Skessuhorn - 17.02.2016, Blaðsíða 4

MIÐVIKUDAGUR 17. FEBRÚAR 20164
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til 12.00 á þriðjudögum.
Blaðið er gefið út í 3.800 eintökum og selt til áskrifenda og í lausasölu.
Áskriftarverð er 2.700 krónur með vsk. á mánuði. Elli- og örorkulífeyrisþegar greiða
kr. 2.340. Rafræn áskrift kostar 2.120 kr. Rafræn áskrift til elli- og örorkulífeyrisþega er 1.960 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Guðný Ruth Þorfinnsdóttir gudny@skessuhorn.is
Kristján Gauti Karlsson kgauti@skessuhorn.is
Magnús Þór Hafsteinsson mth@skessuhorn.is
Auglýsingar og dreifing:
Lísbet Sigurðardóttir lisbet@skessuhorn.is
Valdimar Björgvinsson valdimar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Þórarinn Ingi Tómasson toti@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Gleðjumst meðan við getum
Um síðustu helgi fór ég í alveg hreint bráðgóða veislu. Eiginlega var um-
gjörð þessa mannfagnaðar og form með svipuðu sniði og látlaus erfidrykkja.
Staðurinn var Hótel Saga þar sem margar slíkar veislurnar hafa verið haldn-
ar í gegnum tíðina. Munurinn á erfidrykkju og þessari veislu var þó sá að
hér var fullorðin kona að halda upp á níræðis afmælið sitt. Hún kvaðst sjálf
miklu frekar vilja hitta fólkið sem henni tengdist lifandi og gleðjast með því.
Fyrst hún væri svo lánssöm að ná þessum áfanga að verða 90 ára væri ástæða
til að fagna. Þessi glaðlynda frænka mín er farin að missa sjón. Hún hafði
nokkru fyrir afmælið fengið eitt barnabarnið sitt til að hreinskrifa með stóru
letri símaskrána sem hún notar heima hjá sér. Þegar stúlkan var búin að því
og rétti ömmu sinni skrána, sagði sú gamla: „Þakka þér fyrir elsku hjartað
mitt, gott að þú ert búin að þessu. Þegar ég fell frá, á þetta að vera listinn
sem hringja á eftir og segja fólki frá útförinni, sem að öðru leyti á að halda í
kyrrþey.“ Sú stutta felldi tár, enda þykir henni afar vænt um ömmu sína, jafn-
vel þótt hún hafi þarna platað hana smávegis. En amman hughreysti hana
með þeim orðum, að fyrst hún væri búin að skrifa þetta fyrir sig, ætlaði hún
sjálf að nota listann einu sinni. Eftir það hringdi hún á Hótel Sögu og pant-
aði myndarlegt kaffihlaðborð fyrir sextíu manns. „Hafðu þetta alveg eins og
fínustu erfidrykkjur eiga að vera, góði minn,“ sagði hún við hótelstarfsmann-
inn og bætti því við að hún ætlaði sjálf að vera viðstödd. Að því búnu hringdi
hún eftir nýju símaskránni.
Til að gera langa sögu stutta þá mættu allir í veisluna góðu sem á annað
borð áttu heimangengt. Þarna sá ég til að mynda frændfólk sem ég hef ekki
hitt nema við eina og eina útför á síðustu áratugum. „Mikið er gaman að sjá
þig frændi, svona utan Facebook-arinnar,“ voru orð einnar frænkunnar þeg-
ar við heilsuðums. Allir voru glaðir í þessari veislu, af því enginn var í sorg -
og allra síst gamla konan sem lék á alls oddi.
Ég skal viðurkenna að ég er afskaplega lítið jarðarfarsækinn. Ég hef þá lífs-
skoðun að best sé að eiga samneyti við fólk; vini, vandamenn og samferðar-
fólk, meðan bæði það og ég erum enn á lífi. Ég á það jafnvel til að heimsækja
fólk og spjalla við það um heima og geyma og skemmtilegast finnst mér að
tala einmitt við fullorðna fólkið, sem smám saman er að færast manni nær í
aldri! Á efri árum er fólk orðið svo lífssiglt að það er hafsjór af fróðleik um
menn og málefni sem gaman er að heyra um. Svo finnst mörgu fullorðnu
fólki gott að fá að ræða við aðra, við megum ekki gleyma því.
En þrátt fyrir þessa lífsskoðun mína um jarðarfarir eru það einkum erfi-
drykkjurnar sem ég set spurningamerki við. Ég tek það þó fram ég hef enga
fordóma gagnvart slíkum athöfnum og finnst að þetta eigi alltaf að vera
ákvörðun hvers og eins og svo auðvitað ættingjanna. Jarðarfarir eru augljós-
lega nauðsynlegar, þótt meira megi deila um erfidrykkjurnar. Ég hef miklar
efasemdir um ágæti þess að syrgjandi aðstandendur „verði“ að blása til stór-
veislu með fjölmörgum kökusortum og viðurgjörningi. Syrgjandi fólk ætti
ekki að þurfa að standa í slíku nema það sjálft kjósi. Erfidrykkjur voru hafðar
veglegar fyrr á árum þegar fólk hafði yfir langan veg að fara og ferðatíminn
var jafnvel einn eða fleiri dagar. Þá þótti ekki annað hægt en bjóða þeim sem
langt að komu ærlega hressingu til að auka líkurnar á að þeir kæmust allavega
aftur heim til sín aftur. Í dag er það ekki vandamál. Við þurfum ekki og eig-
um ekki að líta á það sem sjálfsagðan hlut að nánustu aðstandendur steypi sér
jafnvel í skuldir vegna mikils kostnaðar við útför og tilstand. Án stórveislu er
nefnilega vel hægt að kveðja hinn látna. Bestar eru því veislurnar sem haldn-
ar eru þegar allir eru á lífi. Ég tek því enn og aftur ofan fyrir frænku minni
blessaðri sem segir sjálf að við eigum að hafa gaman að lífinu meðan það var-
ir og gleðjast þegar ástæða er til. Slíkt viðhorf einkennir einmitt marga sem
ná þetta háum aldri.
