Skessuhorn - 17.02.2016, Blaðsíða 21
MIÐVIKUDAGUR 17. FEBRÚAR 2016 21
Ég á mér draum. Sá draumur felur í
sér að ég stend við strætóskýli með
fallega leðurhliðartösku íklædd-
ur dökku Timberland úlpuvesti.
Skeytingarlaust klæðist ég verkleg-
um rúskinnsskóm, snjáðum galla-
buxum og herði enn fremur takið á
tískunni með köflóttri skyrtu undir
vestinu. En það er ekki fatnaðurinn
sem gerir útslagið, heldur skeggið.
Verklegt þriggja vikna skegg und-
irstrikar vald mitt á líkamsstarfs-
semi minni, ég kýs að láta það vaxa,
ég kýs að láta það þrífast. Ég skoða
menn.is og deili myndum af mynd-
arlegum mönnum með skegg. Ég
læt jafnvel vaða í sítt hár og set það
reglulega í strýtu (sbr. Hárvættir).
Ég hef öðlast einhverskonar hó-
móerótíska aðdáun samferðamanna
minna.
Þegar ég verð stór þá ætla ég að
vera með skegg, þetta er setning
sem ég stundum þuldi í hljóði með
mér þegar ég sá jólasveininn eða
Kolbein kaftein. Nú, kominn á fer-
tugsaldurinn, er vissulega skeggið
komið nema því fylgja oftast mik-
il óþægindi í formi útbrota sem
hverfa ekki fyrr en ég raka karl-
mannlega afurð mína af kinninni.
Lygin sem mér var færð í formi
upplífgandi orða á borð við; ,,þetta
lagast þegar þú verður eldri” eða
,,haltu bara út í tvær vikur og þetta
mun hverfa”. Ég get bara sagt að
ég myndi ekki vilja verða skipreka á
eyðieyju nema að hafa rakhníf í far-
teskinu. Væri orðinn sturlaður eftir
stutta stund og myndi deyja drottni
mínum í skeljasandinum, órakaður
og útbrotinn með óráði.
Þegar ég reyndi síðast að safna
skeggi þá var það til að taka þátt í
Mottumars sem er einmitt á næsta
leyti. Freistingin að raka sig var far-
in að gera vart við sig eftir sex daga.
Ég horfði á sjálfan mig í speglinum
og strauk um kjálkabeinið, hvers
vegna ekki, hugsaði ég. Ótal afsak-
anir um að hætta í þessari keppni
ruku um höfuðið á mér og skyndi-
lega var skeggið orðið að gosinu
sem kemur alltaf á undan matnum
þegar maður fer á veitingastað. Vel
kælt sykurvatnið daggar glasið að
utan og þú ert þyrstur, smá sopi er
tekinn og þá er ekki aftur snúið. Nú
,ég hélt út og náði að skarta mottu,
lét reyndar lita hana því skeggið
mitt er víst mislitt. Því get ég ekki
annað en fyllst ofbeldisfyllri öfund
þegar ég sé menn sem geta safn-
að skeggi eins og að drekka vatn
og kunna ekki að meta það. Gott
skegg er gjöf sem gleður sagði ein-
hver. Kannski ekki betri helming-
inn en þú gleður þá alla sem ekki
geta safnað skeggi. Hegónómísk-
ur hálfguð sem safnar skeggi skeyt-
ingarlaust, laus við útbrot og óþæg-
indi.
Mottumars er framundan og ég
er enn að hugsa um að taka þátt,
hálfur mánuður í start er vonandi
nægur tími fyrir mig.
Axel Freyr
Verndari skeggsins
PIstill
Söngkonan Eva Margrét Eiríks-
dóttir frá Víðigerði í Borgarfirði er
keppandi í Ísland Got Talent, sem
sýndir eru á Stöð2. Á dögunum söng
hún sig inn í hug og hjörtu dóm-
nefndar þegar hún flutti lagið Gæti
verið verra úr söngleiknum Grease.
