þá sko-
raði Sigurður Þor-
valdsson 20 stig og tók
sömuleiðis sjö fráköst.
Snæfell situr í át-
tunda sæti deildarin-
nar með 14 stig eftir 17
leiki. Næst heimsækir
liðið Tindastól norður á
Sauðárkrók fimmudag-
inn 18. febrúar.
kgk
Toppliðið of stór biti fyrir Snæfell
Sigurður Þorvaldsson og félagar hans í Snæfelli
mættu ofjörlum sínum þegar topplið KR kom í
heimsókn í Hólminn á sunnudag. Ljósm. sá.