Magnús Magnússon.
Það var létt yfir íbúum á Hvanneyri
síðastliðinn föstudag og flaggað við
nokkur hús í þorpinu. Ástæðan var
sú að daginn áður samþykkti sveit-
arstjórn Borgarbyggðar að draga
til baka fyrri ákvarðanir um lokun
grunnskólans á Hvanneyri eftir yf-
irstandandi skólaár. Skólamálin á
Hvanneyri eru því á byrjunarreit ef
svo má segja og ekki lengur stefnt
að lokun grunnskóladeildarinn-
ar á staðnum. Eftir þessa ákvörð-
un slitnaði reyndar upp úr meiri-
hlutasamstarfi Framsóknarflokks
og Sjálfstæðisflokks í sveitarstjórn
Borgarbyggðar, eins og lesa má um
í frétt á bls. 2.
mm/ Ljósm. hg.
Á föstudaskvöldið var boðið til flatbökuveislu á Hvanneyri og stjórn íbúasam-
takanna hyllt fyrir þátt sinn í hagsmunagæslu fyrir Andakílsskóla.
Flaggað á Hvanneyri á föstudaginn.
Flaggað á Hvanneyri vegna
ákvörðunar sveitarstjórnar
Íbúar í Búðardal veittu því athygli
síðastliðinn fimmtudag, 11. febrú-
ar, að tjaldurinn var mættur í stórum
hópi. Er það óvenjulega snemmt ef
um farfugla er að ræða, en áætlað er
að tvö eða þrjú þúsund tjaldar leiti
ekki til heitari landa að vetrinum
og hafi hér fasta búsetu, einkum við
Faxaflóa og Breiðafjörð. Var vænn
hópur af tjaldi var að spóka sig í fjör-
unni sunnan við sláturhúsið í Búðar-
dal og vafalítið að leita sér þar ætis.
Tjaldinum hefur fjölgað hér á
landi á þessari öld. Í byrjun hennar
voru þeir langalgengastir við Faxa-
flóa og Breiðafjörð en sjaldséðari
með ströndum á landinu norðvest-
an- og norðanverðu. Nú halda þeir
sig einnig mun meira inni í landi en
áður. Þessi umskipti eru að einhverju
leyti talin tengja hlýnandi veðurfari
framan af öldinni en aukin ræktun
kann einnig að hafa haft sín áhrif þar
sem tjaldar leita talsvert á tún til þess
að afla sér fæðu. Venjulega fer tjald-
urinn að sjást á ströndum í seinni
hluta marsmánaðar en heldur seinna
inn til landsins eftir vetrardvöl er-
lendis.
mm/ Ljósm. sm
Tjaldurinn mættur í Búðardal
Til stendur að farið verði í veru-
legar endurbætur og stækkun á
Fosshótel Reykholti á næstu miss-
erum. Þetta staðfestir Arnþór Páls-
son hótelstjóri í Reykholti í sam-
tali við Skessuhorn. „Það á eftir
að klára að teikna þetta allt hundr-
að prósent upp en við stefnum að
því að byrja í sumar á framkvæmd-
um,“ segir Arnþór. Gert er ráð fyr-
ir að 28 herbergjum verði bætt við
þau 53 sem fyrir eru. Mokað verður
fyrir grunninum á viðbyggingunni
í sumar og segir Arnþór að áætlað
sé að framkvæmdirnar taki eitt ár.
„Við ætlum að taka eitt ár í þetta og
stefnum svo á að allt verði klárt fyr-
ir sumarið 2017.“
Einnig er ráðgert að miklar end-
urbætur verði gerðar á eldri hluta
hótelsins. „Það á að taka allt í gegn,
við ætlum að endurnýja allt hótelið.
Húsgögnum verður öllum skipt út,
við ætlum að breyta móttökunni og
setja lyftu inn í húsið. Það verður
skipt um allt í herbergjunum, sett
ný gólfefni og innréttingar,“ út-
skýrir Arnþór. Þá stendur einnig til
að kjallaranum verði breytt í heilsu-
lind. Að sögn Arnþórs verði hótel-
ið meira í anda staðarins að breyt-
ingum afstöðnum. „Það verður allt
nátengt sögunni á staðnum, Snorra
Sturlusyni og heita vatninu sem hér
er. Við stefnum á að gera hótelið
mjög flott,“ segir Arnþór að end-
ingu.
grþ
Stækkun og endurbætur framundan á
Fosshótel Reykholti