Slík var hrifning Mörtu Maríu Jóns-
dóttur dómara að hún gat Evu Mar-
gréti gullhnappinn og sendi hana
þar með beinustu leið í undanúrslit
keppninnar. Hafði Marta María á
orði að þarna væri fædd stjarna sem
þyrfti að komast alla leið. Því hafi
ekki verið annað hægt en að ýta á
gullhnappinn.
Vel að merkja hefur hver dóm-
aranna fjögurra aðeins eitt tækifæri
til að nýta hnappinn gyllta og senda
verðugan keppanda rakleitt í und-
anúrslit keppninnar. kgk
Eva Margrét fékk gullhnappinn
Söngkonan Eva Margrét Eiríksdóttir. Skjáskot úr þættinum.
Garðvöruverslunin Gróska á Akra-
nesi mun standa fyrir námskeiði í
sáningu krydd- og matjurta nú í vik-
unni. Þar verður farið yfir helstu at-
riði sem huga þarf að varðandi und-
irbúningi fyrir þessi vorverk. „Þetta
verður líka á spjallnótunum og fólk
getur spurt spurninga enda verður
garðyrkjufræðingur á staðnum. Svo
verður sýnikennsla þar sem við sýn-
um hvernig best er að bera sig að
við sáningu og erum með tilbúnar
plöntur, svo hægt sé að sjá hvernig
þær verða,“ segir Kristjana Helga
Ólafsdóttir í Grósku. Kristjana
segir áhuga á ræktun vera að aukast
meðal fólks, þá sér í lagi kryddjurta-
ræktun. „Það eru ótrúlega margir
farnir að sá sjálfir heima og prófa
sig áfram með þetta. Okkur fannst
skemmtileg viðbót að halda svona
námskeið, að kynna þetta fyrir fólki
sem hefur áhuga á að prófa sjálft.
Við ætluðum að byrja á að halda
eitt námskeið en nú þegar erum við
búin að fylla tvö námskeið,“ seg-
ir hún.
Rétti árstíminn
Kristjana segir ekki þurfa sérstaka
aðstöðu til að rækta kryddjurtir,
það sé hægt að gera heima í glugga-
kistunni. „Matjurtirnar þurfa auð-
vitað að fara út í garð á einhverj-
um tímapunkti en kryddjurtirnar er
hægt að hafa inni. Hjá Grósku fást
allar vörur í þetta, lítil gróðurhús í
glugga og allt sem tengist ræktun.
Það er samt hægt að nota hvað sem
er, fólk notar stundum plastdoll-
ur undan mjólkurvörum og fleira,“
segir Kristjana. Aðspurð um hvort
ekki sé of snemmt að huga að sán-
ingu jurta segir hún svo ekki vera.
„Núna er rétti árstíminn til að
byrja að huga að þessu. Það er auð-
vitað misjafnt eftir tegundum hve-
nær sáningartíminn er en það eru
margar tegundir sem þarf að byrja
á núna fljótlega. Það sama á við um
sumarblómafræ, fólk er að byrja að
sá þeim núna.“
Námskeiðin verða í kvöld og ann-
að kvöld. Í bígerð er að halda þriðja
námskeiðið og geta áhugasamir
skráð sig með að senda tölvupóst á
kristjana.h@simnet.is eða koma við
í verslun Grósku að Skagabraut 17.
grþ
Halda námskeið í sáningu krydd- og matjurta
Kristjana Helga Ólafsdóttir og Snjólfur Eiríksson í Grósku.
Nemendur og starfsfólk í 1. til 4.
bekk Grunnskóla Snæfellsbæjar
héldu öskudaginn hátíðlegan með
því að mæta í búningum og furðuföt-
um af ýmsu tagi. Enduðu þau daginn
svo á balli þar sem kötturinn var sleg-
inn úr tunnunni af miklum móð. Að
því loknu var dansað og farið í leiki.
Hátíðarhöldunum lauk svo með því
að nemendur gæddu sér á veitingum
sem foreldrafélag skólans bauð upp
á. Það voru svo ýmsar skrítnar verur
sem sáust á ferli á Hellissandi seinna
um daginn en þar hefur sá siður fest
sig í sessi að börn ganga í hús og fyrir-
tæki og syngja til að fá sælgæti. þa
Á furðufötum um Snæfellsbæ
Líkt og allir Íslendingar vita er
lambakjötið okkar algjört ljúfmeti,
hvort sem það er steikt í ofni og
borið fram með brúnuðum kart-
öflum, sósu og grænum baun-
um eða soðið í kjötsúpu. Ótal aðr-
ir möguleikar eru þó fyrir hendi
enda um að ræða gott hráefni sem
sómir sér vel í flestum lambakjöts-
réttum. Þessi réttur er upprunalega
persneskur og heitir á frummál-
inu „Lamb Rogan josh“ sem í raun
stendur fyrir að rétturinn er eldað-
ur í olíu við mikinn hita. Rogan josh
réttir eiga það sameiginlegt að sam-
an standi af steiktum lambakjötsbit-
um sem eldaðir eru í sósu úr brún-
uðum lauk, jógúrti, engifer og góð-
um kryddum sem gera réttinn fal-
lega rauðan að lit og gefa honum
hita og gott bragð. Uppskriftin er
ekki ný og kemur fyrir í fjölda mat-
reiðslubóka í ýmsum útfærslum.
Rétturinn flokkast ekki undir neinn
glamúr enda eru pottréttir sjaldn-
ast af þeim toga. Hann myndi frek-
ar flokkast sem matur fyrir sálina
sem lætur manni líða vel og er mat-
ur sem á sérlega vel við á köldum
vetrardögum. Það hefur víst verið
nóg af þeim síðasta mánuðinn og
það verða líklega næg tækifæri til að
ylja sér við góðan pottrétt áður en
fer að vora.
Rogan josh lambakjöt
Innihald:
¼ bolli olía
900 gr lambakjöt, skorið í litla bita.
Salt
2 laukar, skornir smátt
2 hvítlauksgeirar
2 tsk. ferskt engifer, skorið mjög smátt
eða rifið.
1 matskeið + 1 tsk. karrý (ef notað er
madras karrý, þá verður rétturinn
sterkari)
1 tsk. túrmerik
½ tsk. cayenne pipar
2 lárviðarlauf
Um 400 ml af tómat púrru
1 bolli hrein jógúrt
2 bollar vatn
1 tsk. garam masala
Kóríander lauf til skreytingar
Basmati hrísgrjón, nan brauð.
Aðferð:
Hitið olíu í breiðum potti eða
djúpri pönnu. Saltið lambið og
steikið í olíunni á háum hita í 10
til 12 mínútur. Hrærið í af og til.
Færið lambakjötið á disk.
Setjið laukinn á pönnuna og
steikið í nokkrar mínútur við væg-
ari hita, þar til hann verður mjúk-
ur. Bætið þá engifer, hvítlauk, karrý,
túrmerik, cayenne pipar og lárvið-
arlaufum út í látið malla í um tvær
mínútur. Bætið þá tómatpúrru, jóg-
úrt og vatni við. Saltið örlítið og
látið suðuna koma upp. Bætið svo
lambakjötinu út í og setjið lok á
pottinn, en hafið smá rifu á. Látið
malla við vægan hita í eina klukku-
stund. Þá skal hræra garam masala
út í og elda í fimm mínútur í viðbót.
Áður en maturinn er borinn fram
skal veiða lárviðarlaufin upp úr og
fallegt er að skreyta matinn með
smá kóríanderlaufum. Berið fram
með hrísgrjónum, naanbrauði og
jafnvel steiktu grænmeti eða fersku
salati.
Freisting vikunnar
Indverskur lambapottréttur